គ្រឿងចក្រ​របស់​ក្រុមហ៊ុន ឈាង ផាន់​ណា​រិ​ទ្ធ បង្កើត​ឲ្យ​មាន​ភាព​ក្តៅក្រហាយ ចំពោះ​ប្រជាពលរដ្ឋ​រស់នៅ​ឃុំ​អូរជ្រៅ ស្រុក​ព្រៃនប់​

, , Leave a comment

​ខេត្ត​ព្រះសីហនុ ៖ រឿងរ៉ាវ​ដែល​ប្រជាពលរដ្ឋ និង​ព្រះសង្ឃ​នៅ​វត្ត​ខ្ទរ ក្នុង​សង្កាត់​ព្រែកលៀប ប្រើ​ហិង្សា​ប្រឆាំង​ចំពោះ​ក្រុមហ៊ុន អេង​កាំ​ង របស់លោក អង្គ លី​អេង ដែល​ប៉ុនប៉ង​ទន្ទ្រាន​យក​ដី​វត្ត និង​ប្រើ​គ្រឿងចក្រ​ទៅ វាយកម្ទេច​កន្លែង​បូជាសព និង​រោងបុណ្យ​មិនទាន់​ដោះស្រាយ​រួចរាល់​នៅឡើយ​ទេ ឥឡូវនេះ​ស្រាប់តែ​ប្រជាពលរដ្ឋ​ជាង ២០០ នាក់​រស់នៅ​ឃុំ​អូរជ្រៅ ស្រុក​ព្រៃនប់ បាន​ក្តៅក្រហាយ ជាមួយ​ក្រុមហ៊ុន ឈាង ផាន់​ណា​រិ​ទ្ធ ដែល​ប៉ុនប៉ង​ឈូសឆាយ កន្លែង​បូជា​និង​កប់​សព ប្រចាំ​ឃុំ​របស់​ពួកគេ ដែល​ទាមទារ​ឲ្យ​លោក ស្បោង សា​រ៉ា​ត ជា​អភិបាលខេត្ត​ព្រះសីហនុ ជួយ​ដោះស្រាយ​ឲ្យ​បាន ទាន់ពេលវេលា​។​

 

​សេចក្តីរាយការណ៍​ពី ខេត្ត​ព្រះសីហនុ បាន​ឲ្យ​ដឹងថា កាលពី​ព្រឹក​ថ្ងៃទី ១ ខែធ្នូ យ៉ាងហោចណាស់ ក៏មាន​ប្រជាពលរដ្ឋ​ប្រមាណ ២០០​នាក់ រស់នៅ​ឃុំ​អូរជ្រៅ ស្រុក​ព្រៃនប់ ខេត្ត​ព្រះសីហនុ បាន​ប្រមូល​ផ្តុំគ្នា នៅ​កន្លែង​បូជាសព និង​ជាទី​វាល​កប់ខ្មោច ប្រចាំ​មូលដ្ឋាន​ដែល​ប្រជាពលរដ្ឋ នៅ​ទូទាំង​ឃុំ​អូជ្រៅ បាន​ប្រើប្រាស់​អាស្រ័យ​ផល រាប់​ទសវត្សរ៍​មកហើយ ដោយសារតែ​ពួកគាត់​មិន​សុខចិត្ត ចំពោះ​អាជ្ញាធរ​ឃុំ ដែល​បានអនុញ្ញាត ឲ្យ​ក្រុមហ៊ុន ឈាង ផាន់​ណា​រិ​ទ្ធ កាន់កាប់​និង​អភិវឌ្ឍន៍​នៅលើ​នេះ ដោយ​មិនបាន​សិក្សា និង​ដោះស្រាយ​ផលប៉ះពាល់ ធ្វើ​ឲ្យ​ប្រជាពលរដ្ឋ ក្តៅក្រហាយ​យ៉ាងខ្លាំង​។​

 

​លោក គឹម សុធា ជា​តំណាង​ប្រជាពលរដ្ឋ ដែល​នាំគ្នា​ធ្វើការ​តវ៉ា បាន​បញ្ជាក់ថា ប្រជាពលរដ្ឋ​បាននាំគ្នា​តវ៉ា នៅ​លើដី​មួយកន្លែង ស្ថិតក្នុង​ឃុំ​អូរជ្រៅ ស្រុក​ព្រៃនប់ ខេត្ត​ព្រះសីហនុ ដើម្បី​ប្រឆាំង​តទល់ ជាមួយ​ក្រុមហ៊ុន ឈាង ផាន់​ណា​រិ​ទ្ធ ដែល​ត្រៀម​នឹង​ឈូសឆាយ កន្លែង​បូជា​និង​កប់​សព របស់​សាច់ញាតិ​ពួកគេ​។ លោក គឹម សុធា បាន​បន្ថែមទៀតថា ការប្រមូលផ្តុំ​គ្នា​នេះ ត្រូវបាន​ធ្វើឡើង បន្ទាប់ពី​ប្រជាពលរដ្ឋ​បានដឹងថា មេឃុំ​បាន​ចុះហត្ថលេខា ប្រគល់​ដី​នៅ​ចំណុច​នោះ ឲ្យ​ទៅ​ក្រុមហ៊ុន ឈាង ផាន់​ណា​រិ​ទ្ធ ជា​មេ​ឈ្មួញ​និង​ជា មន្ត្រី​ដ៏​មានអំណាច​។​

02-12-2013

​សមាជិក​ក្រុមប្រឹក្សា ខេត្ត​ព្រះសីហនុ​ម្នាក់​គឺ​លោក លី ឌី ដែល​បាន​ចុះទៅ​ឃ្លាំមើល នៅ​កន្លែង​ប្រមូលផ្តុំ​តវ៉ា​នោះ បាន​បង្ហើប​ឲ្យ​ដឹងថា មិនមាន​អ្វី​ចម្លែក​ទេ ដែល​ក្រុមហ៊ុន​ចង់បាន​ដី នៅ​ទីនោះ​សម្រាប់ធ្វើ​ការអភិវឌ្ឍ ដោយសារតែ​តំបន់​នោះ មាន​ទេសភាព​ស្អាត ដែល​អាច​នឹង​សាងសង់​ជា រមណីយដ្ឋាន​ដ៏​ស្រស់ស្អាត​។ បញ្ហា​បានកើត​ឡើង ដោយសារតែ​អាជ្ញាធរ​មូលដ្ឋាន បាន​ចុះហត្ថលេខា ប្រគល់​ដី​នោះ​ឲ្យ​ទៅ​ក្រុមហ៊ុន ដោយ​មិនបាន​ធ្វើការ​សិក្សា ឲ្យ​បានច្បាស់លាស់ ព្រោះ​ដី​នោះ​ប្រជាពលរដ្ឋ បាន​ទុកដាក់​សព​សាច់ញាតិ​របស់​ពួកគេ​តាំងពី​ឆ្នាំ ១៩៧៩ មកម្ល៉េះ​៕

 

Leave a Reply

(*) Required, Your email will not be published