ភាពមិន​ទទួលខុស​របស់​មន្ត្រី​យោធា​ទំនាក់ទំនង​ព្រំដែន​កម្ពុជា​-​ថៃ​មួយរូប បុក​ស្ត្រី​ម្នាក់​ឲ្យ​ស្លាប់ ហើយ​រត់​យករួចខ្លួន​

, , Leave a comment

​ខេត្តបន្ទាយមានជ័យ ៖ ស្ត្រី​ម្នាក់​បាន​ស្លាប់​យ៉ាង​អាណោចអាធ័ម​នៅនឹងកន្លែង​កើតហេតុ ខណៈដែល​កំពុងធ្វើដំណើ​រ ។ ហេតុការណ៍​គ្រោះថ្នាក់​ចរាចរណ៍​មួយ​នេះ​បាន​កើតឡើង កាលពី​វេលា​ម៉ោង ១១ និង ៣០ នាទី​ព្រឹក ថ្ងៃទី​០១ ខែធ្នូ ឆ្នាំ​២០១៣ នៅ​ចំណុច​ផ្លូវជាតិ​៥៩ ស្ថិតក្នុង​ភូមិ​អូរ​អំពិល ឃុំ​ពង្រ ស្រុក​ម៉ាឡៃ ខេត្តបន្ទាយមានជ័យ​។​

 

​ស្ត្រីជន​មានឈ្មោះ ស៊ិន ចាន់ធូ អាយុ​៤០ ជា​កសិករ រស់នៅ​ក្នុងភូមិ​បន្ទាយ​ទី​១ ឃុំ​ពង្រ ស្រុក​ម៉ាឡៃ ខេត្តបន្ទាយមានជ័យ ។ ចំណែក​ជនបង្ក​ពុំទាន់​ដឹង​អត្តសញ្ញាណ​នៅឡើយ​ទេ គ្រាន់​ដឹងថា​ជា​មន្ត្រី​យោធា​ទំនាក់ទំនង​ព្រំដែន​កម្ពុជា​-​ថៃ​មួយរូប​ប៉ុណ្ណោះ ដោយ​សម្អាង​លើ​រថយន្ត​។​

 

​ប្រភពពី​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ​គេ​ឃើញ​រថយន្ត​ម៉ាក​លុ​ច្ស​ស៊ី​ស RX300 ពណ៌​ស ពាក់​ស្លាក​លេខ ភ្នំពេញ 2X-9513 បើកបរ​ដោយ​បុរស​ម្នាក់​ក្នុងទិសដៅ​លិច ទៅ​កើត ដោយ​ល្បឿន​យ៉ាង​លឿន ស្រប​ទិស​ជាមួយ​ម៉ូតូ​ម៉ាក​អ៊ែ​ប្លែក ពណ៌​ខ្មៅ ឥត​ស្លាក​លេខ ១​គ្រឿង ដោយ​ជិះ​ដោយ​ស្ត្រី​ម្នាក់  ។ លុះ​មកដល់​ចំណុចកើតហេតុ​ដោយសារ​ល្បឿន និង​គ្មាន​ភាព​ប្រុងប្រយ័ត្ន​បាន​ជ្រុល​ទៅបុក​ពីក្រោយ ធ្វើ​ឲ្យ​ស្ត្រី​រងគ្រោះ​បោក​ក្បាល​ស្លាប់​ភ្លាមៗ​មួយ​រំពេច ។ បន្ទាប់ពី​កើតហេតុ​ជនបង្ក​បាន​ចុះ​ពី​រថយន្ត​គេចខ្លួន​បាត់ស្រមោល ដោយ​បន្សល់ទុក​រថយន្ត​នៅ​កន្លែងកើតហេតុ​។​

01-12-2013

​ក្រោយ​កើតហេតុ​សមត្ថកិច្ច​បាន​មក​ធ្វើការ​វាស់វែង និង​យក​រថយន្ត​បង្ក រួមទាំង​ម៉ូតូ​របស់​ជនរងគ្រោះ​ទៅ​រក្សា​នៅ​អធិការដ្ឋាន​ស្រុក​ម៉ាឡៃ ដើម្បី​រង់ចាំ​ការដោះស្រាយ​នៅពេល​ក្រោយ​។ ចំណែក​សព​ជនរងគ្រោះ​ត្រូវបាន​ប្រគល់​ឲ្យ​ក្រុមគ្រួសារ​ធ្វើបុណ្យ​តាម​ប្រពៃណី ៕

 

Leave a Reply

(*) Required, Your email will not be published