នាយករដ្ឋមន្ត្រី​ថៃលោកស្រី​ យី​ង​ឡាក់ រួចខ្លួន​ក្រោយ ការបោះឆ្នោត ដក​សេចក្តីទុកចិត្ត​

, , Leave a comment

​ប្រទេស​ថៃ ៖ រហូតមកដល់​ថ្ងៃ​ព្រ​ហ​ស្ប​ត្តិ៍​នេះ មិនមាន​ការចាប់ខ្លួន​ណាមួយ​បាន​ត្រូវធ្វើឡើង​នៅឡើយ​ទេ ហើយ​លោក​ស៊ូ​ថេប​នៅតែ​បន្ត​ដឹកនាំ​មហា​បាតុកម្ម​តាម​ដងផ្លូវ កាន់កាប់​ក្រសួង​ស្ថាប័នរដ្ឋ​សំខាន់​ជាង​១០​កន្លែង និង​រាប់បញ្ចូល​បាតុកម្ម​នៅ​តំបន់​ដទៃទៀត​ដូច ។

28-11-2013 (3)

នៅ​ចំ​កណ្ដាល​នៃ​មហា​បាតុកម្ម​នៅ​ក្រុង​បាងកក និង​តំបន់​មួយចំនួន​នៃ​ប្រទេស​ថៃ ដែល​ទាមទារ​ឱ្យ​លោកស្រី​យី​ង​ឡាក់​នាយករដ្ឋមន្ត្រី​ថៃ លាលែង​ពី​ដំណែង និង​រំលាយ​សភា​នោះ នៅថ្ងៃនេះ​សភា​ជាន់​ទាប​របស់​ថៃ ដែល​សមាជិក​ភាគច្រើន​មកពី​គណបក្ស​ភឿ​ថៃ និង​សម្ព័ន្ធមិត្ត​ក្នុង​រដ្ឋាភិបាល​នោះ បានសម្រេច​ផ្ដល់​សេចក្ដីទុកចិត្ត​សាជាថ្មី ក្នុងការ​បោះឆ្នោត​ដក​សេចក្ដីទុកចិត្ត ដែល​ស្នើឡើង​ដោយ​គណបក្ស​ប្រជាធិបតេយ្យ​ដែលជា​បក្សប្រឆាំង​។ ខណៈ​លោក​ស៊ូ​ថេប ដែលជា​មេ​បាតុកម្ម​ប្រឆាំង​លោកស្រី​បានប្រកាសថា​លោក​ត្រៀមខ្លួន​រួចរាល់​ដើម្បី​ប្ដូរ​ស្លាប់​ក្នុង​សមរភូមិ​នយោបាយ​លើក​នេះ​។​

28-11-2013 (2)

​សមាជិកសភា ២៩៤ រូប បាន​លើកដៃ​គាំទ្រ ខណៈ ១៣៤ រូប ទៀត​បាន​លើកដៃ​ប្រឆាំង​លោកស្រី​។ ប្រឆាំង និង​ចង់​ទម្លាក់​ក៏​ដោយសារតែ​ក្រោម​ហេតុផល​ថា រដ្ឋាភិបាល​លោកស្រី​យី​ង​ឡាក់ មានរឿង​អាស្រូវ​ក្នុង​រឿង​គម្រោង​គ្រប់គ្រង​ធនធានទឹក​មានតម្លៃ ១០៨ លាន​ដុឡា និង​បញ្ហា​វិបត្តិ​ថវិកា​របស់​រដ្ឋា​ភី​បាល ក្នុងការ​ឧបត្ថម្ភ​ធន ធានា​ទិញស្រូវ​អង្ករ​កសិករ​។ តែ​លទ្ធផល​នៃ​ការបោះឆ្នោត​ផ្ដល់​សេចក្ដីទុកចិត្ត​ជាថ្មី​នេះ ទំនងជា​នឹងមិន​អាចឱ្យ​វិបត្តិ​នយោបាយ​ថៃ​ថយកម្ដៅ​ទេ​។ តែ​នេះ​អាច​នឹង​នាំឱ្យ​កាន់តែ​ធ្ងន់ធ្ងរ​ទៀត​ក៏​ថា​បាន ខណៈដែល​ការគាំទ្រ​នេះ មាន​លក្ខណៈ​ផ្ទុយ​ពី​ឆ​ន្ទះ​ហ្វូងមនុស្ស​រាប់ម៉ឺន​នាក់​នៅតាម​ដងផ្លូវ​ក្នុង​ក្រុង​បាងកក ដែល​ទាមទារ​យ៉ាង​រន្ថើន ឱ្យ​គាស់​រំលើង​របប​ថាក់ស៊ីន យក​អំណាច​ឱ្យ​ប្រជាជន​។​

28-11-2013 (1)

​ពាក្យ​យក​អំណាច​ឱ្យ​ប្រជាជន នេះ ត្រូវបាន​ប្រើ​ដោយ​លោក​ស៊ូ​ថេប ក្នុងការ​ដឹកនាំ​បាតុក​ម្ម​របស់លោក ហើយ​កាលពី​ម្សិលមិញ លោក​បាន​និយាយថា លោក​ត្រៀមខ្លួន​រួចរាល់​ដើម្បី​ស្លាប់​ក្នុង​សមរភូមិ​នយោបាយ​លើក​នេះ​។ ដែល​ការប្រកាស​នេះ​មាន​ឡើង​១​ថ្ងៃ​បន្ទាប់ពី​តុលាការ​ព្រហ្មទណ្ឌ បានចេញ​ដីកា​តាម​ចាប់ខ្លួន​លោក និង​ស្នើឱ្យ​លោក​ប្រគល់​ខ្លួន​តាម​សម្រួល​៕

   28-11-2013

 

Leave a Reply

(*) Required, Your email will not be published