លោ​ក​ ​ម៉ម​ ​ប៊ុ​​នហេ​ង​ ​មិ​ន​​​អា​ចធ្វើ​​​មិ​ន​ដឹង​មិ​​​នឮ ចំ​ពោះ​​អំ​ពើ​ពុ​ក​រ​លួ​យ​​ផ្នែ​ក​​​ល​ទ្ធ​ក​ម្ម និ​ង​​​ភា​ព​​ខ្ជះ​ខ្ជា​យ​​ក្នុ​ង​​កា​រ​ទិ​ញ​ស​ម្ភា​រៈ​​ប​រិក្ខា​រ​​ដែ​​ល​​​ថ្លៃ​​ក​ប់​​ព​ព​ក នោះទេ​!

, , Leave a comment

​រាជធានី​ភ្នំពេញ ៖ មន្ត្រី​ជាច្រើន​ដែល​កំពុង​ឈឺចាប់ ចំពោះ​ការដឹកនាំ​មិន​ត្រឹមត្រូវ និង​ភាព​អសកម្ម​របស់លោក ម៉ម ប៊ុនហេង ជា​រដ្ឋមន្ត្រី​ក្រសួងសុខាភិបាល បាន​បន្ត​លាតត្រដាង ពី​ប្រវត្តិ​ប្រព្រឹត្ត​អំពើពុករលួយ របស់លោក ម៉ម ប៊ុនហេង តាំងពី​ឆ្នាំ​២០០៥ រហូតមកដល់​ពេលនេះ មិនទាន់មាន​ការកែទម្រង់​សូម្បីតែ​បន្តិច ហើយ​គេ​ចាំបាន​ថា កាលពី​ឆ្នាំ​២០០៥ លោក ម៉ម ប៊ុនហេង ធ្លាប់បាន​ទាត់ចោល សំណើ​បណ្តុះបណ្តាល​ពេទ្យឆ្មប ដែល​សាលា​នានា និង​សាលា​ភូមិភាគ​មួយចំនួន បានស្នើ​មកកាន់ ក្រសួងសុខាភិបាល​រហូត​ដល់​សម្តេច ហ៊ុន សែន ក្តៅស្លឹកត្រចៀក​ម្តង​រួចមកហើយ ឥឡូវនេះ​ក៏ត្រូវ​ម្ចាស់ជំនួយ លាតត្រដាង រឿងអាស្រូវ​ពុករលួយ គួរ​ឲ្យ​ភ្ញាក់ផ្អើល​បំផុត​។​

 

​ពាក់ព័ន្ធ នឹង​ការបណ្តុះបណ្តាល ពេទ្យឆ្មប​នេះ​ផងដែរ ប្រភព​បាន​ឲ្យ​ដឹងថា ជំទាវ​ម្នាក់​របស់លោក ម៉ម ប៊ុនហេង ដែល​កាន់តំណែង​ជា ប្រធាន​នាយកដ្ឋាន​ធនធានមនុស្ស បាន​ប្រើ​សិទ្ធិអំណាច​គាបសង្កត់ ទៅលើ​នាយក​សាលា បណ្តុះបណ្តាល​គ្រូពេទ្យ តាមតែ​អំពើ​ចិត្ត ហើយ​គេ​ដឹងថា លោក ម៉ម ប៊ុនហេង បាន​លើកសរសើរ សាលា​ពេទ្យ​មួយ​នៅក្នុង ខេត្តកំពង់ចាម ដែល​ដឹកនាំ​ដោយ ស្រី​ស្នេហ៍​របស់គាត់ ថា​ល្អ​មិន​ដាច់​ពី​មាត់ បើទោះបីជា​គិលានុបដ្ឋាក ចេញ​មកពី​សាលា​កំពង់ចាម គេ​សឹង​ថា​គេ​មិន​រើស​យកទៅ​ធ្វើការ​ក៏ដោយ​។ រហូតដល់​ឆ្នាំ​២០០៩ ដោយ​ឃើញ​មាន​ខ្វះ​ពេទ្យឆ្មប នៅ​ទូទាំងប្រទេស ទើប​សម្តេច ហ៊ុន សែន បាន​សួរនាំ​ពី​បញ្ហា​នេះ ស្រាប់តែ​លោក ម៉ម ប៊ុនហេង បាន​បង្កើត​ឲ្យ​មាន​វគ្គ បណ្តុះបណ្តាល​ពេទ្យឆ្មប យ​កបុង បើទោះបីជា​គាត់​ធ្វើ​ឲ្យ​ខាត ពេលវេលា​រយៈពេល ៦ ឆ្នាំ គួរ​ឲ្យ​សោកស្តាយ​បំផុត​។​

 

មន្ត្រី​មួយចំនួនទៀត​ក៏បាន​លើកឡើង​ផងដែរ​ថា ប៉ុន្មាន​ឆ្នាំ​មុននេះ មាន​គ្រូពេទ្យ​ម្នាក់​បាន​ចុះទៅ​ធ្វើការ អង្កេត​ស្រាវជ្រាវ​អំពី​តម្លៃ​សម្ភារៈ បរិក្ខារ​ពេទ្យ​បាន​ឲ្យ​ដឹងថា ក្រសួងសុខាភិបាល បាន​បញ្ជា​ទិញ​សម្ភារៈ សម្រាប់​ដាក់​ថ្នាំ​សណ្តំ ដែលមាន​តម្លៃ​ខ្ពស់ៗ​មួយចំនួន ដែល​គ្មាន​គ្រូពេទ្យ​ណា​ម្នាក់ ចេះ​ប្រើប្រាស់ ហើយក៏​យកទៅ​ទុកចោល រាប់សិប​គ្រឿង ខាតបង់​ថវិកាជាតិ ឥតប្រយោជន៍​។ ចំពោះ​ការបញ្ជាទិញ​ឱសថ សេរ៉ូម និង​សម្ភារៈ​ខ្លះៗ ត្រូវធ្វើឡើង​តាម​នីតិវិធី​ដេញថ្លៃ តែ​របស់​ទាំងនោះ​មានតម្លៃ លើសពី​ការទិញ​ក្នុងតម្លៃ​ធម្មតា ១​ជា​៤ ឬ​៦ ដង​ឯណោះ  ដែលជា​ការបំផ្លាញ​ថវិកាជាតិ គួរតែ​អង្គភាព​ប្រឆាំង អំពើពុករលួយ​ធ្វើការ​ស្រាវជ្រាវ បញ្ហា​អស់ទាំង​នេះ​ឡើងវិញ​ជាបន្ទាន់ ជាពិសេស​ក្រុម​លទ្ធកម្ម ដែលមាន​ក្រុមមន្ត្រី​សំខាន់ៗ​ចំនួន ៣ នាក់ ក្តោប​ក្តាប់​ការងារ ពួកគេ​អាចធ្វើ​អ្វីៗ តាមតែ​អំពើ​ចិត្ត​។​

 

​ក្រុម លទ្ធកម្ម​នេះ​ផងដែរ ក៏បាន​ឃុបឃិត​ជាមួយ ថ្នាក់ដឹកនាំ​ក្រសួងសុខាភិបាល និង​អនុវត្តន៍​តាម​បទបញ្ជា របស់លោក ម៉ម ប៊ុនហេង ដូចជា​ការយក​ថ្នាំ ខូចគុណភាព​មកប្រើប្រាស់ បែងចែក​ទៅតាម​មន្ទីរពេទ្យ ដោយ​គ្រាន់តែ​ទិញ​កេស​ថ្មី កែប្រែ​កាលបរិច្ឆេទ ផុតកំណត់​ប្រើប្រាស់ ហើយ​បញ្ហា​នេះ​ត្រូវបាន​ស្រាវជ្រាវ កាលពី​ឆ្នាំ​២០០៣ ម្តង​រួចមកហើយ ដែល​ពេលនោះ​រកឃើញ ប្រភេទ​ថ្នាំ​ជាច្រើន ដែល​ក្រុម​លទ្ធកម្ម បាន​ត្រូវ​ដៃ​ត្រូវ​ជើង​ឃុបឃិត ជាមួយ​ក្រុមហ៊ុន​ឯកជន ដែល​ម៉ៅការ​ផ្គត់ផ្គង់ ថ្នាំពេទ្យ​ទាំងនោះ​តាមរបៀប​ផ្តាច់មុខ បើទោះបីជា​ក្រុមហ៊ុន​ទាំងនោះ មិនបាន​អនុវត្តន៍​កិច្ចសន្យា ឲ្យ​បាន​ត្រឹមត្រូវ​ក៏ដោយ​។ ដូចជា​ពេលខ្លះ​ធ្វើ​ឲ្យ​ដាច់​ស្តុក គ្មាន​សម្ភារៈ​បរិក្ខារ ឬ​ថ្នាំពេទ្យ​សម្រាប់​ប្រើប្រាស់ ហើយ​ពេលខ្លះទៀត គ្រួសារ​អ្នកជំងឺ ដែល​ត្រូវការ​ថ្នាំ​មួយចំនួន ជា​ចាំបាច់​នៅតាម​មន្ទីរពេទ្យ​រដ្ឋ​គ្មានទេ បែរជា​មាន​លក់​នៅតាម​ទីផ្សារ យ៉ាង​អនាធិបតេយ្យ​។​

 

​ដូចជា​ករណី​ថ្នាំ​ជំនួយ សម្រាប់​ការព្យាបាល​ជំងឺរបេង ឬ​ជំងឺ​រ៉ាំរ៉ៃ​ជាច្រើន​ប្រភេទ​ទៀត នៅពេល​ដាច់​ស្តុក គ្រួសារ​អ្នកជំងឺ ត្រូវ​ចំណាយលុយ​ទៅ​ទិញ តាម​ទីផ្សារ​ក្នុងតម្លៃ​ថ្លៃ ហើយ​ថ្នាំ​ទាំងនោះ ក៏មាន​បិទ​ស្លាក​ហាម​លក់ដូរ​ផងដែរ ព្រោះ​ជា​របស់​ជំនួយ ហើយ​គ្រួសារ​ខ្លះទៀត ដែល​គ្មាន​លុយ​ទិញ​ថ្នាំ ត្រូវ​លាប់​ឡើងវិញ ឈឺ​កាន់តែ​ធ្ងន់​។ រឿងអាស្រូវ​ដ៏​សំខាន់​មួយទៀត​នោះ គឺ​ក្នុង​ក្រសួងសុខាភិបាល​ទាំងមូល ពោរពេញ​ដោយ​អំពើ​បក្ខពួកនិយម ការជិះជាន់​សង្កត់សង្កិន​មន្ត្រី​តូចតាច ដូចជា​អំពើពុករលួយ ក្នុងពេល​ប្រឡង​ចូល​ក្របខ័ណ្ឌ មាន​ប្រភព​ខ្សឹបខ្សៀវ​មួយចំនួន បាន​បង្ហើប​ឲ្យ​ដឹងថា មានការ​សូកប៉ាន់​ចាប់ពី ៥​ពាន់​ដល់​៨ ពាន់​ដុល្លារ​អាមេរិក ហើយ​អ្នក​ដែល​មិនចេះ​អ្វី​សោះ ក៏​អាច​ប្រឡង​ជាប់​ដែរ ឲ្យ​តែមាន​លុយ​សូកប៉ាន់​។​

 

​ចំណែកឯ​ក្រុមនិស្សិត ដែលមាន​សមត្ថភាព មិនដែល​ប្រឡង​ជាប់​ទេ ហើយ​ធ្វើ​ឲ្យ​គុណភាព សេវាកម្ម​នៃ​វិស័យ​សុខាភិបាល នៅក្នុង​ប្រទេស​កម្ពុជា កាន់តែ​ធ្លាក់ទឹក ធ្វើ​ឲ្យ​ប្រជាពលរដ្ឋ​អស់ជំនឿ ពេល​មាន​ជំងឺ​ម្តងៗ​នាំគ្នា ចេញទៅ​ព្យាបាល​នៅ ស្រុក​យួន​ស្រុក​សៀម ដែលមាន​ប្រសិទ្ធភាព និង​ចំណាយលុយ​អស់​តិចជាង​។ ជាពិសេស​គ្រួសារ អ្នកមាន​លុយ​មានអំណាច សូម្បីតែ​ឈឺ​ផ្តាសាយ ឬ​មាន​អា​ការៈមិន​ស្រួលខ្លួន តែងតែ​ចំណាយលុយ ចេញទៅ​ពិនិត្យ​ព្យាបាល​ជំងឺ​នៅ​ស្រុក​យួន ស្រុក​សៀម ឬ​សិង្ហ​បុរី​ជា​ទៀងទាត់​។ មន្ត្រី​មួយចំនួន​បាន​បង្ហើប​ឲ្យ​ដឹង​ទៀតថា ការបណ្តុះបណ្តាល​និស្សិត​ពេទ្យ នៅ​សាលា​ក្រហម​កាលពីមុន​មានគុណ​ភាពល្អ​ណាស់ ប៉ុន្តែ​ក្រោយមក​មានការ​បំផ្លាញ ភាព​រីកចម្រើន​របស់​រដ្ឋ ឲ្យ​ធ្លាក់ទឹក ធ្វើយ៉ាងណា​ឲ្យ ក្រុមនិស្សិត​ធុញទ្រាន់ ហើយ​ងាក​ទៅ​រៀន តាម​សាលា​ឯកជន​។​

28-11-2013

​អាណាព្យាបាល និស្សិត មួយចំនួន​បាន​ចំអក​ថា សាលា​ក្រហម​ឥឡូវនេះ បាន​ក្លាយជា​សាលា​ពណ៌​ពង​ក្រសា វា​ខុសពី​ពណ៌​ដើម ប្រែក្លាយ​ទៅជា​បង្រៀន​សិស្ស​មិនចេះ ធ្វើ​ឲ្យ​ការបណ្តុះបណ្តាល ធនធាន​គ្រូពេទ្យ ពី​មាន​គុណភាព ទៅជា​អន់​ខ្សោយ ក​ម្សុ​យ​ផុត​លេខ​។ មាន​បាតុភាព​ជាច្រើន​ទៀត ដូចជា គ្រូពេទ្យ​មួយចំនួន ត្រូវបាន​គេ​គំរាម​ដាក់​កំហិត ឲ្យ​ធ្វើការ​តែមួយ​កន្លែង គឺ​នៅ​ផ្នែក​រដ្ឋ​ឬ​ឯកជន ប៉ុន្តែ​សម្រាប់​បក្ខពួក​ឬ​ជា​សែស្រឡាយ​របស់លោក ម៉ម ប៊ុនហេង ចង់​ធ្វើការ​ប៉ុន្មាន​កន្លែង​ក៏បាន មិនដែល​ចូល​ប៊ុ​យ​រ៉ូ​ធ្វើការ​សោះ មាន​ប្រាក់ខែ​បើក​ទៀងទាត់ ជា​រៀងរាល់ខែ​។ មន្ត្រី​ជាច្រើន រួមទាំង​គ្រូពេទ្យ​ផងដែរ ដោយសារតែ​ពួកគាត់ ស្អប់ខ្ពើម​ការដឹកនាំ​មិន​ត្រឹមត្រូវ ពោរពេញ​ដោយ​ភាព​អសកម្ម របស់លោក ម៉ម ប៊ុនហេង ដែល​គ្មាន​ការកែទម្រង់ ក៏​ស្អប់​លេខ​៤ ហើយក៏​នាំគ្នា​ទៅ​គាំទ្រ​លេខ​៧ សឹង​អស់​ទៅហើយ​៕

 

Leave a Reply

(*) Required, Your email will not be published