ភា​ព​ទំ​​នើ​​ង​ និ​ង​​​អសី​​លធ​​ម៌​​​រ​បស់​លោ​ក​​ សា​ន​ ​ឌឿ​​​​ន ជា​​ម​ន្ត្រី​​​ក​ងរា​ជ​អា​វុធ​ហត្ថ​​ស្រុ​ក​​​សណ្តា​ន់ ​ប្រើ​​អំ​ណាច​​​បា​ញ់បោះ​​​សេ​រី​ ​គំ​រា​ម​ប្រ​ជា​ពល​រ​ដ្ឋ និ​ង​​​ដា​​ក់​ខ្នោះ​​​ជ​ន​ពិ​ការ​ ​តើ​​លោ​​​​កមេ​​ប​ញ្ជា​​​កា​រ​​ផ្ទៃ​​ប្រ​ទេ​ស​​ចា​ត់​វិ​​ធា​ន​កា​រ​​​យ៉ា​ង​ដូ​ច​ម្តេ​ច​​?

, , Leave a comment

​ខេត្តកំពង់ធំ ៖ កាលពី​ព្រឹក​ថ្ងៃទី ២៦ ខែវិច្ឆិកា ឆ្នាំ ២០១៣​នៅ​ចំណុច​សាលារៀន ភូមិ​អង្គរ​សែន​ជ័យ ឃុំ​ក្លែង ស្រុក​សណ្តាន់ ខេត្តកំពង់ធំ មន្ត្រី​កងរាជអាវុធហត្ថ​ស្រុក​សណ្តាន់​ឈ្មោះ សានដឿ​ន ដែល ជា​PM​ទំនើង​អាង​បាញ់ កាប់​ចាក់ នោះបាន​បាញ់​គំរាម​ប្រជាពលរដ្ឋ​ដែល​កំពុងតែ​សាងសង់​សាលារៀន​ដើម្បី​ឲ្យ​កូនចៅ​រៀនសូត្រ ព្រមទាំង​ចាប់​បុរស​ពិការ​ជើង​ដាក់​ខ្នោះ​បញ្ជូនមក​ទីបញ្ជាការ​កងរាជអាវុធហត្ថ​ស្រុក​សណ្តាន់ បាន​បង្ក​ឲ្យ​មានការ​ភ្ញាក់ផ្អើល​ប្រជាពលរដ្ឋ​ពេញ​ស្រុក​ដែល និង​ទទួល​ការរិះគន់​សព្វបែបយ៉ាង​ហើយ​មកដល់ពេលនេះ​ថ្នាក់លើ​មិនទាន់មាន​វិធានការ​ចំពោះ​លោក​សាន ដឿ​ន ដែលជា​PM​ទំនើង​អាង​បាញ់​កាប់​ចាក់​នោះបាន​បាញ់​គំរាម​ប្រជាពលរដ្ឋ ព្រមទាំង​ចាប់​បុរស​ពិការ​ជើង ដាក់​ខ្នោះ​បញ្ជូនមក​ទីបញ្ជាការ​កងរាជអាវុធហត្ថ​ស្រុក​សណ្តាន់​នោះ​នៅឡើយ​ទេ​។​

 

​តាម​ប្រភពព័ត៌មាន​នៅ​កន្លែងកើតហេតុ បានអោយដឹងថា​ថា​នៅ​ថ្ងៃកើតហេតុ​ប្រជាពលរដ្ឋនៅក្នុង​ភូមិ​ចំនួន​៦​ទៅ​៧​នាក់ បាននាំគ្នា​ទៅ​ជួសជុល​សាលារៀន ដែល​បាន​សាងសង់​រយៈពេល​ជាង​មួយឆ្នាំ​មានការ​ធ្លុះធ្លាយ រួច​ក៏បាន​នាំគ្នា​ជួសជុល​សាលា​ដើម្បី​កូនចៅ​បាន​ចូលរៀន​ស្រួល ព្រោះ​វា​ធ្លុះធ្លាយ​ពេល​កំពុង​ជួសជុល​ស្រាប់តែ លោក សាន ឌឿ​ន ជា​មន្ត្រី​កងរាជអាវុធហត្ថ​ស្រុក​សណ្តាន់ បាន​ចេញមក​ឈ្លោះ​ឡូឡា​របៀប​មនុស្ស​ព្រៃ​ទំនើង សំឡុត​គំរាមកំហែង​ប្រជាពលរដ្ឋ ថែមទាំង​បាន​ចាប់​ម៉ាស៊ីន​អា​ក្តារ ធ្វើ​សាលារៀន​បស់​ប្រជាពលរដ្ឋ​ទុក​មិន​ឲ្យ​ជួសជុល​សាលា ក្រោយមក​ក៏មាន​ការឈ្លោះប្រកែក​គ្នា​យ៉ាង​តឹងតែង​ហើយ​លោក សាន ឌឿ​ន បាន​បាញ់​គំរាម​ចំនួន ៣ គ្រាប់​មកលើ​ប្រជាពលរដ្ឋ​ដែល​កំពុង​ជួសជុល​សាលា​មាន​បាតដៃ ទទេ រួច​ចាប់ ជា​ជនពិការ​ជើង និង​ជា​អតីតមន្ត្រី​យោធា​ចូលនិវត្តន៍​ឈ្មោះ ហ៊ុន ធី ដាក់​ខ្នោះ​បញ្ជូនមក​ទីបញ្ជាការ​កងរាជអាវុធហត្ថ​ស្រុក​សណ្តាន់​ខេត្តកំពង់ធំ​ដោយ​មិនដឹង​មូល​ហេតុដែល​អ្នកឃើញ​ហេតុការណ៍​នោះ​ចាត់ទុក​វា​ជា​អំពើ​ព្រៃផ្សៃ​ណាស់​ដែល​សមត្ថកិច្ច​កម្លាំង​ប្រដាប់អាវុធ​របស់​ជាតិ​ប្រើ​ច្បាប់​ព្រៃ​អាង​អំណាច អាង​កាំភ្លើង​ចាប់​ប្រជាពលរដ្ឋ​ស្លូតត្រង់​។​

 

​ប្រភព​ព័ត​មានបាន​បន្តទៀតថា លុះ​មកដល់​ទីបញ្ជាការ​កង​រាជ​អាវុធហត្ថ​ស្រុក ជនរងគ្រោះ​បាន​ទូរស័ព្ទ​ហៅ​ប្រពន្ធ​ឲ្យ​មកជួប​ជាបន្ទាន់ ដើម្បី​ដាក់ពាក្យ​បណ្តឹង​ទៅ​សមត្ថកិច្ច​តាមផ្លូវ​ច្បាប់​ដើម្បី​រក​យុត្ត​ធម៌ តែ​ត្រូវបាន​លោក សាន ឌឿ​ន ដែល​ទំនើង​ជា​មន្ត្រី​កងរាជអាវុធហត្ថ​ស្រុក​សណ្តាន់ អាង​អំណាច អាង​កាំភ្លើង អាង​បាញ់​កាប់​ចាក់​ព្រមាន​ថា  ហ៊ាន​ដាក់​ពាក្យបណ្តឹង​នឹង​បញ្ជូន​ឈ្មោះ ហ៊ុន ធី ជា​ជនពិការ​ជើង​មក​ខេត្តកំពង់ធំ​។​

PM 2012-1213-002

​លោក សាន ឌឿ​ន ជា​មន្ត្រី​កងរាជអាវុធហត្ថ ស្រុក​សណ្តាន់​ឈរជើង​នៅ​អូរ​ធំ ពាក់ព័ន្ធ​ទៅនឹង​ការចោទប្រកាន់​ខាងលើ​សារ​ព​ត័​មានកំ​ណើ​ថ្មី​មិនអាច​ធ្វើការ​ទំនាក់ទំនង​សុំ​ការបំភ្លឺ​បានទេ ។ ករណី​ខាងលើ​គេ​មិនទាន់​ដឹងថា​លោក លក វង្ស មេបញ្ជាការ​កងរាជអាវុធហត្ថ​ស្រុក​សណ្តាន់​និង លោក​ឧ​ត្ត​ម​សេនីយ៍​ត្រី ហង្ស ថុល មេបញ្ជាការ​កងរាជអាវុធហត្ថ​ខេត្តកំពង់ធំ​ដែលជា​ថ្នាក់លើ​របស់ លោក សាន ឌឿ​ន និង​មាន​វិធានការណ៍​បែបណា​ចំពោះ​លោក​សាន ដឿ​ន ដែល​បាន​បាញ់បោះ​សេរី គឺ​បាញ់​គំរាម​ចំនួន​៣​គ្រាប់​មកលើ​ប្រជាពលរដ្ឋ ដែល​កំពុង​ជួសជុល​សាលារៀន​មាន​បាតដៃ ទទេ រួច​ចាប់​ប្រជាពលរដ្ឋ ជា​ជនពិការ​ជើង និង​ជា​អតីតមន្ត្រី​យោធា​ចូលនិវត្តន៍​ឈ្មោះ ហ៊ុន ធី ដាក់​ខ្នោះ​នោះ​។ ហើយ​ករណី​បាញ់បោះ​សេរី​និង​ចាប់​ប្រជាពលរដ្ឋ​ដាក់​ខ្នោះ​ខាងលើ​ប្រជាពលរដ្ឋ​រស់នៅ​ស្រុក​សណ្តាន់​ចង់ឃើញ​មេបញ្ជាការ​កង​រាជ​អាវុធ​លើ​ផ្ទៃ​ប្រទេស​ស្រាវជ្រាវ​និង​ត្រួតពិនិត្យ​មាន​​វិធានការណ៍​ជន​ប្រព្រឹត្ត​ខុសច្បាប់​នោះ​ផង​បើ​ពុំ​នោះទេ​ប្រជាពលរដ្ឋ​លោក​មិន​អស់ចិត្ត​ទេ​៕

 

Leave a Reply

(*) Required, Your email will not be published