ឥទ្ធិពល​នៃ​សុរា បានធ្វើ​ឲ្យ​បុរស​ម្នាក់​កម្លាំង វាយ​ចានឆ្នាំង រួម​នឹង​សមត្ថកិច្ច​

, , Leave a comment

​ខេត្ដ​កំពង់ចាម ៖ បុរស​ម្នាក់​ត្រូវបាន​នគរបាល​ឃាត់ខ្លួន​បញ្ជូនមក​តុលាការ បន្ទាប់ពី​ប្រើ​អំពើហិង្សា​ក្នុង​គ្រួសារ វាយ​បំផ្លិចបំផ្លាញ​ទ្រព្យសម្បត្ដិ និង​បាន​គំរាមកំហែង​កាប់​សមត្ថកិច្ច ខណៈដែល​សមត្ថកិច្ច​ទៅ​ជួយ​អន្ដរាគមន៍​។ ករណីនេះ​បានកើត​ឡើង​នៅវេលា​ម៉ោង​៧​និង​១០​នាទី​យប់ ថ្ងៃទី ២៤ ខែវិច្ឆិកា ឆ្នាំ​២០១៣ នៅ​ចំណុច​ភូមិ អង្គ ឃុំ​ត្រញំង​គ ស្រុក​ជើងព្រៃ ខេត្ដ​កំពង់ចាម ។

 

​ជនសង្ស័យ​បាន​បំផ្លិច បំផ្លាញ​ទ្រព្យសម្បត្ដិ និង​បាន​គំរាមកំហែង​កាប់​មកលើ​សមត្ថកិច្ច​ដែល​បង្កឡើង​ដោយ​ជនសង្ស័យ​ឈ្មោះ​ម៉េង ឈឿន អាយុ​៤៦​ឆ្នាំ មាន​ទីលំនៅ​ភូមិ​ឈូកស ឃុំ​បឹង​ណាយ ស្រុក​ជើងព្រៃ ខេត្ដ​កំពង់ចាម ។​

 

​តាម​របាយការណ៍​រប​ស់​សមត្ថកិច្ច​មូលដ្ឋាន​បានឱ្យដឹងថា មុនពេល​កើតហេតុ​ជនសង្ស័យ​បានមក​ផឹកស៊ី​នៅផ្ទះ​ប្រពន្ធចុង​ឈ្មោះ គាន អូន ហើយ​ព្រោះតែ​ខឹង​នឹង​ប្រពន្ធ​មិន​ព្រមធ្វើ​សរសៃ​ឲ្យ ក៏​ចាប់​ឪ​ទិន​ស្រា កែវស្រា និង​ចាន​បោក​កម្ទេចចោល ហើយ​នៅពេលដែល សមត្ថកិច្ច​ចុះ​ធ្វើ​អន្ដរាគមន៍​ជនសង្ស័យ​បាន​យក​ពូថៅ​គំរាម​កាប់​ទៅលើ​សមត្ថ កិច្ច​ថែមទៀត ។ ផ្អែក​តាម​បណ្ដឹង​ស្ដ្រី គាន អូន ជា​ប្រពន្ធចុង​ឱ្យដឹងថា នៅ​ថ្ងៃ​ខាងលើ​ជនសង្ស័យ​ដែល​ត្រូវជា​ប្ដី​ចុង​របស់ខ្លួន​បានមក​ផឹកស៊ី​នៅ​នឹង​ផ្ទះ ហើយក៏​មានទំនាស់ ពាក្យសម្ដី​បន្ដិចបន្ដួច​ពី​រឿង ព្រោះ​នាង​មិន​ព្រមធ្វើ​សរសៃ​ឱ្យ ។ ពេលនោះ​ជនសង្ស័យ​បាន​បោក​កែវស្រា​កម្ទេច​អស់​ចំនួន​២ រួច​ធាក់​ឪ​ទិន​ស្រា​បណ្ដាលឱ្យ កំពប់​អស់​៥​លីត្រ ។ បន្ទាប់មក​ជន សង្ស័យ​បាន​យក​ពូថៅ​វាយ​ខ្ទះ និង​ចាន សាច់​ក្លែម គ្រានោះ​នាង​បាន​ទូរស័ព្ទ​ប្ដឹង សមត្ថកិច្ច ហើយ​ពេល​សមត្ថកិច្ច​មក ដល់​និយាយ​ណែនាំ ជនសង្ស័យ​មិន​ត្រឹម តែ​មិន​ស្ដាប់​នោះទេ ថែមទាំង​ស្ទុះ​ទៅ យក​ពូថៅ​យារ​កាប់​លើ​សមត្ថកិច្ច​ទៀតផង ។

27-11-2013

​ក្រោយ​កើតហេតុ សមត្ថកិច្ច​បាន​ចាប់ និង​បញ្ជូន​ខ្លួន​ច​ន​សង្ស័យ​ទៅ​អធិការដ្ឋាន​នគរបាល​ស្រុក​ជើងព្រៃ​ដើម្បី​កសាង សំណុំរឿង​បញ្ជូនមក​តុលាការ​ពីបទ​បំផ្លិចបំផ្លាញ​ទ្រព្យសម្បត្ដិ និង​គំរាមកំហែង​កាប់​សមត្ថកិច្ច ៕

 

Leave a Reply

(*) Required, Your email will not be published