តើ​មាន​កត្តា​អ្វីខ្លះ​ដែល​ជំរុញ​ឲ្យ​អាជ្ញាធរ​សម្រេច​ឲ្យ​មាន​ការរៀប​អាពាហ៍ពិពាហ៍ ដែល​កូនក្រមុំ​អាយុ​ត្រឹម ១៦ ឆ្នាំ នោះ​!

, , Leave a comment

​ខេត្តបាត់ដំបង ៖ សំឡេង​ភ្លេង​ការ​បាន​បន្លឺឡើង​នៅ​ភូម​បឹង​អំពិល ឃុំ​ស្តៅ ស្រុក​រតនមណ្ឌល ខេត្តបាត់ដំបង មិនបាន​ប៉ុន្មាន​ផង​ក៏បាន​រលត់ទៅវិញ​ក្រោយ​ការអន្តរាគមន៍​ពី​សំណាក់​អាជ្ញាធរ​តាម​សំណើរ​របស់​ភាគី​ស្ត្រី​ម្នាក់​ដែល​អះអាងថា ប្រពន្ធដើម​បាន​បីកូន​ស្រី​អាយុ​១​ឆ្នាំ មក​អុកឡុក​ពិធីមង្គលការ​របស់​ប្តី​ដើម​ជាមួយ​កូនក្រមុំ​ថ្មី​អាយុ​១៦​ឆ្នាំ បន្ទាប់ពី​ដឹង​ព័ត៌មាន​តាម​ការ​បង្ហោះ​ក្នុង​Facebook មួយ ។ ព័ត៌មាន​នេះ​ជា​រឿង​ដ៏​មាន​ប្រជាប្រិយ​បំផុត​ដែល​គេហទំព័រ និង​បណ្តាញ​សង្គម​ហ្វេ​ស​ប៊ុ​ក​ដែលជា​ប្រព័ន្ធ​ចែកចាយ​បន្ត​គ្នា ក្នុង​ប្រព័ន្ធ​អន​ឡាញ ។​

27-11-2013 (2)

​ស្ត្រី​ឈ្មោះ គិត សិរី​ផ​លិ្ល​កា អាយុ​២៧​ឆ្នាំ មុខរបរ​ជា​បុគ្គលិក​ក្រុមហ៊ុន​ឯកជន​មួយ រស់នៅ​ភូមិ​ព្រែក​តា​ឡុង សង្កាត់​ចាក់អង្រែ​ក្រោម ខណ្ឌមានជ័យ រាជធានី​ភ្នំពេញ ដែល​អះអាងថា ជា​ប្រពន្ធដើម​របស់​បុរស​ឈ្មោះ ប៉ាង ថ្លៃថ្លា អាយុ​៣៣​ឆ្នាំ បាន​រៀបរាប់​ឲ្យ​ដឹងថា កាលពី​ថ្ងៃទី​១១ ខែវិច្ឆិកា ឆ្នាំ​២០១៣ នាង​បាន​មើល​តាម​Facebook ឃើញ​កូនក្រមុំ​ថ្មី​ឈ្មោះ ឆ​.​ស​.​ជ​.​ត អាយុ​១៦​ឆ្នាំ បង្ហោះ​រូបភាព​និង​ជូនដំណឹង​អំពី​គម្រោង​រៀបការ​ជាមួយ​ប្តី​របស់ខ្លួន​ឈ្មោះ ប៉ាង ថ្លៃថ្លា មាន​ស្រុកកំណើត​នៅ​ខេត្តស្វាយរៀង ហើយ​បច្ចុប្បន្ន​រស់នៅ​ភូមិ​ព្រែក​តា​គង់ សង្កាត់​ចាក់អង្រែ​ក្រោម ខណ្ឌមានជ័យ រាជធានី​ភ្នំពេញ ដែល​នឹង​ប្រព្រឹត្តទៅ​នៅ​ថ្ងៃទី​២៦ ខែវិច្ឆិកា ឆ្នាំ​២០១៣ នៅ​ភូមិ​បឹង​អំពិល ឃុំ​ស្តៅ ស្រុក​រតនមណ្ឌល ខេត្តបាត់ដំបង ។ បន្ទាប់ពី​បានដឹង​ព័ត៌មាន​នេះហើយ នាង​ជា​ប្រពន្ធដើម​បានដាក់​ពាក្យបណ្តឹង​មក​អាជ្ញាធរ​មូលដ្ឋាន​ស្នើសុំ​ផ្អាក ពិធី​រៀប​មង្គលការ​នោះ​សិន ពីព្រោះ​សំណុំរឿង​លែងលះគ្នា​ជាមួយ​ប្តី​កាលពី​ឆ្នាំ​២០១០​មិនទាន់​ដាច់ស្រេច ។​

 

​ដោយឡែក​បុរស​ឈ្មោះ ប៉ាង ថ្លៃថ្លា ជា​ភាគី​ខាង​ប្តី មានមុខរ​បរជា​វេជ្ជបណ្ឌិត បាន​បញ្ជាក់ថា លោក​បាន​លែងលះ​ជាមួយ​ប្រពន្ធដើម​ឈ្មោះ គិត សិរី​ផ​ល្លិ​កា កាលពី​ឆ្នាំ​២០១០ និង​តុលាការ​សាលាដំបូង​រាជធានី​ភ្នំពេញ បានសម្រេច​ចេញ​សាលក្រម​ចុះ​ថ្ងៃទី​១៦ ខែតុលា ឆ្នាំ​២០១៣ ដោយ​វិនិច្ឆ័យ​ឲ្យ​កូនស្រី​ឈ្មោះ ប៉ាង ប៉​លី ទៅ​ភាគី​ម្តាយ​និង​បង្គាប់​ឲ្យ​លោក​បង់ថ្លៃ​អាហារកិច្ច​ឲ្យ​ទៅ​កូនស្រី រហូតដល់​អាយុ​១៨​ឆ្នាំ ។ រីឯ ការរៀប​អាពាហ៍ពិពាហ៍​ថ្មី​របស់លោក​នេះ គឺ​លោក​បាន​សុំច្បាប់​ទម្លាប់​ត្រឹមត្រូវ​រួចហើយ ។​

27-11-2013 (1) 

​រីឯ ក្រុមគ្រួសារ​ខាង​កូនក្រមុំ ដែល​ត្រូវបាន​ប្រពន្ធដើម​មក​អុកឡុក​ដល់​រោងការ​នោះ មានបំណង​ចង់​ប្តឹង​ទៅលើ​នាង គិត សិរី​ផ​ល្លិ​កា ដែលជា​ប្រពន្ធដើម​ធ្វើ​ឲ្យ​ប៉ះពាល់​ដល់​កិត្តិយស​ក្រុមគ្រួសារ​កូនក្រមុំ ថ្មីថ្មោង ។ ប៉ុន្តែ​អ្វីដែល​គួរ​ឲ្យ​កត់សម្គាល់​នោះ គឺ​អាជ្ញាធរ​បានអនុញ្ញាត​ឲ្យ​ភាគី​ខាង​កូនក្រមុំ​វ័យក្មេង ដែល​ស្ថិតនៅក្នុង​ភាព​អនីតិជន ឬ​មាន​អ្វីដែល​នៅ​ពីក្រោយ​រឿងនេះ ៕

 

Leave a Reply

(*) Required, Your email will not be published