ចេញពី​គុក ដើរ​ស្វែងរក​ដៃគូ​សហការ​ក្នុងការ​ឆក់ ប្លន់ ភ្លាត់ស្នៀត​ជាប់​ខ្នោះ​សមត្ថកិច្ច​ដដែល​

, , Leave a comment

​រាជធានី​ភ្នំពេញ ៖ ជនជាតិ​វៀតណាម និង​ជនជាតិខ្មែរ​បាន​សហកា​រ​គ្នា​ធ្វើ​សកម្មភាព​លួច​យក​កាបូបស្ពាយ​ពី​ជនជាតិ​វៀតណាម ខ​ណៈ​ដែ​ល​​​ទើ​ប​តែ​​ស្គា​ល់គ្នា ហើយ​បបួលគ្នា​ផឹក ។ ការបន្លំ​លួច​នេះ​កាលពី​វេលា​ម៉ោង ១​និង​៣០​នាទី​រំលងអធ្រាត្រ​ឈានចូល ថ្ងៃទី​២៥ ខែវិច្ឆិកា ឆ្នាំ​២០១៣ នៅ​ចំណុច ភូមិ​ដើម​ចាន់ សង្កាត់​ច្បារអំពៅ​ទី​២ ខណ្ឌមានជ័យ ។ ហើយ​ត្រូវ​សមត្ថកិច្ច​ចាប់ខ្លួន​ជនសង្ស័យ​ទាំង​២​នាក់ នេះ​បាន​កាល​វេលា​ម៉ោង ៩​និង​៣០​នាទី​ព្រឹក​ថ្ងៃទី​២៥ ខែវិច្ឆិកា ឆ្នាំ ២០១៣ ពោលគឺ​ក្រោយពី​ទទួល​ពាក្យបណ្តឹង​របស់​ជនរ​ង​គ្រោះ​។​

 

​ជនសង្ស័យ​ដែល​ត្រូវ​ចាប់​ឃាត់ខ្លួន​មានឈ្មោះ យឿន ប្រុស ភេទ​ប្រុស អាយុ​២៥​ឆ្នាំ ជា​ជនជាតិ​វៀតណាម មាន​ទីលំនៅ​ភូមិ​ដើម​ចាន់ សង្កាត់ ច្បារអំពៅ​ទី​២ ខណ្ឌមានជ័យ និង​ម្នាក់ទៀត​ឈ្មោះ តឹក ចំរើន ភេទ​ប្រុស អាយុ​២១ ឆ្នាំ ទើបនឹង​ចេញពី​ពន្ធនាគារ​បាន​៥​ខែ ។​

 

​តាម​របាយការណ៍​រប​ស់​សមត្ថកិច្ច​បាន​ឲ្យ​ដឹងថា ជនរងគ្រោះ​មកពី​ប្រទេស​វៀតណាម ហើយ​មក​ផឹក ស៊ី​ជាមួយ​ជនសង្ស័យ​នៅ​ចំណុចកើតហេតុ​ពេល​កំពុង​ផឹកស៊ី​គ្រានោះ​ជនសង្ស័យ ឈ្មោះ យឿន បានឱ្យ​ជនសង្ស័យ​ម្នាក់ទៀត​មក​ឆក់យក​កាបូបស្ពាយ​របស់​ជនរ​ង​គ្រោះ​រួច​រត់គេចខ្លួន ។ ក្រោយពី​ធ្វើ​សកម្មភាព​ជនរងគ្រោះ​បានដាក់ ដាក់ពាក្យ​បណ្ដឹង​ហើយ​សមត្ថកិច្ច​ក៏បាន​ប្រើប្រាស់​ជំនាញ​ស្រាវជ្រាវ​ចាប់បាន ជនសង្ស័យ​ទាំង​២​នាក់​ដកហូត​បាន​កាបូ​ប​ស្ពាយ និង​ប៉ាស្ព័រ​របស់​ជនរងគ្រោះ​មកវិញ សម្ភារ​បាត់បង់​រួមមាន​លុយ​៥០០​ដុល្លារ លុយ​វៀតណាម​ចំនួន​៦,៥​លាន​ដុង និង​លុយ​ខ្មែរ​៨០​ម៉ឺន រៀល ។​

26-11-2013

​ជនសង្ស័យ​ទាំង​២​នាក់​ត្រូវបាន​សមត្ថ កិច្ច​បញ្ជូន​មកកាន់​អធិការដ្ឋាន​នគរបាល ខណ្ឌមានជ័យ​ដើម្បី​កសាង​សំណុំរឿង​ទៅ​តុលាការ ៕

 

Leave a Reply

(*) Required, Your email will not be published