និស្សិត​ស្រី​ម្នាក់​បាន​របួស បាក់​.​កជើង ខណៈដែល​ជិះ​តាមផ្លូវ​ត្រូវ​រថយន្ដ​ឡង់​គ្រី​ស័​របុក​

, , Leave a comment

​រាជធានី​ភ្នំពេញ ៖ ហេតុការណ៍​គ្រោះថ្នាក់​ចរាចរណ៍​មួយ​កាលពី​វេលា ម៉ោង​១០​និង​១០​នាទី​ព្រឹក ថ្ងៃទី​២៦ ខែវិច្ឆិកា ឆ្នាំ​២០១៣ នៅតាម​បណ្ដោយ​ផ្លូវ​លេខ​១០១៩ កែង ផ្លូវ​លេខ​១៩៨៧ ឋិត​ក្នុងភូមិ​រោងចក្រ សង្កាត់​ភ្នំពេញ​ថ្មី ខណ្ឌ​សែន​សុខ បណ្តាល​ឲ្យ​និស្សិត​ស្រី​ម្នាក់​បាន​រងរបួស​បាក់ក​ជើងឆ្វេង​ដោយសារ​ត្រូវ​រថយន្ដបុក​ពេញទំហឹង ។​

 

​ជនរងគ្រោះ​មានឈ្មោះ អ៊ូច សុខា អាយុ​២២​ឆ្នាំ ជា​និស្សិត​ឆ្នាំ​ទី​៣ វិទ្យាស្ថាន​ពហុបច្ចេកទេស​ព្រះកុសុមៈ ស្នាក់នៅ​ផ្ទះជួល​ក្នុង​សង្កាត់​ទឹកថ្លា ខណ្ឌ​សែន​សុខ មាន​ស្រុកកំណើត​ភូមិ​ក្រាំង​លើ ឃុំ​ក្រាំង​លើ ស្រុក​បន្ទាយមាស ខេត្ដ​កំពត ជិះ​ម៉ូតូ​ម៉ាក​គុប​៩០ ពណ៌​ទឹកប្រាក់ ពាក់​ស្លាក​លេខ ភ​-៩៩៨៥ ភព​១ ។ ចំណែក​រថយន្ដ​បង្ក​ម៉ាក​ឡង់​គ្រី​ស័​រ ពណ៌​ស្ករ ពាក់ ស្លាក​លេខ​ភ្នំពេញ 2D-3172 បើកបរ ដោយ​ឈ្មោះ ប៉ុក ចាន់​ធី ភេទ​ប្រុស អាយុ ៤៧​ឆ្នាំ មុខរបរ​ម៉ៅការ​សំណង់ ស្នាក់​នៅផ្ទះ​លេខ​៣១Z ផ្លូវ​លេខ​២៧១ សង្កាត់​បឹង សាឡាង ខណ្ឌទួលគោក ។​

 

​ប្រភពពី​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ ជនរងគ្រោះ​ជិះ​ម៉ូតូ​ម្នាក់ឯង តាម​បណ្ដោយ​ផ្លូវ​ភ្នំពេញ​-​ហាណូយ​ពី​ជើង​ទៅ​ត្បូង ។ លុះ​មកដល់​ចំណុចកើតហេតុ​ស្រាប់តែ​រថយន្ដ​ឡង់​គ្រី​ស័​រ ធ្វើដំណើរ​តាម​បណ្ដោយ​ផ្លូវ​១៩៨៧ ក្នុងទិសដៅ​ពី​កើ​តទៅ​លិច បានមក​បុក​ម៉ូតូ​របស់​ជនរងគ្រោះ​បណ្ដាលឱ្យ​បាក់​កជើង​ខាងឆ្វេង​។​

26-11-2013

​ក្រោយពេល​កើតហេតុ សមត្ថកិច្ច​ធ្វើ​ការចុះវាស់វែង និង​យក​រថយន្ត​បង្ក ព្រមទាំង​ម៉ូតូ​របស់​ជនរងគ្រោះ​ទៅ​រក្សាទុក​នៅ​អធិការដ្ឋាន​នគរបាល​ខណ្ឌ ដើម្បី​រង់ចាំ​ដោះស្រាយ​តាមផ្លូវ​ច្បាប់ ។ ចំណែក​ជនរងគ្រោះ​ត្រូវបាន​ប្រជាពលរដ្ឋ​ហៅ​រថយន្ដ​សាមុយ​ដឹក​ជនរងគ្រោះ​ទៅ​ព្យាបាល​៕

 

Leave a Reply

(*) Required, Your email will not be published