ស្ត្រី​កូ​ឡុំ​ប៊ី​ម្នាក់​ប្រាប់​គេ​ថា ទារក​របស់គាត់​ជា​កូន​បិសាច​!

, , Leave a comment

​ប្រទេស​កូ​ឡុំ​ប៊ី ៖ មាន​សេចក្តីរាយការណ៍​ពី​គេហទំព័រ​អង់គ្លេស thesun.co.uk បាន​បញ្ជាក់ថា នាង សាន​តូ​ស និង​អ្នករស់នៅ​ជិតខាង​របស់​នាង​នៅ​ស្រុក នួ​យ​បា​អេ​ស្រេ្ត​យ៉ា តាម​មាត់ទន្លេ​ខា​រី​ប​ប៊ី​ន ភាគ​ខាងជើង​នៃ​ប្រទេស​កូ​ឡុំ​ប៊ី​ដែល​នៅ​ជា​សង្គម​ដែល​គោរព​រាប់អាន​លទ្ធិ​មន្តអាគម​អូមអាម​និង​ព្រាយ​បិសាច​នៅឡើយ​នោះ​កំពុង​ស្ថិតក្នុង​ភាពភ័យខ្លាច បន្ទាប់ពី​ស្ត្រី​ជា​ម្តាយ​ម្នាក់​បាន​អះអាងថា កូនង៉ា​តូច​អាយុ ២​ខែ​របស់​នាង​អាច​ដកដង្ហើម​ចេញ​ជា​អណ្តាតភ្លើង​ដុត​កម្ទេច​សម្លៀកបំពាក់​និង​គ្រឿងសង្ហារិម​ក្នុងផ្ទះ ហើយ​មាន​ជួនកាល​អាច​បន្លឺសំឡេង​គ្រលួច​ដូច​សំឡេង​បិសាច​បាន​ទៀតផង​។

SNN (2)

មិនតែប៉ុណ្ណោះ នាង​ថា​កូនប្រុស​អាយុ ២ ខែ​នេះ អាច​បំបាំង​ខ្លួន​បាត់​សូន្យ​ពី​ផ្ទះ​របស់ខ្លួន​ហើយ​ទៅ​បង្ហាញខ្លួន​នៅ​ទីកន្លែង​ប្លែកៗ​ដូចជា​ក្នុងកា​ធុន​ទឹក ក្នុង​ទូទឹកកក ម៉ាស៊ីន​បោកគក់ ឬ​អាច​ក្នុង​កាបូប​ខោអាវ​ក៏មានដែរ​។ ទោះជា​យ៉ាងណា​ក៏​នាង សាន​តូ​ស ដែល​មានកូន​ទាំងអស់ ៥​នាក់​បាន​ប្រាប់ថា​នឹង​ចិញ្ចឹម​មើលថែ​កូនតូច​នេះ​ឲ្យ​បានល្អ​បំផុត សូម្បី​នាង​មាន​អារម្មណ៍​ភិតភ័យ​ចំពោះ រឿងហេតុ​អាក្រក់ ដែល​នាង​ជឿថា​វា​ស្ថិតនៅក្នុង​ខ្លួន​កូនតូច​របស់​នាង​ក៏ដោយ​។​

SNN (1)

​ទន្ទឹមនឹងនោះ ក៏មាន​ដំណឹង​ថា ចាប់តាំងពី​ពាក្យ​ចចាមអារ៉ាម​ដូចខាងលើ​ល្បី​សុសសាយ​ទៅ​ក្រៅ អ្នកភូមិ​នៅតាម​មាត់ទន្លេ​បានការ​ភ័យខ្លាច​ចំពោះ​គ្រួសារ​នាង​ហើយ​តែងតែ​ប្រឆាំង​មកលើ​ពួកនាង​រហូត​ដូចជា​គ្រវែង​ដុំថ្ម ជេរប្រទេច​ផ្តាសា ហើយ​ប្រមូលគ្នា​ស្នើ​ឲ្យ​ធ្វើ​ពិធី​បណ្តេញ​ព្រលឹង​អាក្រក់​ចេញពី​ភូមិ​ស្រុក​ទៀតផង​។ ផ្ទុយទៅវិញ​ក៏មាន​មនុស្ស​ជាច្រើន​យល់ថា នាង​សាន​តូ​ស ខំ​ប្រឌិត​រឿង​ម​ហិ​ទ្ធិ​ឫ​ទិ្ធ​របស់​កូនង៉ា​ខ្លួន​ឡើង​ដោយមាន​លាក់​បំបាំង​នូវ​គោលបំណង​អ្វីមួយ​ផ្សេង​៕

K 

 

Leave a Reply

(*) Required, Your email will not be published