ស្លាប់​ម្នាក់ និង​របួស ៣៧ នាក់ ក្នុង​ហេតុការណ៍​គ្រោះថ្នាក់​ចរាចរណ៍​រវាង​រថយន្ត​ដឹក​កម្មករ និង​រថយន្ត​ដឹក​ចំណី​សត្វ​

, , Leave a comment

​ខេត្តកណ្តាល ៖ ហេតុការណ៍​គ្រោះថ្នាក់​ចរាចរណ៍​មួយ​បានសម្លាប់​បុរស​ម្នាក់ និង ៣៧ នាក់​ផ្សេងទៀត​បាន​រងរបួស​ធ្ងន់ និង​ស្រាល ដែល​ប​ណ្តា​ល​ម​ក​ពី​រថ​យន្ត​ដឹក​ចំណី​សត្វ​របស់​ក្រុមហ៊ុន​ C.PCambodia ​បើក​បុក​ជាមួយ​រថយន្ត​ហ៊ីយ៉ាន់ដាយ​ដឹក​កម្មករ​រោងចក្រ​កាត់ដេរ ។ ​ហេតុការណ៍​គ្រោះថ្នាក់​ច​រា​ច​រ​ណ៍​​នេះ​បាន​កើតឡើង​នៅវេលា​ម៉ោង ១៩ និង​៣០​នាទី ថ្ងៃទី​២២ ខែវិច្ឆិកា ឆ្នាំ​២០១៣ ឋិត​នៅលើ​កំណាត់​ផ្លូវជាតិ​លេខ​៤ ចំណុច​ចន្លោះ​គីឡូម៉ែត្រ​លេខ​២៨-២៩ ស្ថិតក្នុង​ភូមិ​ជ្រែ​មង្គល ឃុំ​ដំណាក់​អំពិល ស្រុក​អង្គស្នួល ។​

 

​ជនរងគ្រោះ​ដែល​ស្លាប់បាត់​បង់ជីវិត​ឈ្មោះ អាត ធា​វី ភេទ​ប្រុស​អាយុ​២០​ឆ្នាំ មុខរបរ​កម្មករ​រោងចក្រ​មានស្រុក​កំណើត​នៅ​ភូមិ​ក្បាលកោះ ឃុំ​អំពិល​ទឹក ស្រុ​ក​កំពង់ត្រឡាច ខេត្តកំពង់ឆ្នាំង ។ ចំណែក​ឈ្មោះ ផែន ភឿន ភេទ​ប្រុស អាយុ​២៨​ឆ្នាំ មាន​ទីលំនៅ​ភូមិ​ចេក ឃុំ​ដូង ស្រុក​បាទី ខេត្តតាកែវ​ហ៊ី​យ៉ា​ន់​ដា​យ​ដឹក​កម្មករ បាន​រងរបួស​ធ្ងន់ ។​

 

​តាម​ការបកស្រាយ​រប​ស់​មន្ត្រីនគរបាល​ចរាច​រណ៍​ស្រុក​អង្គស្នួល​បាន​ឲ្យ​ដឹងថា នៅមុន​ពេល​កើតហេតុ​រថយន្ត​ដឹក​ចំណី​សត្វ​របស់​ក្រុមហ៊ុន C.P​C​a​​​mb​o​d​i​a ម៉ាក​នីសា​ន់ ពណ៌​ស ពាក់​ស្លាក​លេខ​ក្រចេះ​3A-0137 បើកបរ​ដោយ​បុរស​ម្នាក់​ក្នុង​លឿន​តាម​បណ្តោយ​ផ្លូវជាតិ​លេខ​៤ ក្នុងទិសដៅ​ពី​ពី​លិចទៅ​កើត ។​ លុះ​មកដល់​ចំណុចកើតហេតុ​រថយន្ត​បង្ក​នេះ​បាន​រេ​ចង្កូត​ទៅខាង​ឆ្វេង​ដៃ​ឆ្លង​ផុត​គំនូស​ពុះ​ចែក​ទ្រូងផ្លូវ​ទៅបុក​នឹង​រថយន្ត​ដឹក​កម្មករ​ម៉ាក​ហ៊ីយ៉ាន់ដាយ ពណ៌​ស ពាក់​ស្លាក​លេខ​ច​.៣៧០៣.​ភព​២ ចំ​ពីមុខ​ពេញ​មួយ​ទំហឹង​តែម្តង ។ ក្រោយ​ហេតុ​ដោយ​ឃើញ​ហេតុការណ៍​បែបនេះ​ជនបង្ក​បាន​បើកទ្វារ​រ​ថ​យ​ន្ត​គេចខ្លួន​បាត់ស្រមោល​។​

23-11-2013

​បច្ចុប្បន្ន​រថយន្ត​ទាំង​២​គ្រឿង​ត្រូវបាន​សមត្ថកិច្ច​នគរ​បាល​ចរាចរណ៍ នៃ​អធិការដ្ឋាន​នគរបាល​ស្រុក​អង្គស្នួល​នាំយកទៅ​រក្សាទុក​នៅ​អធិការដ្ឋា​ន​ន​គរ​បា​ល​​ស្រុក ដើម្បី​កសាង​សំណុំរឿង​ចាត់ការ​តាម​នីតិវិធី​ច្បាប់ ៕

 

Leave a Reply

(*) Required, Your email will not be published