អ្នកស្រី យ៉ោ​ម បុប្ផា ត្រូវបាន​តុលាការ​កំពូល​ដោះលែង​ឲ្យ​នៅក្រៅ​ឃុំ​បណ្តោះអាសន្ន​

, , Leave a comment

រាជធានីភ្នំពេញ ៖ អ្នកស្រី យ៉ោ​ម បុប្ផា ដែល​ជាប់ចោទ​ពីបទ​អំពើហិង្សា​ដោយ​ចេតនា​មាន​ស្ថាន​ទម្ងន់ ទោស តាម​ពាក្យបណ្តឹង​របស់​សមាជិក​អ្ន​ក​រ​ត់​ម៉ូ​តូ​ឌុប ត្រូវបាន​តុលាការ​កំពូល​ដៅ​លែង​ឲ្យ​នៅក្រៅ​ឃុំ​បណ្តោះអាសន្ន​កាលពី​ព្រឹក​ថ្ងៃទី​២២ ខែវិច្ឆិកា ឆ្នាំ​២០១៣ ។​

 

​ប្រធាន​ក្រុមប្រឹក្សា​ជំនុំជម្រះ​តុលាការ​កំពូល​លោក ឃឹម ប៉ុណ្ណ បានសម្រេច​ឲ្យ​ជន​ត្រូវ​ចោទ អ្នកស្រី យ៉ោ​ម បុប្ផា ឋិត​នៅក្រៅ​ឃុំ​បណ្តោះអាសន្ន ហើយ​បញ្ជូន​សំណុំរឿង​មក​សាលា ឧទ្ធរណ៍​ចាត់ការ​ឡើងវិញ​ក្នុង​បទ​អំពើហិង្សា​ដោយ​ចេតនា​មាន​ស្ថាន​ទម្ងន់ទោស ក្នុងនោះ​មាន ប្អូន​អ្នកស្រី យ៉ោ​ម បុប្ផា ចំនួន​២​រូប​ទៀត ដែល​ត្រូវបាន​សមាជិក​អ្នករត់ម៉ូតូឌុប​ប្តឹង ខណៈ ដែល​ស្រី យ៉ោ​ម បុប្ផា និង​សាច់ញាតិ​របស់គាត់​បាន​ប្រើប្រាស់​ទួ​ឡឺ​វី​សវាយ​ទៅលើ​សមាជិក អ្នករត់ម៉ូតូឌុប​២​នាក់​ឲ្យ​រងរបួស ។​

22-11-2013

​គួររំលឹកថា អ្នកស្រី យ៉ោ​ម បុប្ផា ត្រូវបាន​សាលាដំបូង​រាជធានី​ភ្នំពេញ ផ្តន្ទាទោស​ដាក់ ពន្ធនាគារ​រយៈពេល​៣​ឆ្នាំ ហើយ​សាលាឧទ្ធរណ៍​បានធ្វើការ​បន្ធូរបន្ថយ​ទោស​នៅត្រឹម​២​ឆ្នាំ ទើប​ជនជាប់ចោទ យ៉ោ​ម បុប្ផា បាន​ប្តឹង​ជំទាស់​ទៅនឹង​សាលក្រម​នេះ​ទៅ​តុលាការ​កំពូល ៕

 

Leave a Reply

(*) Required, Your email will not be published