រថយន្ត​តំណាងរាស្ត្រ​ឈ្មោះ​​ល្បី បុក​មនុស្ស​ប្រុស​-​ស្រី បើក​គេច​មក​ដេក​គង​អន្ទាក់ខ្លា​ធ្វើ​ប្រ​ងើយ​

, , Leave a comment

​ខេត្ដ​កណ្ដាល ៖ ភាពមិន​ទទួលខុសត្រូវ​នូវ​រាល់​ទង្វើ គឺជា​បរិបទ​ដដែលៗ​សម្រាប់​អ្នកមាន​លុយ មានអំណាច ហើយ​សម្រាប់​ហេតុការណ៍​នេះ​ក៏​មិន​ខុស​អី​រឿងហេតុ​នៃ​គ្រោះថ្នាក់​ចរាចរណ៍​ដទៃ​នោះដែរ គឺ​ភាគី​បង្ក​បាន​បើករថយន្ត​គេច បន្សល់​ជនរងគ្រោះ​ដេក​យ៉ាងរ​ណូ​ក​រណែល​នៅ​កន្លែងកើតហេតុ ដែល​បណ្តាលមកពី​រថ​យន្ដ ឡិច​ស៊ី​ស​៥៧០ ពណ៌​ខ្មៅ ១​គ្រឿង​ធ្វើ​ឲ្យ​មនុស្ស ២​នាក់​បាន​រងរបួស​ធ្ងន់ និង​ស្រាល កាលពី​វេលា​ម៉ោង ៩​និង​៣០ ព្រឹក​ថ្ងៃទី​២២ ខែវិច្ឆិកា ឆ្នាំ​២០១៣ នៅតាម​ផ្លូវជាតិ​លេខ​១ ចន្លោះ​គីឡូម៉ែត្រ​លេខ ៣៦-៣៧ ភូមិ​ជ័យ​ឧត្ដម​២ ឃុំ​រោង​ធំ ស្រុក​កៀនស្វាយ ខេត្ដ​កណ្ដាល ។​

 

​ជនរងគ្រោះ​មានឈ្មោះ ភិន សោភា ភេទ​ស្រី អាយុ ២០​ឆ្នាំ មាន​ស្រុកកំណើត​នៅ​ភូមិ​ពោធិ៍ ឃុំ​ស្លា ស្រុក​សំរោង ខេត្ដ​តាកែវ រងរបួស​ធ្ងន់ បាក់ដៃ បាក់ជើង និង​រយះ ស្បែកក្បាល និង​ម្នាក់ទៀត​មានឈ្មោះ ភឿន ខា ភេទ​ប្រុស អាយុ ៣១​ឆ្នាំ មាន​ទីលំនៅ​ក្នុងភូមិ​ព​ង​ទឹក ឃុំ​ក្រាំង​តា​យ៉ូ​វ ស្រុក​ពាម​រក៍ ខេត្ដ​ព្រៃវែង ។ ចំណែក​រថយន្ត​បង្ក​ម៉ាក​ឡិច​ស៊ី​ស ៥៧០ ពណ៌​ខ្មៅ ត្រូវបាន​គេ​ស្គាល់​ថា ជា​របស់លោក ជាម យៀប ជា​អ្នកតំណាងរាស្ត្រ ដ៏​មានអំណាច ដែល​ពាក់​ស្លាក​លេខ រដ្ឋ ២-០០៧ ជិះ​ដោយ​បុរស ដែល​សមត្ថកិច្ច​បាន​លាក់​ឈ្មោះ ។

 

​ប្រភពពី​ប្រជាពលរដ្ឋ​ដែល​បានឃើញ​ហេតុការណ៍​បាន​ឲ្យ​ដឹងថា រថយន្ដ​បង្ក​បាន​បើកបរ​ក្នុង​ល្បឿន​លឿន​ពី​អ្នក​លឿង​មក​រាជធានី​ភ្នំពេញ​ក្នុង​ល្បឿន​ យ៉ាង​លឿន​លុះ​មកដល់​ចំណុចកើតហេតុ​ភាគី​ម៉ូតូ​ដែល​បើក​ក្នុងទិសដៅ​បញ្ច្រាស​គ្នា ក៏បាន​បើក​ជែង​រថយន្ដ​មួយគ្រឿង​នៅខាងមុខ ខណៈនោះ​រថយន្ដ​ឡិច​ស៊ី​ស ដែល​បើករថយន្ត​បង្ក​ជាន់​ហ្វ្រាំង​មិនទាន់ ក៏​ជ្រុល​ទៅបាន​បុក​ម៉ូតូ​ជនរងគ្រោះ ចំ​ពី​ចំហៀង​ខាងស្ដាំ​ផ្នែក​ខាងមុខ បណ្ដាលឱ្យ​បែក​ចង្កៀង​ខ្ទេច និង​ធ្លាក់​កញ្ចក់ ហើយ​អ្នកជិះ​បាន​បោក​លើផ្លូវ រងរបួស​ធ្ងន់ ។ ក្រោយ​កើតហេតុ​អ្នកបើកបរ​រថយន្ដ​បាន​ឈប់​ដោះ​ស្លាក​លេខ​ចេញ ហើយ​បាន​បើក​គេច​ពី​ស្រុក​កៀនស្វាយ​ចូលមក​រាជធានី​ភ្នំពេញ​យ៉ាង​រលូន ដោយមាន​ការអន្តរាគមន៍ ធ្វើ​ឲ្យ​សមត្ថកិច្ច​ដែល​ឈរជើង​នៅ​ខណ្ឌមានជ័យ ឃើញ​រថយន្ដ​បង្ក​បើក​ឆ្លងកាត់ ក៏ដោយ​ក៏​មិន​ចាប់​ដែរ​។​

 

​ចំពោះ​ហេតុការណ៍​នេះ​ប្រជាពលរដ្ឋ​បាន​រិះគន់​ចំៗ​ចំពោះ​លោក​តំណាងរាស្ដ្រ ដែល​បាន​បង្ក​គ្រោះថ្នាក់ គួរតែ​ចេញ​មុខមក​ដោះស្រាយ​ផ្តល់ សំណង​ដល់​ជនរងគ្រោះ​ទាំង ២ នាក់ ដែលជា​ជនក្រីក្រ ស្លូតត្រង់ មិនគួរ​បើករថយន្ត គេច​បែបនេះ​ទេ​។​

22-11-2013

​សូមបញ្ជាក់ថា រថយន្ដ​ឡិច​ស៊ី​ស​បង្កហេតុ បាន​បើក​ចូលមក​រាជធានី​ភ្នំពេញ ក្នុង​ចម្ងាយ​ដី ប្រមាណ ៣០ គីឡូម៉ែត្រ ហើយ​ក៏មាន​រថយន្ដ​តាក់ស៊ី មួយគ្រឿង ដេញតាម​ពីក្រោយ និង​បានផ្ដល់​ព័ត៌មាន ឱ្យ​សមត្ថកិច្ច​តាម​គោលដៅ​ស្ទាក់ចាប់ តែ​គ្មាន​អ្នកណា​ហ៊ាន​ចេញ មក​ស្ទាក់ចាប់​ទេ ព្រោះ​ខ្លាច​អំណាច​លោក​តំណាងរាស្ដ្រ ដែល​ជិះ​ក្នុង​រថយន្ដ​នោះ ហើយ​ប្រសិនបើ​សមត្ថកិច្ច មាន​ចេតនា​ចាប់​នោះ គឺ​រត់​មិន​រួច​ឡើយ​៕

 

Leave a Reply

(*) Required, Your email will not be published