ចាប់ខ្លួន​ចោរ​វាយ​ប្លន់​កង់​អ្នក​កម្សាន្ត​ពេលយប់​លើ​សួនច្បារ​ក្រុង​តាខ្មៅ​

, , Leave a comment

​ខេត្តកណ្តាល ៖ ជនសង្ស័យ​ម្នាក់​បាន​ត្រូវ​នគរបាល​ក្រុង​តាខ្មៅ​ចាប់ខ្លួន បន្ទាប់ពី​ធ្វើ​សកម្មភាព​វាយ​ទៅលើ​ជនរងគ្រោះ​ប្លន់​យក​កង់​មួយគ្រឿង កាលពី​វេលា​ម៉ោង​១១​និង​៤០​នាទី​យប់​ថ្ងៃទី​២០ខែ​វិច្ឆិកា ឆ្នាំ ២០១៣ នៅលើ​សួនច្បារ​មាត់ទន្លេ​ក្រុង​តាខ្មៅ ខណៈ​ជនរងគ្រោះ​កំពុង​ជិះ​កង់​ជាមួយ​មិត្តភក្តិ ។​

 

​ជនសង្ស័យ​ឈ្មោះ​ឈិន ភក្តី ភេទ​ប្រុស អាយុ​២០​ឆ្នាំ ជា​កម្មករ​រោងចក្រ មាន​ទីលំនៅ​ភូមិ​តា​ក្តុល សង្កាត់​តា​ក្តុល ក្រុង​តាខ្មៅ ។ ចំណែក​ជនរងគ្រោះ​ជា​ម្ចាស់​កង់​ឈ្មោះ ម៉េង ពៅ ភេទ​ប្រុស អាយុ​១៧​ឆ្នាំ រស់នៅ​ភូមិ​ព្រែក​សំរោង សង្កាត់​តាខ្មៅ ក្រុង​តាខ្មៅ ។​

 

​តាម​របាយការណ៍​រប​ស់​មន្ត្រីនគរបាល​បន្ត​ថា ពេល​ជនរងគ្រោះ​និង​មិត្តភក្តិ នាំគ្នា​ជិះ​កង់​លំហែកាយ​នៅលើ​សួនច្បារ មាត់ទន្លេ​ក្រុង​តាខ្មៅ ស្រាប់​តែមាន​បក្ខពួក​ជ​ន​សង្ស័យ​ជិះ​ម៉ូតូ​៣​ទៅ​៤​គ្រឿង​មាន​ឌុប​គ្នា​ពីក្រោយ មកដល់​បាន​គំរាម​គំហែង ទៅលើ​ក្រុម​ជនរងគ្រោះ និង​បាន​យក​ដុំថ្ម​វាយ​ខ្នង​ជនរងគ្រោះ ។ ពេលនោះ​ជនរងគ្រោះ​ភ័យ​ក៏​រត់ចោល​កង់ ហើយ​ជនសង្ស័យ​ក៏​លើក​កង់​នោះ​ដាក់​លើ​ម៉ូតូ រួច​បើក​រត់គេចខ្លួន គ្រា​ដែរ​នគរបាល​ក្រុង​តាខ្មៅ កំពុង​ល្បាត​ប្រទះឃើញ​ដេញចាប់បាន​ម្នាក់ និង​ម៉ូតូ​ដែល​ជិះ​ធ្វើ​សកម្មភាព​មួយគ្រឿង​ម៉ាក​ស៊ុយ​ហ្ស៊ុ​យ​គី​ស្មាស់ ដោយឡែក​បក្ខពួក​ជន​សង្ស័យ​ផ្សេងទៀត រត់គេចខ្លួន​បាត់អស់​។​

21-11-2013

​បន្ទាប់ពី​ឃាត់ខ្លួន​បាន​ជនសង្ស័យ​កម្លាំង​នគរបាល​ប៉ុស្តិ៍​រដ្ឋបាល បាន​បញ្ជូន​ខ្លួន​ជនសង្ស័យ និង​វត្ថុតាង មកកាន់​អធិការដ្ឋាន​នគរបាល​ក្រុង​តាខ្មៅ ដើម្បី​ធ្វើការ​សាកសួរ​និង​កសាង​សំណុំរឿង​ចាត់ការ​តាម​នីតិវិធី​ច្បាប់ ៕

 

Leave a Reply

(*) Required, Your email will not be published