អភិបាលស្រុក​កែវ​សីមា ដេញចាប់​រថយន្ត​ដឹកឈើ​ប្រណីត បម្រុង​ឆ្លងដែន​ទៅ​វៀតណាម​

, , Leave a comment

​ខេត្តរតនគិរី ៖ អភិបាលស្រុក​កែវ​សីមា លោក ស៊ិន វណ្ណ​វុ​ឌ្ឍ បាន​ដឹកនាំ​កម្លាំង​ដេញ​ស្ទាក់ចាប់​រថយន្ត​ដឹកឈើ​ប្រណីត​មួយគ្រឿង ម៉ាក​កាមរី​ស្វិត ដែល​ផ្ទុក​ឈើ​ពេញ​ក្នុង​រថយន្ត កាលពី​វេលា​ម៉ោង​៧​យប់​ថ្ងៃទី​២០ វិច្ឆិកា ២០១៣ លើ​កំណាត់​ផ្លូវជាតិ​លេខ​៧៦ ស្ថិតក្នុង​ភូមិ​ឆ្នែង ឃុំ​ស្រែ​ខ្ទម ស្រុក​កែវ​សីមា ។​

21-11-2013 

​ប្រភពព័ត៌មាន​បានឱ្យ​ដឹងថា មុនពេល​បង្ក្រាប​រថយន្ត​ដឹកឈើ​ប្រណីត​ខាងលើ គេ​បានឃើញ​រថយន្ត​របស់​លោក​អភិបាលស្រុក បើក​ប្រដេញ​តាម​ពីក្រោយ​រថយន្ត​ដឹកឈើ​នេះ​យ៉ាង​ប្រកិត ។ ប៉ុន្តែ​ទោះបីយ៉ាងណា​រថយន្ត​ដឹកឈើ​នោះ​ពុំបាន​ឈប់​ភ្លាមៗ​ទេ នៅពេល​ដឹងថា​មាន​រថយន្ត​បើក​ដេញតាម​ពីក្រោយ គឺ​កាន់តែ​បន្ថែម​ល្បឿន​បើក​រត់គេច រួច​បត់​ចូលទៅក្នុង​ដី​ភូមិ​ប្រជាពលរដ្ឋ ហើយ​អ្នកបើកបរ បាន​បើកទ្វារ​រថយន្ត​គេចខ្លួន​ទាំង​បាតជើង​ស​ព្រាត ។​

21-11-2013 (1)

​ប្រភព​បន្តថា រថយន្ត​ដឹកឈើ​ដែល​លោក​ចៅហ្វាយស្រុក​ចាប់បាន​នោះ​ម៉ាក​កាមរី​ស្វិត ពណ៌​ខ្មៅ ផ្ទុក​ឈើ​ប្រភេទ​នាងនួន​ពេញ​ទាំងមុខ​និង​ក្រោយ តែ​មិនទាន់​ដឹង​ចំនួន​ប៉ុន្មាន​ទេ ហើយ​ត្រូវបាន​លោក​អភិបាលស្រុក​ប្រគល់ឱ្យ​ជំនាញ​រដ្ឋបាល​ព្រៃឈើ​ផ្នែក​កែវ សីមា យកទៅ​រក្សាទុក ។ ក្នុងករណី​បង្ក្រាប​រថយន្ត​នេះ ក៏មាន​ផ្ទុះអាវុធ​មួយ​គ្រាប់​ផងដែរ តែ​មិនមាន​អ្នកណាម្នាក់​រងរបួស​ឡើយ ៕

 

Leave a Reply

(*) Required, Your email will not be published