ស្នាដៃ​​ក្រុម​មេ​ខ្យល់​នាំ​មនុស្ស​ឆ្លង​ដែន​ទៅ​រក​ការ​ងារ​ធ្វើ​នៅ​ប្រទេស​ថៃ ​និង​ស្នាដៃ​របស់អាជ្ញាធរ​ កំពុង​​ប្រកួត​ប្រជែង​​ ​យ៉ាង​គគ្រឹក​គគ្រេង​នៅ​ក្នុង​តំបន់​ប៉ោយ​ប៉ែត​

, , Leave a comment

ខេត្ត​បន្ទាយ​មាន​ជ័យ ​៖ សកម្ម​ភាព​ក្រុម​មេ​ខ្យល់​នាំ​មនុស្ស​ឆ្លង​ដែន​តាម​ច្រក​របៀង​ខុស​ច្បាប់​ទៅ​រក​ការ​ងារ​ធ្វើ​នៅ​ក្នុង​ទឹក​ដី​ថៃ ត្រូវ​បាន​គេ​សង្កេត​ឃើញ​កើត​មាន​យ៉ាង​គគ្រឹក​គគ្រេង​នៅ​ក្នុង​ទឹក​ដី​ក្រុង​ប៉ោយ​ប៉ែត។​ បើ​តាម​ប្រភព​ព័ត៌​មាន​បាន​ឲ្យ​ដឹង​ថា ​គេ​បាន​ស្គាល់​មេ​ខ្យល់​ឈ្មោះ ​កន​ ស៊ី​ណាត ​រស់​នៅ​ភូមិ​ប្រជា​ធម្ម​ សង្កាត់​ផ្សារ​កណ្តាល​ ក្រុង​ប៉ោយ​ប៉ែត​ មាន​តួនាទី​ជា​អ្នក​សារ​ព័ត៌​មាន​មួយ​រូប​ប្រចាំ​នៅ​ក្រុង​ប៉ោយ​ប៉ែត ​និង​ភរិយា​ បាន​នាំ​ពល​ករ​ឆ្លង​ដែន​ទៅ​រក​ការ​ងារ​ធ្វើ​ក្នុង​ទឹក​ដី​ថៃ ​តាម​ច្រក​របៀង​ខុស​ច្បាប់​មួយ​កន្លែង​នៅ​ម្តុំ​កាស៊ី​ណូ ​ក្រុង​ប៉ោយ​ប៉ែត។​

155 (8) 

ប្រភព​បន្ត​ថា ​មេ​ខ្យល់​ខាង​លើ​បាន​ធ្វើ​សកម្ម​ភាព​ដឹក​ជញ្ជូន​ពល​ករ​ពី​ចំណត​រថ​យន្ត ​ឬ​តាម​ផ្ទះ​សំណាក់​នា​នា​ ដោយ​ម៉ូតូ​របស់​ខ្លួន​ និង​បាន​យក​ទៅ​ស្តុក​នៅ​ម្តុំ​សៃ​វៀន​ជល់​មាន់​មួយ​កន្លែង​ប្លុក​កាស៊ី​ណូ​ជាប់​មាត់​អូរ​ព្រំ​ដែន​កម្ពុជា​-ថៃ ​ក្រុង​ប៉ោយ​ប៉ែត​ ដោយ​សកម្ម​ភាព​នេះ ​បាន​ប្រព្រឹត្ត​យ៉ាង​គគ្រឹក​គគ្រេង​ទាំង​ថ្ងៃ​ទាំង​យប់​ ក្នុង​មួយ​ថ្ងៃ​មាន​ចំនួន​ជា​ច្រើន​នាក់​។

 

ប្រភព​បន្ត​ទៀតថា​ ឈ្មោះ ​កន ​ស៊ី​ណាត ​រួមទាំ​ងភរិយា​ ពូកែ​ខាង​អួត​អាង​អំណាច​ប្តី​របស់​ខ្លួន​ជា​អ្នក​សារ​ព័ត៌​មាន​មួយ​រូប ​ហើយ​ស្ត្រី​ជា​ភរិយា​របស់​លោក​មេ​ខ្យល់​រូប​នោះ ​ធ្លាប់​មាន​ការ​ឈ្លោះ​ប្រកែក​ជា​មួយ​សមត្ថ​កិច្ច​ ដែល​ឈរ​ជើង​នៅ​តាម​ក្រវាត់​ព្រំ​ដែន​ជា​ច្រើន​លើក​ បើ​ទោះ​ជា​នគរ​បាល​ការ​ពារ​ព្រំ​ដែន​ប្រាប់​ថា ​មិន​អាច​នាំ​យក​ពលករ​ឆ្លង​ដែន​ខុស​ច្បាប់​ទៅ​កាន់​ទឹក​ដី​ថៃ​បាន​ទេ ​ដោយ​បាន​មេ​បញ្ជា​ការ​ឲ្យ​បិទ​ច្រក​របៀង​ហើយ ​ តែ​ត្រូវ​បាន​ស្រ្តី​ជា​ភរិយា​របស់​ លោក ​កន​ ស៊ី​ណាត ​នៅ​តែ​ប្រើ​ពាក្យ​សម្តី​មិន​គប្បី​លើ​សមត្ថ​កិច្ច​ទៀត​ផង។​

155 (9)

តាម​ប្រភព​ដោយ​ឡែក​មួយទៀ​ត​បាន​បង្ហើប​ប្រាប់​ថា ​លោក ​កន​ ស៊ី​ណាត ​បាន​ប្រើ​ពាក្យ​សម្តី​ក្រអើត​ក្រទម​ដាក់​អ្នក​សារ​ព័ត៌​មាន​អាជីព​មួយ​រូប​ថា ​ប្រសិន​បើ​អ្នក​ឯង​ចង់​ខ្លាំង​ជា​មួយ​គេ​នឹង​ធ្វើ​ឲ្យ​អ្នក​នោះ​សល់​តែ​ខោ​ខ្លី​ជា​មិន​ខាន។​

 

ជុំវិញ​បញ្ហា​ទាំង​អស់​ខាង​លើនេះ​ អាជ្ញា​ធរ​មាន​សមត្ថ​កិច្ច​នៅ​ក្នុង​ក្រុង​ប៉ោយ​ប៉ែត​ ខេត្ត​បន្ទាយ​មាន​ជ័យ​ គួរ​ចាត់​វិធាន​ការ​ទប់​ស្កាត់​ក្រុម​មេ​ខ្យល់​ ដែល​នាំ​ពល​ករ​ឆ្លង​ដែន​ទៅ​រក​ការ​ងារ​ធ្វើ​នៅ​ក្នុង​ទឹក​ដី​ថៃ ​តាម​ច្រក​របៀង​ដោយ​ខុស​ច្បាប់យក​​ទៅផ្តន្ទា​ទោស​ផង​ កុំ​ទុក​ឲ្យ​ពួក​គេ​ធ្វើ​តាម​អំពើ​ចិត្ត​បែប​នេះ​ត​ទៅទៀ​ត​៕

 

Leave a Reply

(*) Required, Your email will not be published