ផឹកស៊ី​ឌឺដង​ពាក្យសម្តី ឃើញ​គេ​មាន​គ្នាច្រើន ទាញ​កាំភ្លើង​ពី​ចង្កេះ​បាញ់​ទម្លុះ​កង់​រថយន្ដ ជាការ​ព្រមាន​

, , Leave a comment

​រាជធានី​ភ្នំពេញ ៖ មាន​ហេតុការណ៍​ភ្ញាក់ផ្អើល​មួយ​ក្នុង​វង់​ផឹកស៊ី ក្នុង​ជម្លោះ​ពាក្យសម្តី ដោយ​ដក​កាំភ្លើង​ពី​ចង្កេះ​បាញ់​ទម្លុះ​កង់​រថយន្ដ​១​គ្រឿង ដើម្បី​បន្ធូរ​កំហឹង និង​ជាការ​គំរាម ។ ហេតុការណ៍​ដ៏​ភ្ញាក់ផ្អើល និង​អស់សំណើច នេះ​បាន​កើតឡើង នៅវេលា​ម៉ោង​៩​និង​១០​នាទី​យប់ ថ្ងៃទី​១៩ ខែវិច្ឆិកា ឆ្នាំ​២០១៣ ស្ថិត​នៅមុខ​ហាង​យីហោ​៤៤៤៤ មាន​ទីតាំង​តាម​បណ្ដោយ​ផ្លូវ​កែវ​ចិន្ដា ស្ថិត​ក្នុងភូមិ​៣ សង្កាត់​ជ្រោយចង្វា ខណ្ឌឫស្សីកែវ ។​

 

​បុរស​ជា​ម្ចាស់​រថយន្ដ​ត្រូវបាន​គេ​ស្គាល់ឈ្មោះ នុត ចំរើន អាយុ​៤៣​ឆ្នាំ មាន ទីលំនៅ​ភូមិ​១ សង្កាត់​ជ្រោយចង្វា ខណ្ឌ ឫស្សីកែវ ពុំមាន​រងរបួស​អ្វី​នោះទេ ប៉ុន្ដែ​រថយន្ដ​កាមរីរ​បស់​គាត់​ត្រូវបាន​ជន​ដែល​អះអាងថា​ជា​សមត្ថកិច្ច​នោះ​បាញ់​ទម្លុះ​កង់ ។​

 

​តាម​ការ​សម្តី​ជនរងគ្រោះ​បាន​រៀបរាប់​ឱ្យដឹងថា មុនពេល​កើតហេតុ គាត់ និង​មិ​ត្ដ​ភក្ដិ​ម្នាក់ ទៀត​បាន​ចូលមក​ញ៉ាំ​អាហារ និង​ផឹកស្រា​បៀរ​នៅក្នុង​ភោជនីយដ្ឋាន​យីហោ ៤៤៤៤​នេះ ស្រាប់តែ​បាន​មួយសន្ទុះ​ក៏​លេចមុខ​បុរស ដែល​អះអាងថា​ខ្លួន​ជា​សមត្ថកិច្ច​មក​អង្គុយ​តុ​ក្បែរ​គាត់​រួច​ឌឺដង​ផ្លែផ្កា​ដាក់​គាត់​ជា​ញឹកញាប់ ។ ប៉ុន្ដែ​គាត់​មិនបាន​តបត​អ្វី​នោះទេ​ដោយ​គ្រាន់ តែ​ងាកមើល​មុខជា​ញឹកញយ​វិញ​ដែរ ។ ប្រហែលជា​កន្លះ​ម៉ោង​ជន​នោះ​ក៏បាន គិតលុយ​ដើរចេញ​ពី​ក្នុង​ហាង​រួច​ក៏​ដក​អាវុធខ្លី​ចេញពី​ចង្កេះ​បាញ់​កង់​រថយន្ដ​របស់​គាត់​ឱ្យ​ធ្លាយ ដើម្បី​បន្ធូរ​កំហឹង រួច​បើក​ម៉ូតូ​គេចខ្លួនបាត់ ហើយ​ជិះ​ម៉ូតូ​គេចខ្លួន​ដោយ​សុវត្ថិភាព ។​

21-11-2013

​ក្រោយ​កើតហេតុ សមត្ថកិច្ច​ចុះទៅពិនិត្យ​រកឃើញ​សម្បក​គ្រាប់កាំភ្លើង​ខ្លី​ម៉ា​កឡុក​១​គ្រាប់ ដែល​ជនបង្ក​បាន​បាញ់​ហើយ​ធ្លាក់​នៅក្បែរ​កង់​រថយន្ដ ។ ករណី​ខាងលើនេះ​សមត្ថកិច្ច​កំពុង​ស្រាវជ្រាវ​រក​ជន​ដែល​បាញ់បោះ​អនាធិបតេយ្យ​ដើម្បី​យកមក​ឱ្យ​ច្បាប់​ផ្ដន្ទាទោស ៕

 

Leave a Reply

(*) Required, Your email will not be published