ជំនាញ​ខាង​លូក តែ​លូក​ចំ​ខ្នោះ​ប៉ូលីស​

, , Leave a comment

​រាជ​ភ្នំពេញ ៖ ជនសង្ស័យ​ដែល​ជំនាញ​លូក​ហោប៉ៅ ត្រូវបាន​ចាប់ខ្លួន​ក្រោយពី​ធ្វើ​សកម្មភាព​នៅក្នុង​ផ្សារ​ស៊ី​ធី​ម៉​ល ។ ការចាប់ខ្លួន​ជនសង្ស័យ​នេះ​ធ្វើឡើង​កាលពី​វេលា​ម៉ោង ២ និង ២០ នាទី​រសៀល ថ្ងៃទី​១៨ ខែវិច្ឆិកា ឆ្នាំ​២០១៣ ខណៈ​កំពុង​ធ្វើ​សកម្មភាព​លូក​ហោប៉ៅ​យក​កាបូប​លុយ​នៅក្នុង​ផ្សារ​ស៊ី​ធី​ម៉​ល ស្ថិតនៅ សង្កាត់​វាលវង់ ខណ្ឌ​៧​មករា ។​

 

​ស្ត្រី​សង្ស័យ​ជំនាញ​លូក​ហោប៉ៅ​ខាងលើ​មានឈ្មោះ​សុខ ធា អាយុ​៣១​ឆ្នាំ ស្នាក់នៅ​ផ្ទះជួល​ម្តុំ​ផ្លូវ​រទេះភ្លើង សង្កាត់​បឹងកក់​ទី​២ ខណ្ឌទួលគោក មុខរបរ​មិន​ពិតប្រាកដ​។

 

​ប្រភពពី​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ​ជនរងគ្រោះ​ពីរ​នាក់​ប្តី​ប្រពន្ធ​បាន​ចូល​ផ្សារ​ស៊ី​ធី​ម៉​ល នៅជាប់​របង​ពហុ​កីឡដ្ឋាន​ជាតិ​អូឡាំពិក ដើម្បី​រក​ទិញ​អីវ៉ាន់ ។ បន្ទាប់មក​ប្តី​ប្រពន្ធ​ទាំង​២​នាក់​នោះបាន​ឡើង​ទៅជា​ន់ទី​៣​បំណង​ស្រស់ស្រូប​អាហារ ពេលនោះ​ស្រាប់តែ​ស្ត្រីជន​សង្ស័យ​បានធ្វើ​សកម្មភាព​លូក​ហោប៉ៅ​ខោ​បុរស​ជា​ប្តី​លួច​យក​កាបូប​លុយ បម្រុង​គេចខ្លួន​ត្រូវ​អាជីវករ​លក់ដូរ​ក្នុង​ផ្សារ​ឃើញ​ទាន់​បាន​ចាប់ខ្លួន​ប្រគល់ឱ្យ​សមត្ថកិច្ច​តែម្តង​។ នៅក្នុង​កាបូបដៃ​នោះ​មាន​ប្រាក់​ចំនួន​២០៥​ដុល្លារ អត្តសញ្ញាណ​បណ្ណ​សញ្ជាតិ​ខ្មែរ​១ កាត់​ធនាគារ​៦​សន្លឹក ត្រូវបាន​ប្រគល់ឱ្យ​ម្ចាស់​វិញ ។​

20-11-2013

​បច្ចុប្បន្ន​ជនសង្ស័យ​ខាងលើ​ត្រូវបាន​សមត្ថកិច្ច​កសាង​សំណុំរឿង​បញ្ជូន ទៅ​សាលាដំបូង​រាជធានី​ភ្នំពេញ​ចាត់ការ​តាម​នីតិវិធី ៕

 

Leave a Reply

(*) Required, Your email will not be published