ដោយសារ​ស្រា បានធ្វើ​ឲ្យ​បុរស​ម្នាក់​សម្លាប់​មនុស្ស​ពីរ​នាក់ ទាំង​មិន​ដឹងអី​

, , Leave a comment

​រាជធានី​ភ្នំពេញ ៖ ពាក្យស្លោក​ដែល​គេ​តែងតែ​ឃើញ​តាមរយៈ​ការផ្សព្វផ្សាយ​នានា ទាំង​ផ្ទាំង​បដា តាម​កញ្ចប់​ទូរទស្សន៍​នានា​ក្នុងស្រុក​តែង​បង្ហាញថា “​បើ​ស្រវឹង​កុំ​បើកបរ បើ​បើក​កុំ​ផឹក​គ្រឿង​ស្រវឹង​” ព្រមទាំង​អនុសាសន៍​របស់​ប្រមុខ​រាជរដ្ឋាភិបាល​តែងតែ​ក្រើនរម្លឹក​ដល់​ស្មារតី​ប្រជាពលរដ្ឋ​ជានិច្ច​ថា "​ថ្ងៃនេះ ថ្ងៃស្អែក កុំ​ឲ្យ​មាន​គ្រោះថ្នាក់​ចរាចរណ៍​"​។​

19-11-2013 (1)

​ជាង​នេះ​សោត​កាលពី​ម៉ោង ៩ និង ៣០ នាទី​យប់​ថ្ងៃទី​១៨ ខែវិច្ឆិកា ឆ្នាំ​២០១៣ មាន​គ្រោះថ្នាក់​ចរាចរណ៍​មួយ បណ្តាល​ឲ្យ​មនុស្ស​ពីរ​នាក់​បាន​ស្លាប់​នៅនឹងកន្លែង​កើតហេតុ ស្ថិតក្នុង​ភូមិ​ព្រែក​ឬ​ស្សី សង្កាត់​ព្រែក​ឬ​ស្សី ក្រុង​តាខ្មៅ ដោយសារ​រថយន្ត​ឡង់​រ៉ូ​វែ បើកបរ​ដោយ​យុវជន​ស្រវឹង​ជោក​ម្នាក់ ។​

 

​យោងតាម​របាយការណ៍​សមត្ថកិច្ច​បានបញ្ជាក់​ថា មុន​កើតហេតុ​គេ​ឃើញ​រថយន្ត​ឡង់​រ៉ូ​វែ​មួយគ្រឿង​ពាក់​ស្លាក​លេខ​ភ្នំពេញ 2w-1119 បើកបរ​ដោយ​ឈ្មោះ ឈន ទិ​ត ភេទ​ប្រុស អាយុ​២២ ឆ្នាំ រស់នៅ​សង្កាត់​ស្ទឹងមានជ័យ ខណ្ឌមានជ័យ ដែល​គេ​ស្គាល់​ថា ជា​កូន​ថៅកែ​ហាង​នំ​បុ័ង នៅ​ផ្លូវជាតិ​លេខ​២  បាន​ចេញពី​កម្មវិធី​ខួបកំណើត​នៅ កោះ​ពេជ្រ ដោយ​អាកា​រៈ​ស្រវឹង​ជោគ លុះ​ទៅដល់​ចំណុច កើតហេតុ​មុន​ផ្ទះ​លោកស្រី នុត សុខុម ស្ថិត​ក្នុងភូមិ ព្រែក​ឬ​ស្សី សង្កាត់​ព្រែក​ឬ​ស្សី ក្រុង​តាខ្មៅ បាន​បុក​ជាមួយ​ជា​នឹង ម៉ូតូ Honda Cub C90 ពណ៌​ខៀវ ពាក់​ស្លាកលេខ គ​០០៥១ កច​១ ជិះ​គ្នា​ពីរ​នាក់ ម្នាក់​ឈ្មោះ ជួន រិ​ទ្ធ ភេទ​ប្រុស អាយុ​២៦​ឆ្នាំ រស់នៅ​ក្រុង​តាខ្មៅ នឹង​ម្នាក់ទៀត​ជា​ស្ត្រី ឈ្មោះ សុខ ដា​នី ភេទ​ស្រី អាយុ​២២​ឆ្នាំ រស់នៅ​ស្រុក​លើកដែក ខេត្តកណ្តាល បណ្តាល​ឲ្យ​អ្នក​ទាំងពីរ បាន​ស្លាប់​ដោយ​ម្នាក់ ស្លាប់​នៅ​កន្លែងកើតហេតុ នឹង​ម្នាក់ទៀត​បាន​ស្លាប់​ពេល បញ្ជូន​ទៅដល់​មន្ទីរពេទ្យ ។​

 19-11-2013

​ក្រោយពេល​ហេតុ​សមត្ថកិច្ច​ចុះទៅ​ធ្វើការ​វាស់វែង និង​ពិនិត្យ​ជាតិ​អាកុល ដោយ​អ្នកបើករថយន្ត និង​មាន​ភាពស្រវឹង​ជោគ រហូត​ទៅដល់​កម្រិត​ជាតិ​អាកុល 0,71Mg/L ។ ចំណែក​រថយន្ត​បង្ក និង​ម៉ូតូ​របស់​ជនរងគ្រោះ​ត្រូវ​សមត្ថកិច្ច​យកមក​រក្សា​នៅ​អធិការដ្ឋាន ដើម្បី​រង់ចាំ​ការដោះស្រាយ​ជា​ក្រោយ ៕

 

Leave a Reply

(*) Required, Your email will not be published