ក្រុមចោរ​ជំនាញ​ឆក់​ខ្សែ​.​ក អស់លក្ខណ៍ ត្រូវ​ជនរងគ្រោះ​ធាក់​បែកក្បាល​

, , Leave a comment

​រាជធានី​ភ្នំពេញ ៖ ជនសង្ស័យ ២ ត្រូវបាន​ចាប់ខ្លួន​បន្ទាប់ពី​ពួកគេ​ធ្វើ​សកម្មភាព​ឆក់​ខ្សែ​.​ក ពី​ស្ត្រី​រងគ្រោះ ។ ហេតុការណ៍​ឆក់​ខ្សែ​.​ក​នេះ​បាន​កើតឡើង​កាលពី​វេលា​ម៉ោង ១៣ និង ៣០នាទី​ថ្ងៃទី​១៨ ខែវិច្ឆិកា​ឆ្នាំ​២០១៣ នៅត្រង់ចំណុច​ផ្លូវ​ប៉េ​តុង ខាងលិច​ជ្រោះ​បាត់​ស្នេហ៍ ស្ថិត​ក្នុងភូមិ​ទួលគោក សង្កាត់​ទួល​សង្កែ ខណ្ឌ​ឬ​ស្សី​កែវ​។​

 

​ជនសង្ស័យ​ដែល​ត្រូវ​ប៉ូលិស​ចាប់​ក្របួច​បាន​នោះ​ទី​១​ឈ្មោះ ម៊ូ​សា ភេទ​ប្រុស អាយុ​២២ ឆ្នាំ  និង​ទី​២​ឈ្មោះ អែល ហ្សា​ហ្វី​ន ភេទ​ប្រុស អាយុ​២៣ ឆ្នាំ​ស្នាក់ អ្នក​ទាំងពីរ​ជា​ជនជាតិខ្មែរ​អ៊ីស្លាម មុខរបរ​មិន​ពិត ប្រាកដ​ស្នាក់នៅ​ភូមិ​គីឡូម៉ែត្រ​លេខ​៩ សង្កាត់​ច្រាំង​ចម្រេះ​១ ខណ្ឌ​ឬ​ស្សី​កែវ ។ ចំណែក​ស្ត្រី​រងគ្រោះ មានឈ្មោះ ប៊ុន ស្រី​លី​ណា ភេទ​ស្រី​អាយុ​២៥​ឆ្នាំ ឌុប​ដោយ​បុរស​ម្នាក់​ជា​ប្តី​ឈ្មោះ កែវ ចំរើន ភេទ​ប្រុស​អាយុ​២៥​ឆ្នាំ ។​

 

​ប្រភពពី​នារី​រងគ្រោះ​បាន​ឲ្យ​ដឹងថា មុនពេល​កើតហេតុ​រូបនាង និង​ប្តី ជិះ​ម៉ូតូ​ម៉ាក​សង់​កូរ៉េ​ព​ណ៏​ក្រហម​ពាក់​ស្លាក​លេខ​ញ​0114​ភព​១ បានធ្វើ​ដំណើរ​ជាមួយ​កូនប្រុស​មកពី​ជប់លៀង​នៅផ្ទះ​មិត្តភក្តិ​ជិត​ផ្សារ​ធំ​ទួល​សង្កែ ក្នុងទិសដៅ​ពី​កើ​តទៅ​លិច ។ លុះ​មកដល់​ចំណុចកើតហេតុ​ស្រាប់​តែមាន​ជនសង្ស័យ​២​នាក់​ជិះ​ម៉ូតូ​ម៉ាក​ស្មាស់​សេរី​ឆ្នាំ​២០១២​ពណ៌​ក្រហម​ពាក់​ស្លាក​លេខ​ភ្នំពេញ​1AT3417 ក្នុងទិសដៅ​ស្រប​ទិស​គ្នា​បានធ្វើ​សកម្មភាព​ឆក់​ខ្សែករ​ស្លាក​ទីន​មួយ​ខ្សែរ​ដែលមាន​ទម្ងន់ ៣ ជី ហើយ​បម្រុង​នឹង​គេចខ្លួន ពេលនោះ​ជនរងគ្រោះ​បាន​ឲ្យ​ប្រពន្ធ នឹង​កូន​ចុះ​ពីលើ​ម៉ូតូ​ហើយក៏​ដេញតាម​ជនសង្ស័យ​រហូតដល់​ផ្លូវ​លេខ​598 ក៏បាន​ធាក់​ម៉ូតូ​ជនសង្ស័យ​ពីក្រោយ​បណ្ដាល​ឲ្យ​ដួល​ពេលដែល​ម៉ូតូ​ជនសង្ស័យ​ដួល​។​

19-11-2013

​បច្ចុប្បន្ន​ជនសង្ស័យ​ទាំងពី​នាក់​ត្រូវបាន​អធិការ​នគ​បាល​ខណ្ឌ​ឬ​ស្សី​កែវ​កំពុង​ក៏​សាង​សំណុំរឿង​ដើម្បី​បញ្ជូនទៅ​សាលាដំបូង​រាជធានី​ភ្នំពេញ​ចាត់ការ​តាមផ្លូវ​ច្បាប់​៕

 

Leave a Reply

(*) Required, Your email will not be published