ជិះ​ម៉ូតូ​គេច​កន្លែង​ហាល​ស្រូវ ត្រូវ​រថយន្ដ​ដឹក​អ្នកដំណើរ​របស់​ក្រុមហ៊ុន រិ​ទ្ធ​មុន្នី​បុក​ស្លាប់​មួយ​រំពេច​

, , Leave a comment

​ខេត្ដ​បាត់ដំបង  ៖ បុរស​ម្នាក់​បាន​ស្លាប់​នៅនឹងកន្លែង​កើតហេតុ ខណៈដែល​គេច​កន្លែង​ហាល​ស្រូវ​តាម​ដងផ្លូវ​ជាតិ បាន​រ៉េ​ចង្កូត​ឆ្លង​គំនូស​ផ្លូវត្រូវ​រថយន្ដ​រិ​ទ្ធ​មុន្នី​ដឹក​អ្នកដំណើរ បើក​បញ្ច្រាសទិស​គ្នា​បុក​អូស​ជាង​២០​ម៉ែត្រ​បណ្ដាល​ឱ្យស្លាប់ ។ ហេតុការណ៍​គ្រោះថ្នាក់​ចរាចរណ៍​មួយ​នេះ​កើតឡើង​កាលពី​វេលា​ម៉ោង​៨​និង​៥០​នាទី​ព្រឹក ថ្ងៃទី​១៨ ខែ វិច្ឆិកា ឆ្នាំ​២០១៣ ចំណុច​ក្រុមទី​៧ ភូមិ អូរ​តា​ខៀវ ឃុំ​អំពិល​ប្រាំ​ដើម ស្រុក​ប​វេ​ល ខេត្ដ​បាត់ដំបង​។​

 

​ជនរងគ្រោះ​ស្លាប់ មានឈ្មោះ​សឿន ឌី​ន អាយុ​៣៩​ឆ្នាំ ជា យោធិន​ពិការ​ដៃស្ដាំ របួស​បែកក្បាល បាក់ក​និង​ភ្លៅ​ទាំងសងខាង​មាន​ទីលំនៅ​ភូមិ​អូរ​ឃ្មុំ ឃុំ​រស្មី​សង្ហា ស្រុក​រតនៈ មណ្ឌល ខេត្ដ​បាត់ដំបង​។​

 

​ប្រភពពី​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ​ជនរងគ្រោះ​ជិះ​ម៉ូតូ​ម៉ាក​សេ​១២៥ ពណ៌​ខ្មៅ ស៊េរី​ឆ្នាំ ២០០៦ ពាក់​ស្លាក​លេខ​បាត់ដំបង 1E-3482 ធ្វើដំណើ​ពី​កើ​តទៅ​លិច តាម​ដងផ្លូវ​មាន​ស្រូវ​ប្រជាពលរដ្ឋ​ដាក់​ហាល​ជាច្រើន​បាន​បើក​គេច ហើយ​រេ ម៉ូតូ​ទៅ​ម្ខាង​ផ្លូវ​ក៏ត្រូវ​រថយន្ដ​រិ​ទ្ធ​មុន្នី​ដឹក​អ្នកដំណើរ ដែល​ពាក់​ស្លាក លេខ​បាត់ដំបង​3A-1541 បើក​លឿន​បញ្ច្រាស ទិស​គ្នា​បុក​កិន​ម៉ូតូ​អូស​ជនរងគ្រោះ​ជាង​២០​ម៉ែត្រ​បណ្ដាល​ឱ្យស្លាប់ ភ្លាមៗ​តែម្ដង​។ រីឯ​ជនបង្ក​ពេល​ឃើញ​ហេតុការណ៍​បែបនេះ ក៏​បើកទ្វារ​រថយន្ត​គេចខ្លួនបាត់​។​

18-11-2013

​សព​ជនរងគ្រោះ​សមត្ថកិច្ច​បាន​ដឹក​យកមក​តម្កល់​នៅ​វត្ដ​អំពិល​៥​ដើម​រង់ចាំ​សាច់ញាតិ​មក​ទទួលយក​ទៅធ្វើ​បុណ្យ​តាម​ប្រពៃណី ។ ចំណែក​រថយន្ត និង​ម៉ូតូ​ត្រូវបាន​សមត្ថកិច្ច​យកទៅ​រក្សា​នៅ​អធិការ​ស្រុក​រង់ចាំ​ចំណាត់​ការបន្ត​៕

 

Leave a Reply

(*) Required, Your email will not be published