ផឹកស៊ី​ក្លែមសម្តី កាត់ក្តី​ត្រឹម​គ្រាប់កាំភ្លើង​

, , Leave a comment

​រាជ​ធានី​ភ្នំពេញ ៖ ស្នូរ​កាំភ្លើង ២ គ្រាប់​ទាំង​កណ្តាលរាត្រី បាន​បង្ក​ការភ្ញាក់ផ្អើល​ដល់​ប្រជាពលរដ្ឋ នាំគ្នា​ចេញ ពីក្នុងផ្ទះ​មក​មើល​ក៏​ឃើញ​យុវជន​ម្នាក់ កំពុង​ដេក​នៅលើ​ដី ។ ហេតុការណ៍​ភ្ញាក់ផ្អើល​មួយ​នេះ​កើតឡើង​កាលពី​វេលា​ម៉ោង ១២​យប់​ថ្ងៃទី​១៧ ខែ​វិច្ចិកា ឆ្នាំ​២០១៣​នៅ​ចំណុច​ផ្លូវ​បេតុង ក្រុមទី​៦ ភូមិ​ដំណាក់​ធំ សង្កាត់​ស្ទឹងមានជ័យ ខណ្ឌមានជ័យ ។

 

​ជនរងគ្រោះ​មានឈ្មោះ អូន ប៊ុន​ណាត ភេទ​ប្រុស អាយុ​១៩​ឆ្នាំ មុខរបរ​ជា​ព្រូ​រថយន្ត ស្នាក់នៅ​ផ្ទះជួល សង្កាត់​បឹង​សាឡាង ខណ្ឌទួលគោក និង​មាន ស្រុកកំណើត នៅ​ស្រុក​ព្រៃឈរ ខេត្តកំពង់ចាម ។​

 

​ប្រភពព័ត៌មាន​ពី​កន្លែងកើតហេតុ​បាន​ឲ្យ​ថា ស្នូរ​កាំភ្លើង​នេះ​កើតចេញពី​ជម្លោះ​ក្មេងស្ទាវ និង​ជនរងគ្រោះ​នៅ​កន្លែង​ផឹកស៊ី កន្លែងកើតហេតុ ទើប​បណ្តាល​ឲ្យ​មាន​ក្មេងស្ទាវ​មួយក្រុម​មាន​គ្នា ៤​នាក់ ជិះ​ម៉ូតូ​ស៊េរី​ទំនើប ២​គ្រឿង ប្រដាប់​ដោយ​កាំភ្លើង ដេញ​វាយ​យុវជន​រងគ្រោះ យ៉ាង​ប្រសាច​ពេញ​ផ្លូវ រហូតដល់ ចំណុច កើតហេតុ ដោយ​ក្រុមក្មេងស្ទាវ​បាន​ចុះ វាយ​ក្បាល​ជនរងគ្រោះ មួយ​ស្នាប់​កាំភ្លើង បណ្តាល​ឲ្យ​បែកក្បាល ហូរឈាម​ស្រោច​ខ្លួន សន្លប់​ស្តូកស្តឹង​នៅ​កន្លែងកើតហេតុ​តែម្តង ។​

 

​ក្រោយពេល​កើតហេតុ​ប្រជាពលរដ្ឋ​បាន​រាយការណ៍ ទៅ​នគរបាល​មូលដ្ឋាន ឲ្យ​ចុះមក​ពិនិត្យ​ត្រង់ចំណុច​កើតហេតុ ដើម្បី​ចង់ដឹង​ពី​មូលហេតុ​ច្បាស់លាស់ ។ ភ្លាមៗ​នោះ​សមត្ថកិច្ច​បាន ចុះ​ដល់​កន្លែងកើតហេតុ នឹង​បាន​ហៅ​រថយន្ត​សាមុយ មក​ដឹកយក ជនរងគ្រោះ ទៅ​សង្គ្រោះបន្ទាន់ នៅ​មន្ទីរ​ពេទ្យរុស្ស៊ី ។​

18-11-2013

​ជុំវិញ​ករណី​ឮ​សំឡេង​ផ្ទុះអាវុធ​នេះ សមត្ថកិច្ច​នៅ​មិនទាន់​បញ្ជាក់ បាន​នៅឡើយ​ថា អាចពាក់ព័ន្ធ​ទៅនឹង ករណី​អ្វី មួយ ឲ្យ​ច្បាស់​នោះទេ ប៉ុន្តែ​ជំហាន​ដំបូង ដែល​សមត្ថកិច្ច​សង្ស័យ​នោះ ទំនង​ជនរងគ្រោះ​ទាស់​ពាក្យសម្តី​ជាមួយ ក្រុមក្មេងស្ទាវ​ហើយ ទើប​ក្រុមក្មេងស្ទាវ​ដេញ​វាយ និង​ដក​កាំភ្លើង​បាញ់ គំរាម​បែបនេះ ៕

 

Leave a Reply

(*) Required, Your email will not be published