ស្លាប់​២​នាក់​និង​របួស ៣ នាក់​ក្នុង​ហេតុការណ៍​គ្រោះថ្នាក់​ចរាចរណ៍​នៅ​គល់ស្ពាន​ព្រះមុនីវង្ស​ថ្មី​

, , Leave a comment

​រាជធានី​ភ្នំពេញ ៖ យ៉ាងហោចណាស់​មនុស្ស​ស្រី​២ នាក់ បាន​ស្លាប់​យ៉ាង​អាណោចអាធ័ម នៅនឹងកន្លែង​កើតហេតុ និង ៣ នាក់​ផ្សេងទៀត​បាន​រងរបួស​ក្នុង​ហេតុការណ៍​គ្រោះថ្នាក់​ចរាចរ​ដ៏​រន្ធត់​មួយ​បាន​កើតឡើង​នៅ​គល់ស្ពាន​ព្រះមុនីវង្ស​ថ្មី ។ ហេតុការណ៍​គ្រោះថ្នាក់​ដ៏​រន្ធត់​មួយ​នេះ​កើតឡើង​កាលពី​វេលា​ម៉ោង ១១ និង ៥ ០​នាទី​ថ្ងៃទី​១៧ ខែវិច្ឆិកា ឆ្នាំ​២០១៣ ស្ថិតនៅ​ខាងកើត​គល់ស្ពាន​ព្រះមុនីវង្ស​ថ្មី ក្នុង​សង្កាត់​ច្បារអំពៅ​ទី​១ ខណ្ឌមានជ័យ​។​

 

​តាម​ប្រភពព័ត៌មាន​នៅ​កន្លែងកើតហេតុ បាន​ឲ្យ​ដឹងថា រថយន្ត​បង្ក​ជា​ប្រភេទ​រថយន្ត​ធុន​ធ្ងន់​ដឹក​សម្ភារ​សម្រាប់​ដាក់​មាន់​បាន​បើកបរ​ក្នុងទិសដៅ​ឡើង​ស្ពាន​ព្រះមុនីវង្ស​ថ្មី​ពី​លិចទៅ​កើត ។ ពេល​ចុះ​ស្ពាន​ស្រាប់តែ​រថយន្ត​ជាន់​ហ្វ្រាំង​មិន​ស៊ី ហើយ​បាន​ទៅបុក​អ្នកដំណើរ​ទាំង​កំរោល​តែម្តង បណ្តាល​ឲ្យ​ស្លាប់ និង​របួស​ជាច្រើន​នាក់ ។​

17-11-2013

​ក្រោយ​កើតហេតុ​រថយន្ត​បង្ក​និង​ម៉ូតូ ជនរងគ្រោះ​ត្រូវ​សមត្ថកិច្ច​យកទៅ​រក្សាទុក​នៅ​ការិយាល័យ​នគរបាល​ចរាចរ ជើងគោក​រាជធានី​ភ្នំពេញ​ដើម្បី​ដោះស្រាយ​តាមផ្លូវ​ច្បាប់ ហើយ​សាកសព​សមត្ថកិច្ច​បាន​ប្រគល់​ឲ្យ​ក្រុមគ្រួសារ​យកទៅ​ធ្វើបុណ្យ​តាម​ប្រពៃណី ៕

 

Leave a Reply

(*) Required, Your email will not be published