សមត្ថកិច្ច​ឃាត់ខ្លួន​មេខ្លោង​ជួញដូរ​គ្រឿងញៀន​ដ៏​សកម្ម​

, , Leave a comment

​រាជធានី​ភ្នំពេញ ៖ សមត្ថកិច្ច​នៃ​មន្ទីរ​គ្រឿងញៀន​ក្រសួងមហាផ្ទៃ បាន​បើក​ប្រតិបត្តិ​ការបង្ក្រាប​ជន​ជួញដូរ​គ្រឿងញៀន​ពីរ​នាក់​ប្តី​ប្រព​ន្ឋ​ដោយ​ឃាត់ខ្លួន​បាន​នៅ​ម៉ោង ៧ និង ៣០ នាទី​យប់​ថ្ងៃទី​១៦ វិច្ឆិកា ២០១៣ នៅ​ចំណុច​ច្រក​ឌឿងហែម ផ្លូវ​លេខ​១៤៦ ស្ថិតក្នុង​សង្កាត់​ផ្សារ​ដេប៉ូ​ទី​២ ខណ្ឌទួលគោក ។​

 

​បើតាម​ភ្នាក់ងារ​កោះសន្តិភាព​បាន​បញ្ជាក់​ឲ្យ​ដឹងថា មុននឹង​ឈានដល់​ការបើក​ប្រតិបត្តិការ​នេះ សមត្ថកិច្ច​បាន​ស្រាវជ្រាវ​តាមដាន​ពីរ​បី​ថ្ងៃ​មកហើយ ហើយក៏​បាន​ដេញ​ប្រផាប់​ប្រ​ភីង​នៅ​ចំណុច​វត្ត​ដំបូង​ខ្ពស់ នៅ​ល្ងាច​ថ្ងៃ​សៅ​រ៏​នេះ និង​បាន​ជាប់​ឃាត់ខ្លួន​នៅក្នុង​ភូមិសាស្ត្រ​ខាងលើ ។​ ​ជនសង្ស័យ​ជា​ប្តី​ឈ្មោះ គង់ ប៊ុន​រ៉ា អាយុ​៤៥​ឆ្នាំ ស្នាក់​នៅផ្ទះ​លេខ ១០៧​អឺ​ដឺ ផ្លូវ​២១៥ សង្កាត់​ផ្សារ​ដេប៉ូ​ទី​២ រីឯ​ប្រព​ន្ឋ​សមត្ថកិច្ច​នៅ​មិនទាន់​បង្ហើប​ឲ្យ​ដឹង​នៅឡើយ​ទេ រង់ចាំ​ដីកាឆែកឆេរ​ពី​ព្រះរាជអាជ្ញា​នៅ​ថ្ងៃស្អែក​ទី​១៧ វិច្ឆិកា ២០១៣ ។​

17-11-2013

​ក្នុង​ប្រតិបត្តិការ​នេះ សមត្ថកិច្ច​រឹបអូស​បាន​ថ្នាំញៀន​មួយចំនួន រួមមាន​ កាំភ្លើងខ្លី​ស៊េរី​ទំនើប​មួយ​ដើម ម៉ា​ទឹកកក​១​ក​ញ្វ​ប់​ធំ យ៉ាម៉ា​៦​គ្រាប់ និង​ម៉ា​ទឹកកក​១​កញ្ចប់​តូច ៕

 

Leave a Reply

(*) Required, Your email will not be published