ការស្លាប់​របស់​តារាចម្រៀង​នាង ឈិន សុរ៉ា​វី នៅតែ​ជា​វាំងនន​ខ្មៅ​សម្រាប់​មហាជន​ដដែល​

, , Leave a comment

​រាជធានី​ភ្នំពេញ ៖ ក្រោយពី​កា​ស្លាប់​របស់​តារាចម្រៀង​នាង ឈិន សុរ៉ា​វី បានធ្វើ​អត្ដ​ឃាត​ដោយ​ចង​.​ក កាលពី​វេលា​ម៉ោង​៧​និង​២០​នាទី​យប់​ថ្ងៃទី​១៤ វិច្ឆិកា ២០១៣ នៅផ្ទះ​ល្វែង​លេខ​២១៤ ផ្លូវ​D បុរី​ពិភពថ្មី ក្នុងភូមិ​ត្រពាំង​អង្ក្រង សង្កាត់​ក្រាំងធ្នង់ ខណ្ឌ​ពោធិ៍​សែន​ជ័យ​ដោយ​បន្សល់ទុក​ចំណារ​លិខិត​មួយច្បាប់ ទាំង​មិន​អស់ចិត្ត ។ ការបាត់បង់​រូបនាង​បានធ្វើ​ឲ្យ​ក្រុមគ្រួសារ និង​ម​ត្តិ​រួម​អាជីព​ជា​អ្នកសិល្បៈ ព្រមទាំង​សិល្បករ សិល្បការិនី​ជាច្រើន​នូវ​នឹក​អាឡោះអាល័យ​។  ទោះបីជា​បែបណា​ក្ដី ការធ្វើអត្តឃាត​គួរឱ្យភ្ញាក់ផ្អើល​នេះ​មិនទាន់មាន​ប្រភព​ណា មួយ​អះអាងថា បណ្ដាលមកពី​មូលហេតុ​អ្វី​ជា​ផ្លូវការ​នៅឡើយ​ទេ ។ ប៉ុន្តែ​គេ​បានដាក់​ការសង្ស័យ​មិន​ផ្លូវការ​ថា អាច​បណ្ដាលមកពី​វិបត្តិ​ស្នេហា ព្រោះ​មុនពេល​ចងក​សម្លាប់ខ្លួន​នាង​មានទំនាស់​ជាមួយ​សង្សារ ។ ជាមួយគ្នានេះ នៅមាន​ប្រភព​ខ្លះ​មាន​មន្ទិល​សង្ស័យថា ឈិន សុរ៉ា​វី ត្រូវគេ​ធ្វើឃាត​ទោះបីជា​ប៉ូលិស​ជំនាញ​អះអាងថា នាង​ធ្វើអត្តឃាត​ក៏ដោយ ។​

  15-11-2013

​ប្រភព​ឲ្យ​ដឹង​ពី​មន្ត្រីប៉ូលិស​បានបង្ហាញ​ថា នាង​ឈិន សុរ៉ា​វី ស្នាក់​ក្នុងផ្ទះ​នោះ​ជាមួយ​ប្អូនស្រី​បង្កើត​របស់​នាង​ម្នាក់ និង​ប្អូនស្រី​ជីដូនមួយ​ម្នាក់ទៀត ។ នៅ​មុនពេល​កើតហេតុ ឈិន សុរ៉ា​វី បាន​នៅផ្ទះ​តែម្នាក់ឯង ចំណែក​ប្អូនស្រី​បង្កើត និង​ប្អូនស្រី​ជីដូនមួយ​ជាប់រវល់​ចេញទៅ​ក្រៅ ។ ពេល​បងប្អូន​២​នាក់​នោះ​ត្រឡប់​ចូលដល់​ផ្ទះ​វិញ​ទើប​ភ្ញាក់ ផ្អើល បន្ទាប់ពី​មើលឃើញ​នាង​ឈិន សុរ៉ា​វី ចងក​តាម​កញ្ចក់​បន្ទ​ប់​ឡៅតឿ ។ ភ្លាមៗ​នោះគេ​វាយ​បំបែក​កញ្ចក់ទ្វារ​ចូលទៅ​ស្រាយ ទម្លាក់​ក្នុង​បំណង​ជួយសង្គ្រោះ ប៉ុន្តែ​ហួសពេល​ដោយ​នាង​រ៉ាវី បាន​ស្លាប់បាត់​បង់ជីវិត​ទៅហើយ ។​

 

​ប្រភព​ដដែល​បន្តថា នាង​ឈិន សុរ៉ា​វី ត្រូវ​នគរបាល​ជំនាញ​បច្ចេកទេស​នៃ​ស្នងការដ្ឋាន​រាជធានី ភ្នំពេញ​ពិនិត្យ​និង​ធ្វើ​កោសល្យវិច័យ​យ៉ាង​យកចិត្តទុកដាក់  ហើយ​លទ្ធផល​បង្ហាញថា នាង​ធ្វើអត្តឃាត​ដោយ​ចងក​សម្លាប់ខ្លួន មិនមែន​ជាប់​ពាក់ព័ន្ធ​ទៅនឹង​អំពើ​ឃាតកម្ម​ឡើយ ។ ប្រភពព័ត៌មាន​នានា​បានឱ្យដឹងថា មុនពេល​ចងក​សម្លាប់ខ្លួន​នោះ គេ​កត់សម្គាល់​ឃើញថា នាង​មានរឿង ផ្ទួនៗ ដោយ​នៅវេលា​ទៀបភ្លឺ​ថ្ងៃទី​១៤ វិច្ឆិកា នាង​ឈិន សុរ៉ា​វី បើករថយន្ត​បុក​បង្គោល​ភ្លើង​នៅតាម​ផ្លូវ​២០០៤ ស្ថិតក្នុង​សង្កាត់​កា​កាប ខណ្ឌ​ពោធិ៍​សែន​ជ័យ ហើយ​រថយន្ត​របស់​នា​ង​ត្រូវ​សមត្ថកិច្ច​នាំយកទៅ​រក្សា​ទុក​នៅ ការិយាល័យ​ចរាចរណ៍​ផ្លូវគោក​រាជធានី​ភ្នំពេញ ។ លុះ​ក្រោយមកទៀត​នាង​រ៉ាវី​មានទំនាស់​ជាមួយនឹង​សង្សារ​របស់​នាង ដែល​គេ​មិន​ស្គាល់​អត្តសញ្ញាណ ប៉ុន្តែ​ពុំ​ដឹងថា​ដោយសារ​រឿង​អ្វី​ឡើយ ។ នៅវេលា​យប់​ឆ្លៀត​ពេលដែល​នាង​នៅផ្ទះ​ម្នាក់ឯង​ក៏​ធ្វើអត្តឃាត តែម្ដង ។​

Soravy

​នាង​ឈិន សុរ៉ា​វី បាន​បន្សល់ទុក​លិខិត​មួយច្បាប់​ដែល​នាង​សរសេរ​ព្រមាន​ថា នាង​មិន​លើកលែង​ឱ្យ​អ្នក​ដែល​ជាន់ឈ្លី និង​កុហក​នាង​ឡើង ។ តាម​ខ្លឹម​សារលិខិត​បានបង្ហាញ​ភ្លើងកំហឹង​របស់​នាង​តាម​ចង ពៀរ​ចំពោះ​នរណាម្នាក់​ដែល​នាង​ចាត់ទុកជា​អ្នក​ជាន់ឈ្លី និង​និយាយ​មិន​ត្រង់​ចំពោះ​នាង ។ ទោះបី​មិនបាន​បង្ហាញថា ជា​រឿង​អ្វីដែល​ត្រូវបាន​មជ្ឈដ្ឋាន​នានា​ដាក់​ការសង្ស័យ​ទៅដល់ វិបត្តិ​នៃ​ជីវិត​ស្នេហ៍​របស់​នាង​នឹង​បុរស​ម្នាក់ ហើយ​ប្រហែលជា​ព្រាននារី​រូបនោះ​ធ្វើបាប​ចិត្ត​នាង​រហូតដល់ លែង​ចង់​រស់ក្នុង​លោក​កី​យ៍​នេះ​ទៀត​ទើប​ឈានដល់​ការចងក​សម្លាប់ខ្លួន ។​
​ពាក់ព័ន្ធ​នឹង​ជីវិត​ស្នេហា​វិញ បន្ទាប់ពី​ប្រឡូក​អាជីព​សិល្បៈ​អស់​ជាច្រើន​ឆ្នាំ​នោះ ឈិន សុរ៉ា​វី បាន​រសាត់​ខ្លួន​ទៅ​រស់នៅ​ប្រទេស​បារាំង​មួយរយៈ និង​លេច​ឮថា​នាង​បាន​ចងសម្ព័ន្ធ​ស្នេហា​ជាមួយ​អាណិកជន​ខ្មែរ រស់នៅ​ទីនោះ ប៉ុន្តែ​ស្នេហា​លើកដំបូង​នេះ​មិន​សមប្រកប​ឡើយ ។​ក្រោយពី​រស់នៅ​ប្រទេស​បារាំង​អស់​រយៈពេល​ប្រហែលជា​២​ឆ្នាំ ឈិន សុរ៉ា​វី បាន​វិលត្រឡប់​មកកាន់​ស្រុកកំណើត​វិញ​ជាមួយនឹង​កូនប្រុស ម្នាក់ ។​ស្ថិតនៅក្នុង​ទឹកដី​កំណើត​ឈិន សុរ៉ា​វី បាន​ចាប់​កាន់​ក្បាល​មេក្រូ​ជាថ្មី​ឡើងវិញ ហើយ​នាង​នៅតែ​មានឱកាស​បង្ហាញមុខ​តាម​ឆាក​ប្រគំ​តន្ត្រី​របស់ ស្ថានីយទូរទស្សន៍​នានា ។​

Chhin-Soravy

​ជាថ្មី​ម្តងទៀត​វត្តមាន​នៅក្នុង​ស្រុក​នេះ​ឈិន សុរ៉ា​វី ត្រូវ​បុរស​ម្នាក់​ដែល​គេ​សង្ស័យ​ជា​សង្សារ​តែងតែ​ដើរ​តាម​នាង​ស្អិត ដូច​តុកកែ​គ្រប់​កម្មវិធី ជាពិសេស​កម្មវិធី​ប្រគំ​តន្ត្រី​នៅតាម​បណ្តា​ស្ថានីយទូរទស្សន៍​នានា ។ ប្រហែលជា​២​ឆ្នាំ​ចុង​ក្រោយនេះ​លេចឮ​ព័ត៌មាន​ថា ឈិន សុរ៉ា​វី និង​គូស្នេហ៍​ឈានទៅដល់​ការបែកបាក់​គ្នា ហើយ​គេ​មិនដែល​បានឃើញ​បុរស​ដែល​តែង​ដើរ​តាម​នាង​គ្រប់ពេល​ពីមុនមក​នោះ តាម​ហែហម​នាង​ដូច​មុន​ទៀត​ទេ ឃើញតែ​ប្អូន​ពៅ​នាង​តាម​ជួយ​កាន់​សម្លៀកបំពាក់​ឱ្យ​នាង​ពេល​ទៅ​សម្ដែង  ម្តងៗ ។​ជា រឿយៗ​បើទោះបីជា​មានការ​ជជីក​សួរ​ពី​រឿង​ស្នេហា​យ៉ាងណាក៏ដោយ​ក៏ ឈិន សុរ៉ា​វី មិនដែល​បកស្រាយ​ឱ្យបាន​ច្បាស់លាស់​ទេ នាង​បានត្រឹមតែ​និយាយ​យ៉ាងខ្លី​ថា​បុរស​នោះ​មិនមែនជា​សង្សារ​នាង​ទេ ៕

 

Leave a Reply

(*) Required, Your email will not be published