ក្រសួងសុខាភិបាល ប្រើប្រាស់​របៀប​គ្រប់គ្រង និង​ដឹកនាំ​តាម​ប្រព័ន្ធ​គ្រួសារនិយម​?

, , Leave a comment

​បណ្តាញ​សង្គម​ដែល​កំពុង​ពេញនិយម​សម្រាប់​យុវវ័យ​ទំនាក់ទំនង​បានក្លាយ​ជា​អ្នក​នាំសារ​សម្រាប់​ចែកចាយ​ព័ត៌មាន ព្រឹត្តិការណ៍ រូបភាព ។ ចំពោះ​ទំព័រ​បណ្តាញ​សង្គម​មួយ​ដែល​ប្រូ​ហ្វា​ល់​ឈ្មោះ​“​សម្ដេច​តេ​ជោ​ហ៊ុន សែន​” ត្រូវបាន​គេ​ផ្សព្វផ្សាយ​ពី​រឿង​ពុករលួយ​ស៊ី​រូង និង​ស្ថាប័ន​បក្ខពួក​គ្រួសារនិយម ។ សារ​មួយ​ដែល​បំពេញ​ក្នុង​ប្រកាស​បាន​បញ្ជាក់ថា " ខ្ញុំបាទ​ជាម​ន្ដ្រី​ក្រសួងសុខាភិបាល​រួមទាំង​បណ្ដា​បញ្ញវន្ដ​ដែល​បានបញ្ចប់​ការសិក្សា​នៅ​អាមេរិក អូស្ដ្រាលី និង​មន្ដ្រី​ចូល​និ​វត្ដ​ន៍​មានការ​សោកស្ដាយ​យ៉ាងខ្លាំង​បន្ទាប់ពី​លោក ឈា ថាំង អតីត​រដ្ឋមន្ដ្រីក្រសួង​សុខាភិបាល​ចូល​និ​វត្ដ​ន៍ ហើយ​រដ្ឋមន្ដ្រី​ថ្មី​កាន់តំណែង​កើតមាន​អំពើពុករលួយ និង​ការបោះបង់ចោល​អ្នកចេះដឹង បញ្ញវន្ដ អ្នក​គ្មាន​បក្ខ គ្មាន​ពួក ខណៈដែល​ជំទាវ​លោក​រដ្ឋមន្ដ្រី​បាន​ជ្រៀតជ្រែក​កិច្ចការ​ផ្ទៃក្នុង​របស់​ក្រសួង​ហើយ​មន្ដ្រី​ជាច្រើន​មិន​ពេញចិត្ដ​ទង្វើ​មិន​គប្បី​នេះ ។

mam bunheng (1) 

​យើងខ្ញុំ​ក៏​ធ្លាប់បាន​ខ្សឹបប្រាប់​សម្ដេច​តាមរយៈ​បណ្ដាញ​ទំនាក់ទំនង​សង្គម​នៃ​ប្រូ​ហ្វា​ល់​ឈ្មោះ​“ ​សម្ដេច​តេ​ជោ ​ហ៊ុន សែន​” ផងដែរ​ជុំវិញ​អំពើពុករលួយ​ដែល​លោក​រដ្ឋមន្ដ្រី​បច្ចុប្បន្ន​បានផ្ដល់​អាទិភាព​ខ្ពស់​ទៅលើ​លោកជំទាវ​រដ្ឋមន្ដ្រី​គ្រប់គ្រង ​ទៅលើ​កិច្ចការងារ​ក្នុង​ក្រសួង​ខុសពី​គោលការណ៍​របស់​រ​ដ្ឋា​ភិ​បា​ល ។

 

​បច្ចុប្បន្ន​ក្រោម​ការដឹកនាំ​របស់លោក​រដ្ឋមន្ដ្រី ម៉ម ប៊ុនហេង និង​មានការ​លូក​ចូល​កិច្ចការ​ក្នុង​ក្រសួង​ដោយ​លោកជំទាវ​ឃើញថា តាំងពី​អគ្គនាយក​រហូត រដ្ឋលេខាធិការ អនុរដ្ឋលេខាធិការ បែរជា​នាំគ្នា​យក​ក្រសួងសុខាភិបាល​ធ្វើជា​ដើម ទុន​រកស៊ី បើក​សាលា​ពេទ្យ បើក​គ្លីនិក បើក​ក្រុមហ៊ុន បើក​សិក្សា​គំរោង និង​ប្រើ​ឧបករណ៍​ពេទ្យ​សំខាន់ៗ​របស់​មន្ទីរពេទ្យ​រដ្ឋ ។​

 

​ដោយឡែក​មន្ដ្រី​ថ្នាក់​អនុប្រធាន នាយកដ្ឋាន​ជាច្រើន​នាក់ សុទ្ធ​តែមាន​របប​រថ​យន្ដ របប​ប្រេង របប​ទូរស័ព្ទ អ្នកខ្លះ​មាន​រថយន្ដ​២​គ្រឿង​ម្នាក់ឯង​សម្រាប់​ប្រើប្រាស់​ក្នុង​ក្រុមគ្រួសារ និង​សម្រាប់​ដឹក​ស្រី​ស្នេហ៍​ដើរលេង​មិនបាន​យកមក​បំពេញតម្រូវកា​រ ឬ​ការងារ​របស់​ក្រសួង ប៉ុន្ដែ​បញ្ហា​ទាំងអស់នេះ លោក​រដ្ឋមន្ដ្រី​ដូចជា​មិនសូវ​ចាប់អារម្មណ៍​អាច​និយាយបានថា ពួកគេ​ជាម​នុស្ស​ដែល​លោក​រដ្ឋមន្ដ្រី​មាន​ទំនុក​ចិ​ត្ដ​ក៏​ថា​បាន ។​

 

​ពាក់ព័ន្ធ​នឹង​ករណី​ដេញថ្លៃ​គម្រោង​ផ្សេងៗ ខាង​លទ្ធកម្ម​តែងតែបាន​ឃុបឃិត​គ្នា​ជាមួយ​ក្រុមហ៊ុន​ជា​ដៃគូ ដើម្បី​កេង​យក​ប្រយោជន៍​ក្នុងនោះ​បញ្ហា​អចលនវត្ថុ​ក្នុង​ក្រសួង ក៏បាន​លក់​ខ្ទេច​លក់​ខ្ទី​អស់​កន្លែង​ខ្លះ​ថា​ទុក​អភិរក្ស ក៏​ស្រាប់តែ​លក់​អស់រលីង​ដូចគ្នា ហើយ​មន្ដ្រី​ថ្នាក់ក្រោម​មិន​ហ៊ាន​សួរនាំ​អ្វី​ទេ ព្រោះ​ពី​អគ្គនាយក អនុរដ្ឋលេខាធិការ រដ្ឋលេខាធិការ សុទ្ធតែ​អះអាងថា ការងារ​ទាំងអស់នេះ​ជា​រឿង​ថ្នាក់លើ ដូច្នេះ​មន្ដ្រី​ថ្នាក់ក្រោម​ម្នាក់ៗ​បានត្រឹមតែ​មើលមុខ​គ្នា ជជែក​គ្នា​តាម​តុ​កាហ្វេ​ពិសេស​ក៏​អន់ចិត្ដ​ក្នុងនាម​ជាម​ន្ដ្រី​នៅក្នុង​ក្រសួងសុខាភិបាល ពេល​មាន​ជំងឺ​ទៅ​សម្រាក​នៅ​មន្ទីរពេទ្យ​រដ្ឋ​ខ្វះ​ការយក​ចិ​ត្ដ​ទុកដាក់​ពី​ក្រុមគ្រូពេទ្យ​តម្លៃ​សេវា ព្យាបាល​ខ្ពស់ជាង​ពេទ្យ​ឯកជន នេះ​ក៏​ដោយសារតែ​ថ្នាក់ដឹកនាំ​ក្រសួង​ពុំបាន​គិតគូរ​រកគោ​ល​នយោបាយ​ណាមួយ​ដើម្បី​លើកកម្ពស់​ក្រុមមន្ដ្រី​ក្រសួងសុខាភិបាល​ដែល​លះបង់​គ្រប់បែបយ៉ាង​បម្រើ​ការងារ​ជូន​រដ្ឋ​នោះ ។​

mam bunheng (2)

​ក្នុងនាម​មន្ដ្រី​ក្រសួងសុខាភិបាល​ក៏​សំណូមពរ​ផងដែរ​ឱ្យ​ថ្នាក់ដឹកនាំ​ខាងលើ​ យក​ចិ​ត្ដ​ទុកដាក់​ពី​កំណែទម្រង់​ស៊ីជម្រៅ​ថា តើ​ក្រសួង​មួយ​នេះ​បាន​អនុវត្ដ​ទៅ​តាម​អនុសាសន៍​ដ៏​ថ្លៃថ្លា​របស់​សម្ដេច​តេ​ជោ ហ៊ុន សែន ហើយ​ឬ​នៅ ពីព្រោះ​ក្លាយទៅជា​ក្រសួង​គ្រួសារនិយម​ដែល​បញ្ញវន្ដ​មកពី​ក្រៅប្រទេស​ត្រូ​វ​បា​ន​ថ្នាក់ដឹកនាំ​បោះបង់ចោល និង​អ្នក​ដែល​គ្មាន​បក្ខពួក​ក៏​ប្រឈម​នឹង​ការ​អត់​ការងារ​ធ្វើ​ជាដើម​អភិវឌ្ឍន៍​តែ​អំពើពុករលួយ​ដែល​មិនអាច​លុបបំបាត់បាន​៕

 

Leave a Reply

(*) Required, Your email will not be published