លួច​ម៉ូតូ​ពី​ស្រុក​សំពៅ​លូន មក​លក់​នៅ​ស្រុក​ម៉ាឡៃ ជាប់អន្ទាក់​ប៉ូលិស​

, , Leave a comment

​ខេត្តបន្ទាយមានជ័យ ៖ ជនសង្ស័យ​ម្នាក់ ត្រូវបាន​សមត្ថកិច្ច​ចាប់ខ្លួន​បន្ទាប់ពី​ធ្វើ​សកម្មភាព​លួច​ម៉ូត​ហ្វី​ណូ ១ គ្រឿង ពី​ស្រុក​សំពៅ​លូន ខេត្តបាត់ដំបង យកមក​លក់​នៅ​ស្រុក​ម៉ាឡៃ ខេត្តបន្ទាយមានជ័យ​។ ការចុះ​បង្ក្រាប​នេះ​បន្ទាប់ពី​បានទទួល​ពាក្យបណ្តឹង​របស់​ជនរ​ង​គ្រោះ​នៅវេលា​ម៉ោង ៧ និង ៣០​នាទី យប់​ថ្ងៃទី​១៣ វិច្ឆិកា ២០១៣ លើ​កំណាត់​ផ្លូវជាតិ​លេខ​៥៩ ស្ថិតក្នុង​ភូមិសាស្ត្រ ភូមិ​ទួល​ពង្រ ឃុំ​ទួល​ពង្រ ស្រុក​ម៉ាឡៃ ខេត្តបន្ទាយមានជ័យ​។​

 

​ជនសង្ស័យ​មានឈ្មោះ សល់ វី  ភេទ​ប្រុស អាយុ ២៧​ឆ្នាំ រស់នៅ​ភូមិ​គីឡូ​៩ ឃុំ​ជ្រៃ​សីមា ស្រុក​សំពៅ​លូន ខេត្តបាត់ដំបង​។ ជននេះ​បានធ្វើ​សកម្មភាព​លួច​យក​ម៉ូតូ​មិត្តភក្តិ​របស់ខ្លួន​ឈ្មោះ គឹម រិ​ទ្ធ​សុជា ភេទ​ប្រុស អាយុ ២៤​ឆ្នាំ នៅ​ភូមិ​គី​ទ្បូ​១៣ ឃុំ​សន្តិភាព ស្រុក​សំពៅ​លូន ខេត្តបាត់ដំបង​។ បន្ទាប់ពី​លួច​រួច​បាន​ជិះ​រត់គេចខ្លួន​មក​ស្រុក​ម៉ាឡៃ ខេត្តបន្ទាយមានជ័យ ហើយ​ខណៈដែល​ទទួលបាន​ព័ត៌មាន​ពី​នគរបាល​ស្រុក​សំពៅ​លូន  លោក​បាន​ចាត់តាំង​កម្លាំង​ធ្វើការ​ត្រួតពិនិត្យ​នៅលើ​ផ្លូវ​ជាតិ​លេខ​៥៩ ក្រោយមក​មាន​ម៉ូតូ ១​គ្រឿង ម៉ាក​ហ្វី​ណូ ពណ៌​ក្រហម​លា​យស គ្មាន​ស្លាក​លេខ ដូច​ភិនភាគ​ដែល​នគរបាល​ស្រុក​សំពៅ​លូន បានផ្តល់​ព័ត៌មាន​នោះ ក៏​ធ្វើការ​ចាប់បាន​តែម្តង​។​

 

​តាម​ការសាកសួរ​ចម្លើយ​ជនសង្ស័យ​ឈ្មោះ សល់ វី បាន​សារភាពថា រូបគេ​ពិតជា​បានធ្វើ​សកម្មភាព​លួច​ម៉ូតូ​របស់​ឈ្មោះ រិ​ទ្ធ​សុជា មែន បន្ទាប់ពី​រូបគេ និង​ម្ចាស់​ម៉ូតូ​បាន​ស្គាល់គ្នា​រយៈពេល ១​ខែ​មុន រួច​បាន​ខ្ចី​ម៉ូតូ​មិត្ត​របស់គេ​ជិះ​ចេញទៅ​ក្រៅ និង​លួច​ចម្លង​កូនសោរ​ទុក ហើយ​ការធ្វើសកម្មភាព​លួច​យក​ម៉ូតូ​នេះ ខណៈពេល​ម្ចាស់​ម៉ូតូ​ទុក​នៅមុខ​ផ្ទះ រួច​ជិះ​មក​ស្រុក​ម៉ាឡៃ ក៏ត្រូវ​សមត្ថកិច្ច​ចាប់ខ្លួនបាន​។​

15-11-2013

​បើតាម​ការឆ្លើយបំភ្លឺ​ពី​ម្ចាស់​ម៉ូតូ មុនពេល​បាត់​គេ​បាន​ទុក​ម៉ូតូ​នៅមុខ​ផ្ទះ រួច​ដើរចូល​ក្នុងផ្ទះ​ពេលចេញ​មកវិញ​បាត់​ម៉ូតូ បន្ទាប់មក​ក៏​ប្តឹង​សមត្ថកិច្ច​នគរបាល​ស្រុក​សំពៅ​លូន ជួយ​ធ្វើ​អន្តរាគមន៍​។ លោក​អធិការនគរបាល​ស្រុក​ម៉ាឡៃ បាន​ឲ្យ​ដឹង​ទៀតថា ក្រោយពី​ធ្វើការ​បង្ក្រាប​ជនសង្ស័យ​បាន​បញ្ជូន​ឲ្យ លោក​អនុសេនីយ៍ឯក ឈិ​ត សេង អធិការរង​នគរបាល​ស្រុក​សំពៅ​លូន ដើម្បី​រៀបចំ​សំណុំរឿង​តាម​នីតិវិធី​ច្បាប់ ចំណែក​ម៉ូតូ​បានប្រគល់​ជូន​ជនរងគ្រោះ​វិញ ដោយមាន​ការចូលរួម​ពី លោក​អនុសេនីយ៍ឯក ឈិ​ត សេង ផងដែរ​៕

 

Leave a Reply

(*) Required, Your email will not be published