តារាចម្រៀង​ស្រស់​សោភា ឈិន សុរ៉ា​វី ធ្វើ​អត្តឃាត​ដោយ​ចង​.​ក​ នៅ​​បន្ទប់​ឡៅតឿ​

, , Leave a comment

​រាជធានី​ភ្នំពេញ ៖ តារាចម្រៀង និង​ជា​ពិធី​ការិនី​ស្រស់​សោភា ឈិន សុរ៉ា​វី បាន​សាង​ការភ្ញាក់ផ្អើល​មួយ​ដោយបាន​ធ្វើអត្តឃាត​ដោយ​ចង​.​ក​សម្លាប់ខ្លួន​នៅក្នុង​បន្ទប់​ឡៅតឿ​ផ្ទះ​របស់ នាង​ដោយ​ពុំ​ដឹង​មូលហេតុ​សង្ស័យថា អាចពាក់ព័ន្ធ​នឹង​ករណី​ជីវិត​ស្នេហា​ឯកជន​របស់​នាង ។ ករណីនេះ​បានកើត​ឡើង​កាលពី​វេលា​ម៉ោង​៧​និង​៣០​នាទី​យប់​ថ្ងៃ ទី​១៤ ខែ​វិច្ចិកា ឆ្នាំ​២០១៣ នៅក្នុង​បុរី​មួយកន្លែង​ផ្ទះ​លេខ​២១៤ ផ្លូវ​D ភូមិ​ក្រាំង​អ​ង្រ​ង សង្កាត់​ក្រាំងធ្នង់ ខណ្ឌ​ពោធិ៍​សែន​ជ័យ រាជធានី​ភ្នំពេញ ។​

15-11-2013

​បើតាម​ការអះអាង​ពី​ប្អូនស្រី​របស់​តារាចម្រៀង​រូបនេះ​គិត​ខ្លី​ចងក​សម្លាប់ខ្លួន​ទាំង​វ័យក្មេង​នេះ មុនពេល​កើតហេតុ​នាង​មានការ​ទាស់​ពាក្យសម្តី​គ្នា​ជាមួយនឹង​អ្នក​ដែល​បាន​ស្គាល់គ្នា​យូរ​ឆ្នាំ​មកហើយ ប៉ុន្តែ​ពុំ​ដឹងថា ទាស់​ពាក្យសម្តី​អន់ចិត្ត​បែបណា​នោះទេ ទើប​នៅវេលា​ម៉ោង​៧​និង​៣០​នាទី​យប់ ក្រុមគ្រួសារ​ក៏បាន​ប្រទះឃើញ​តារាចម្រៀង​រូបនេះ​បាន​ចងក​សម្លាប់ខ្លួន​នៅ​បន្ទប់​ឡៅតឿ​ទើប​មានការ​ភ្ញាក់​ផ្អើលឆោឡោ ។​

 d3(18)

​បើទោះជា​ហេតុការណ៍​ខាងលើ​ត្រូវបាន​ក្រុមគ្រួសារ និង​សមត្ថកិច្ច​អះអាង​ចង​.​ក​ធ្វើអត្តឃាត ប៉ុន្តែ​សាក្សី​នៅ​កន្លែងកើតហេតុ​ជាច្រើន​នាក់​មានការ​សង្ស័យ​អាចពាក់ព័ន្ធ​ទៅនឹង​ករណី​ឃាតកម្ម​ណាមួយ ខណៈ​សាកសព​មាន​សភាព​បែកពពុះមាត់ អត់​លាត​អណ្តាត និង​ភ្នែក ប៉ុន្តែ​សមត្ថកិច្ច​កំពុង​ធ្វើ​កោសល្យវិច័យ​ដើម្បី​សិក្សា​ពី​មូលហេតុ​នៃ​ការស្លាប់​នេះ ដោយ​ជា​ជំហានៗ​៕

 

Leave a Reply

(*) Required, Your email will not be published