ល្បួង​នារី​ខ្មែរ​ទៅ​ជួញដូរ ក្រោម​រូបភាព​រៀបការ​ជាមួយ​ជនបរទេស ត្រូវ​សមត្ថកិច្ច​ចាប់ខ្លួន​

, , Leave a comment

​ខេត្ដ​សៀមរាប ៖ មេខ្លោង​ម្នាក់ ក្នុង​បក្ខពួក ២ នាក់ ដែល​នាំ​នារី​ខ្មែរ​យកទៅ​ជួញដូរ​នៅ​ប្រទេស​ចិន​នោះ​ត្រូវ​សមត្ថកិច្ច​នគរបាល​ចាប់ខ្លួនបាន​ម្នាក់ ខណៈដែល​កំពុង​ធ្វើ​បញ្ជូន​នារី​ខ្មែរ ២នាក់​ទៅដល់​អាកាសយានដ្ឋាន​សៀមរាប​ត្រូវបាន​បែកការណ៍ ។ ហេតុការណ៍​ចាប់ខ្លួន​មេខ្លោង​ជួញដូរ​មនុស្ស​នេះ​បាន​កើតឡើង​កាលពី​វេលា​ម៉ោង ២ និង ៣០ នាទី​រសៀល​ថ្ងៃទី​១៣ ខែវិច្ឆិកា ឆ្នាំ​២០១៣ នៅ​ចំណុច​រង្វង់​មូល​ព្រះរាជដំណាក់់​ស្ដេច​ខាងលិច​ស្ទឹង​សៀមរាប ។​

 

​មេខ្លោង​ដែល​ត្រូវ​ចាប់ខ្លួន​នោះ​មានឈ្មោះ យ៉ុង សុផាត ភេទ​ប្រុស អាយុ​៣៦​ឆ្នាំ មាន​ទីលំនៅ ខេត្ដ​ស្វាយរៀង ត្រូវបាន​ចាប់ខ្លួន​។ ចំណែក​ម្នាក​ឈ្មោះ ហួង ភេទ​ប្រុស​អាយុ​ប្រហែល​ជាង​៣០​ឆ្នាំ​រត់​គេចខ្លួនបាត់ ។​

 

​ប្រភពពី​ការិយាល័យ​ប្រឆាំង​ការជួញដូរ​មនុស្ស និង​ការពារ​អនីតិជន​ខេត្ដ​បានឱ្យដឹងថា បន្ទាប់ពី​ជនរងគ្រោះ​ជានា​រី​ខ្មែរ​ទៅដល់​អាកាសយានដ្ឋាន​សមត្ថកិច្ច មានការ​សង្ស័យ​ក៏បាន​ហៅ​នារី​ខ្មែរ​ទាំង​២​នាក់​នោះមក​សួរនាំ​ហើយ​ឆ្លើយ ថា ពួកគេ​ត្រូវបាន​ឈ្មោះ ហួង និង​ឈ្មោះ យ៉ុង សុផាត នាំយកទៅ​ប្រទេស​ចិន​ដើម្បី​ទៅ​រៀបការ​ប្ដី​ជា​អ្នកមាន​លុយ ។

 

​ជនរងគ្រោះ​២​នាក់​ជានា​រី​ខ្មែរ​មានឈ្មោះ ធុ​ក សុខា អាយុ​២៥​ឆ្នាំ និង​ឈ្មោះ នី សុខ​ដា អាយុ​៣៣​ឆ្នាំ អ្នក​ទាំងពីរ​មាន​ទីលំនៅ​ខេត្ដ កំពង់ចាម​ដូចគ្នា ។​
​តាម​ការរៀប​រាប់រប​សើ​នារី​រងគ្រោះ​ឈ្មោះ ធុ​ក សុខា បាន​ឲ្យ​ដឹងថា នាង​ត្រូវបាន​មេខ្យល់​ឈ្មោះ ហួង បោក​យកលុយ​ចំនួន ៣៧០ ដុល្លារ​ទៅ​បាត់​ហើយដោយ​និយាយ ថា រូបនាង​នៅ​ក្មេង​ហើយ​មាន​សម្រស់ ស្រស់ស្អាត​បើ​ចង់បាន​ស្វាមី​ជា​សេដ្ឋី មាន​លុយកាក់​ច្រើន​ទាល់​តែមាន​លុយ​ឱ្យគេ​ទើប​គេ​រក​ប្ដី​ជា​សេដ្ឋី​ឱ្យបាន ពេលទៅដល់​ប្រទេស​ចិន ។

 

​ចំណែក​នារី​រងគ្រោះ​ម្នាក់ទៀត​ឈ្មោះ នី សុខ​ដា មាន​វ័យ​ជាង ៣០ ឆ្នាំ​មេខ្យល់​បាន​សន្យា​ឱ្យ​លុយ​ទៅ​ក្រុមគ្រួសារ​ចំនួន ៦០០ ដុល្លារ ហើយ​ក្រៅពីនេះ​មេខ្យល់​បានឱ្យ​នាង​សម្រាប់​ជាប់​តាម​ខ្លួន​ចំនួន ៤ ម៉ឺន​រៀល និង ២០ ដុល្លារ ។​

 

​ក្រោយពី​បាន​សួរនាំ​នារី​រងគ្រោះ​ទាំង ២​នាក់​រួចហើយ​សមត្ថកិច្ច​បានឱ្យ​នារី​រងគ្រោះ​ទូរស័ព្ទ​ទៅ​មេខ្យល់​ថា យន្ដហោះ​មិនបាន ចេញ​ទេ​ផ្អាក​ជើងហោះហើរ​ហើយ​ណាត់​មេខ្យល់​ឱ្យមក​ទទួល​នាង​នៅ​ចំណុច​ឃាត់ខ្លួន​ខាងលើ ។​

15-11-2013

​ក្រោយ ចាប់ពី​ខ្លួន​មេខ្លោង​ជួញដូរ មនុស្ស​បាន​ហើយ​នោះ សមត្ថកិច្ច​បាន បញ្ជូន​នារី​រងគ្រោះ​ទាំង​២​នាក់​ទៅ​អង្គការ មួយ​ឈ្មោះ​អា​ហ្វី​ស៊ី​ប ដើម្បី​ធ្វើការ​អប់រំ​។ ចំណែក​មេខ្លោង​ជួញដូរ​មនុស្ស​ម្នាក់ ដែល​ចាប់ខ្លួនបាន​ត្រូវ​បញ្ជូនទៅ​តុលាការ តាម​មាត្រា​១៦​ដោយ​ចោទ​ពីបទ​លក់ដូរ​មនុស្ស​ស​ម្រា​ប់​ឆ្លងដែន ៕

 

Leave a Reply

(*) Required, Your email will not be published