មនុស្ស ៣ នាក់​បាន​រងរបួស​ធ្ងន់ និង​ស្រាល ក្នុង​ហេតុការណ៍​គ្រោះថ្នាក់​ក្រឡាប់​រថយន្ត​

, , Leave a comment

ខេត្តកំពង់ឆ្នាំង ៖ ហេតុការណ៍​គ្រោះថ្នាក់​ចរាចរណ៍​មួយ​បានកើត​ឡើង​ទាំង​កណ្តាល​អា​ធ្រា​ត្រ បណ្តាលមកពី​រថយន្ត​កាមរី​បា​ឡែ​ន​មួយគ្រឿង បាន​ក្រឡាប់​ជាច្រើន​ត្រឡប់ បណ្តាលឱ្យ​ខ្ទេច​ទាំង​ស្រុង និង​មនុស្ស ៣ នាក់​បាន​រងរបួស​ធ្ងន់ និង​ស្រាល ។ ហេតុការណ៍​គ្រោះថ្នាក់​នេះ​កើតឡើង​កាលពី​វេលា​ម៉ោង​១​និង​២០​នាទី​រំលងអធ្រាត្រ ឈានចូល​ថ្ងៃទី​១៤ វិច្ឆិកា ២០១៣ នៅលើ​កំណាត់​ផ្លូវជាតិ​លេខ​៥៣ ត្រង់ចំណុច​បឹង​ឆ្កឹង​ឆ្កៀល ស្ថិត​ក្នុងភូមិ​ក្រាំង​តា​មុំ ឃុំ​តាំងក្រសាំង ស្រុក​ទឹកផុស ។​

 

​តាម​ការសន្និដ្ឋាន​រប​ស់​សមត្ថកិច្ច​មូលដ្ឋាន​បាន​ឲ្យ​ដឹងថា មុនពេល​កើតហេតុ​រថយន្ត​កាមរី​បា​ឡែ​ន ពណ៌​ទឹកប្រាក់ គ្មាន​ស្លាក​លេខ ជិះ​គ្នា​៣​នាក់​នោះបាន​បើក​តាម​បណ្តោយ​ផ្លូវជាតិ​លេខ​៥៣​យ៉ាង​លឿន ក្នុង​ដំណើរ​ពី​កើ​តទៅ​លិច ។ លុះ​មកដល់​ចំណុចកើតហេតុ​ក៏បាន​រេ​ចង្កូត​ធ្លាក់​ចិញ្ចើម​ខាងស្តាំ​ដៃ ខណៈនោះ​ដែរ​អ្នកបើករថយន្ត​បាន​ទាញ​ចង្កូត​មក​ឡើងលើ​ថ្នល់​វិញ តែ​ដោយ​រថយន្ត​មាន​ល្បឿន​លឿន​ពេក ក៏បាន​ជ្រុល​មក​ឆ្វេង​ដៃ​ធ្លាក់​ចេញពី​ផ្លូវជាតិ ក្រឡាប់​ជាច្រើន​ត្រឡប់​បោក​ផ្ទប់​នឹង​កូនដើម​ខ្លុង​ត្បែង និង​ធ្លាក់​ទៅក្នុង​វាលស្រែ​បណ្តាលឱ្យ​មនុស្ស​នៅក្នុង​រថយន្ត​រងរបួស​តែម្តង​។​

14-11-2013

​ក្រោយពេល​កើតហេតុ​ការណ៍ យុវជន​៣​នាក់ បាន​រងរបួស​ធ្ងន់ និង​ស្រាល ត្រូវ​ទូរស័ព្ទ​ហៅ​បក្ខពួក​ដឹក​យកទៅ​សង្គ្រោះ​នៅ​មន្ទី​ពេទ្យ​ឯកជន ដោយ​បន្សល់ទុក​តែ​រថយន្ត​នៅ​កន្លែងកើតហេតុ​៕

 

Leave a Reply

(*) Required, Your email will not be published