ជា​កម្មករ​រោងចក្រ​លុយ​ចាយ​មិន​គ្រប់ ចង់​មាន​ឆាប់​បែកគំនិត​ជួញ​គ្រឿងញៀន​ជាប់អន្ទាក់​សមត្ថកិច្ច​

, , Leave a comment

​ខេត្ត​ព្រះសីហនុ ៖  បុរស​ម្នាក់​ត្រូវបាន​សមត្ថកិច្ច​ឃាត់​កាលពី​វេលា​ម៉ោង​៦​យប់ ថ្ងៃទី​១៣ វិច្ឆិកា ២០១៣ នៅ​ចំណុច​ក្រុមទី​២៥ ភូមិ​១ សង្កាត់​៤ ក្រុងព្រះសីហនុ ខណៈពេល​ជនសង្ស័យ​កំពុង​ធ្វើ​ស​ក​ម្មភាព​ចែកចាយ​គ្រឿងញៀន​។​

 

​ជនជាប់សង្ស័យ​ដែល​ត្រូវ​ឃាត់ខ្លួន​នោះ​មានឈ្មោះ ប៉ក់ សុធា ភេទ​ប្រុស អាយុ​២៩​ឆ្នាំ ជា​កម្មករ​រោងចក្រ មាន​ស្រុកកំណើត​សង្កាត់​ទួល​ទំពូង​២ ខណ្ឌចំការមន រាជធានី​ភ្នំពេញ បច្ចុប្បន្ន​ស្នាក់នៅ​ក្រុម​៥៨ ភូមិ សង្កាត់​ខាងលើ​។ ក្រោយ​ឃាត់ខ្លួន​សមត្ថកិច្ច​ដកហូត​បាន​ថ្នាំញៀន​ប្រភេទ​មេ​តំ​ហ្វេ​តា​មីន ICE ចំនួន​១​កញ្ចប់​ធំ​ទម្ងន់​៣.៤​ក្រាម និង​៨​កញ្ចប់​តូច​ស្មើនឹង​១.៤​ក្រាម និង​ទូរស័ព្ទដៃ​ចំនួន​២​គ្រឿង​។

14-11-2013

​បច្ចុប្បន្ន​ជនសង្ស័យ រួមជាមួយ​វត្ថុតាង​ត្រូវ​សមត្ថកិច្ច​កសាង​សំណុំរឿង​បញ្ជូនទៅ​សាលាដំបូង ខេត្ត​ព្រះសីហនុ​ដើម្បី​ចាត់ការ​តាមច្បាប់​៕

 

Leave a Reply

(*) Required, Your email will not be published