កូនប្រុស​ច្បង​ឧកញ៉ា ដួង ងៀប ត្រូវបាន​ដោះលែង​ពី​ពន្ធនាគារ យ៉ាង​ស្ងាត់​បំផុត​

, , Leave a comment

​រាជធានី​ភ្នំពេញ ៖ ជនជាប់ចោទ ឌួង ឧ​ត្ត​ម​ឆ​វិ​ន ហៅ ឌួង ឆាយ កូនប្រុស​ច្បង​ឧកញ៉ា ដួង ងៀប អនុប្រធាននាយកដ្ឋាន​អន្តោប្រវេសន៍​នៃ​ក្រសួងមហាផ្ទៃ​ត្រូវ​មេធាវី​អះអាងថា ត្រូវ​ដោះលែង​ពី​ពន្ធនាគារ PJ ហើយ បន្ទាប់ពី​ជាប់ឃុំ​រយៈពេល ៦​ខែ តាម​អំណាច​សាលដីកា​របស់​តុលាការ​ឧទ្ធរណ៍ ខណៈ​ទោស​នៅសល់​ប៉ុន្មាន ត្រូវបាន​ព្បួ​រទាំង​អស់នោះ​។ ចំពោះ​ករណី​ដែល​ជនជាប់ចោទ ឌួង ឧ​ត្ត​ម​ឆ​វិ​ន ហៅ ឌួង ឆាយ ត្រូវ​ដោះ​យ៉ាង​ស្ងាត់ និង​អាថ៌កំបាំង បាន​ក្លាយជា​ចំណោទ​មួយ​ចំពោះ​ក្រសែភ្នែក​មហាជន​។​

 

​យោងតាម​ប្រសាសន៍​របស់លោក ណា​ច ទ្រី មេធាវី​ការពារ​ក្តី​លោក ឌួង ឆាយ បាន​ប្រាប់ ឲ្យ​ដឹងថា កូនក្តី​របស់ខ្ញុំ​ត្រូវបាន​ដោះលែង​ពី​ពន្ធនាគារ​ប្រហែល​ពីរ​សប្តាហ៍​មកហើយ​។ តែ​ទោះជា​គាត់​ត្រូវបាន​ដោះលែង​ឲ្យ​នៅក្រៅ​ឃុំ​ក៏ដោយ​ក៏​តុលា​ការមិន ទម្លាក់​ការចោទប្រកាន់​លើ​គាត់​ទេ គឺ​នៅ​ព្យួរទោស​ទាំងអស់​។ បើទោះបីជា​កូនក្តី​ខ្ញុំ​ត្រូវបាន​ដោះលែង តែ​គាត់​ពុំមាន​សិទ្ធិ​សេរី​ពេញបរិបូរណ៍​ទេ​។ គាត់​ត្រូវ​តុលា​ការដាក់​កម្រិតធ្ងន់​ធ្ង​រលើ ៣ ករណី ទី​១-​ហាម​មិន​ឲ្យ​ផឹកស៊ី ទី​២-​ហាម​មិន​ឲ្យ​ប្រើប្រាស់​អាវុធ និង ទី​៣-​ហាម​មិន​ឲ្យ​ធ្វើដំណើរ​ទៅ​ក្រៅប្រទេស ហើយ​បើ​ចង់ទៅ​ណា​មក​ណា​ឆ្ងាយ ត្រូវសុំ​ការអនុញ្ញាត​ពី​តុលាការ​ជាមុន ។​

 

​គួររម្លឹកថា កាលពី​អំឡុង​ខែ មេសា កន្លងទៅ សាលាដំបូង​រាជធានី​ផ្តន្ទាទោស ឈ្មោះ ឌួង ឧ​ត្ត​ម​ឆ​វិ​ន ហៅ ឌួង ឆាយ ដោយ​សម្រេច​ដាក់ពន្ធនាគារ​ចំនួន ៣​ឆ្នាំ ៦​ខែ ពីបទ​ប្រើ ហិង្សា​ដោយ​ចេតនា​មាន​ស្ថាន​ទម្ងន់ទោស​ប្រើ​អាវុធ ប៉ុន្តែ ឌួង ឆាយ បាន​ប្តឹង​ទាស់​ទៅ​សាលាឧទ្ធរណ៍​។ នៅ​ដើមខែ តុលា កន្លងទៅនេះ សភា​ព្រហ្មទណ្ឌ​សាលាឧទ្ធរណ៍ បាន​បើក​ជំនុំជម្រះ​លើ​សំណុំរឿង ឌួង ឆាយ ស្ងាត់ៗ ដោយ​មិន​ឲ្យ​អ្នកកាសែត​ដឹង​ឡើយ ហើយ​បានសម្រេច​តម្កល់​សាលក្រម​សាលាដំបូង​ភ្នំពេញ ក៏ប៉ុន្តែ បាន​កែ​កម្រិត​ផ្តន្ទាទោស ឌួង ឆាយ មក​អនុវត្ត​ទោស​ដាក់ពន្ធនាគារ​ត្រឹមតែ ៦​ខែ ប៉ុណ្ណោះ ឯ​ទោស​នៅសល់​ត្រូវ​ព្បួ​រទាំង​អស់​។​

14-11-2013

​រីឯ​ឈ្មោះ ឌួង ឆាយ និង​ប្អូនប្រុស ឌួង គឹម​ឡុង និង​អង្គរក្ស​បាន​ប្រើ​ហិង្សា​ទៅលើ​ភ្ញៀវ​ក្នុង​ហាង​បបរស ហ្គេ​ឡាង​ឡា​រ៉ង់ នៅ​ផ្លូវ ត្រសក់ផ្អែម សង្កាត់ បឹង​កេងកង ទី​១ ខណ្ឌ ចំការមន ឲ្យ​របួស រួច​រត់គេចខ្លួន​ប៉ុន្តែ​ទៀបភ្លឺ​ថ្ងៃ ទី​១៤ មេសា គឹម​ឡុង ជា​ប្អូន​ត្រូវ​ចាប់ខ្លួនបាន ឯ ឌួង ឆាយ ត្រូវ​ឪពុក​នាំមក​ឲ្យ​ប៉ូលិស​នៅ​ថ្ងៃ ទី​១៨ ខែ មេសា​៕

 

Leave a Reply

(*) Required, Your email will not be published