ស្រុក​កោះធំ កើតមាន​បទល្មើស​នេសាទ​ពេញបន្ទុក តែម​ន្ដ្រី​ជំនាញ​បែរ​យកដៃ​បាំង​មេឃ​

, , Leave a comment

​ខេត្ដ​កណ្ដាល ៖ នៅពេលដែល​មន្ដ្រី​ជំនាញ​រដ្ឋបាល​ជលផល​ចុះទៅពិនិត្យ​ពួក​ឈ្មួញ​បាន​បញ្ជា​ឲ្យ​កម្មករ​ទម្លាក់​ឧបករណ៍​ដែលជា​បទល្មើស​ចូលក្នុង​ទឹក ។ ទង្វើ​បែបនេះ​ដោយសារតែ​មន្ដ្រីជលផល​ខេត្ដ​កណ្ដាល​ត្រូវរ៉ូវ ជាមួយ​ពួក​ឈ្មួញ​ដែល​ប្រ​ព្រឹ​ត្ដ​ល្មើស ។​ ​កាលពី​ថ្ងៃអាទិត្យ​កន្លងទៅ​រដ្ឋបាល​ជលផល​ខេត្ដ​តាកែវ​បាន​ដឹកនាំ​កម្លាំង​ចុះ​ពិនិត្យមើល​បទល្មើស​នេសាទ​នៅក្នុង​អតីត​ឡូត៍​លេខ​១៧-១៨ ក្នុងភូមិ​សាស្ដ្រ​ស្រុក​អង្គរបុរី និង​ស្រុក​ព្រៃកប្បាស ប៉ុន្ដែ​សមត្ថកិច្ច​រក​មិនឃើញ​បទល្មើស​នោះទេ ។ រួម​ជាមួយនឹង​អ្នកកាសែត​ក៏ដូចជា​អាជ្ញាធរ​មូលដ្ឋាន​ដែល​ចុះ​ប្រតិ​ប​ត្ដិ​ការ​បទល្មើស​នេសាទ​នៅក្នុង​ភូ​មិ​សា​ស្ដ្រ​​ព្រំដែន​ខេត្ដ​តាកែវ និង​ខេត្ដ​កណ្ដាល​អាច​នឹង​កើតមាន ។ បើ​នៅក្នុង​ភូមិសាស្ដ្រ​ស្រុក​កោះធំ ខេត្ដ​កណ្ដាល មាន​បទល្មើស​នេសាទ​កើតឡើង។

14-11-2013 (1)

​លោក កែន ស៊ីថាន នាយ​ខណ្ឌ​រដ្ឋបាល​ជល​ផល​តាកែវ​ដែល​បាន​ដឹកនាំ​កម្លាំង​រួមជាមួយ​អ្នកកាសែត​ចុះ​ពិនិត្យមើល​សកម្មភាព​បទល្មើស​នៅ​អតីត​ឡូត៍​លេខ ១៧-១៨ ព្រំប្រទល់​ស្រុក​អង្គរបុរី និង​ស្រុក​កោះធំ ខេត្ដ​កណ្ដាល​មិនឃើញ​មាន​បទល្មើស​កើតឡើង​នោះឡើយ ។ ប៉ុន្ដែ​នៅក្នុង​ស្រុក​កោះធំ​ដែលជា​ចំណែក​អតីត​ឡូត៍​លេខ​១៧-១៨ ពិតជា​កើតមាន​បទល្មើស​មែន ។ តំបន់​ដែលមាន​បទល្មើស​ស្ថិតនៅក្រោម​ដែន​សមត្ថកិច្ច​របស់លោក ម៉ែន វិបុល ប្រធាន​ក្រុម​បង្ក្រាប​បទល្មើស​ជលផល​ប្រចាំ​ខេត្ដ​កណ្ដាល និង​តាកែវ ។

 

​កាលពី​សបា្ដហ៍​មុន​ឈ្មួញ​មាន​លុយ​ឈ្មោះ សុខ ភាព និង​ធឿន បាន​ដឹកនាំ​ជនជាតិ​វៀតណាម​ចូលមក​នេសាទ​ស្បៃ មុង​រាប់រយ​នៅត្រង់ចំណុច​ខាងជើង​ទំនប់​៧​មករា តាម​បណ្ដោយ​ប្រឡាយ​លេខ​០៣ និង​០៤ ។ សៃយ៉ឺន ស្បៃ​មុង​ប្រវែង​ប្រមាណ​ជាង ៣​ពាន់​ម៉ែត្រ និង​ដាយ​ឡុ​កជាង ១០ កន្លែង ត្រូវ​បានដាក់​។ ពួក​មន្ដ្រីជលផល​ចតុមុខ ដែល​មិនបាន​ប្រយោជន៍​ពីបទ​ល្មើស​នេះ​ឲ្យ​ដឹងថា ពួក​ឈ្មួញ​បាន​ចំណាយ​ប្រាក់​ជូន​លោក​ម៉ែន វិបុល ប្រមាណ​៤​ពាន់​ដុល្លារ ដើម្បី​នេសាទ​ល្មើសច្បាប់​តែ​ក្នុង​រយៈពេល​ប៉ុន្មាន​ថ្ងៃ​កន្លង​ទៅនោះ ។

 

​ករណី​បើក​ឲ្យ​មាន​ការដាក់​សៃយ៉ឺន ស្បៃ​មុង​ធំៗ នេះ​អាច​ដំណើរការ​ដោយ​រលូន​ក៏​ព្រោះតែ​លោក សុខ ភាព និង​លោក ធឿន បាន​ឃុបឃិត​ជាមួយ​លោក ម៉ែន វិបុល ដោយមាន​ការបង់​លុយ​រាប់ម៉ឺន​ដុល្លារ​ក្នុង​មួយ​រដូវ​ទើប​អាចធ្វើ​សកម្មភាព​ដាក់​សៃយ៉ឺន​យក្ស​បាន​យ៉ាង​ងាយស្រួល ។ បើ​មិន​មានការ​បង់លុយ​ឲ្យ​លោក ម៉ែន វិបុល គឺ​សៃយ៉ឺន​ស្បៃ​មុង​ធំៗ ទាំងនេះ​គ្មាន​វាសនា​នៅ​ចាប់​ត្រី​បានទេ ហើយ​ក្នុង​មួយថ្ងៃៗ​ការប្រមូល​ត្រី​ទាំង​តូច​ទាំង​ធំ​ពី​សៃយ៉ឺន​ស្បៃ​មុង​យក្ស​នេះ​ចាប់ពី​១០ តោន​ទៅ​២០​តោន​ក្នុង​មួយថ្ងៃ ។​

 14-11-2013 (2)

​តាម​ការបញ្ជាក់​ពី​ប្រជាពលរដ្ឋ​បាន​ឲ្យ​ដឹងថា ចំណុច​ឡូត៍​លេខ ១៧ -១៨ នេះ​ចាប់តាំងពី​រាជរដ្ឋាភិបាល​ប្រកាស​រំសាយ​ចោល​រួចមក​មក​ប្រជាពលរដ្ឋ មិនដែល​បាន​ចូល​នេសាទ​ត្រី​នោះទេ បើ​ចង់​រកស៊ី​នេសាទ​ត្រី ត្រង់​ប្រឡាយ ០៣-០៤ នេះ​ត្រូវ​ចូលខ្លួន​ទៅ​បង់លុយ​ឲ្យ​មន្ដ្រី​ជំនាញ​ជលផល​ទើប​អាច​ចូល រកស៊ី​នេសាទ​បាន​ដោយ​កំណត់​ក្នុង​មួយ ទូក​ចំនួន​៣០​ម៉ឺន​ទៅ​៤០​ម៉ឺន​រៀល បើ មិន​បង់​ទេ​គឺ​កម្លាំង​របស់​ជលផល​ចាប់​ឃាត់​យក​ផាកពិន័យ​លុយ​យ៉ាងច្រើន​ទៀតផង​៕

 

Leave a Reply

(*) Required, Your email will not be published