លទ្ធផល​នៃ​ការ​កិបកេង​ប្រាក់​សាងសង់​ស្ពាន​របស់​អាជ្ញាធរ បូករួម​អ្នកម៉ៅការ​សាងសង់​ខ្វះ​ប​ចេ្ច​ក​ទេស ធ្វើ​ស្ពានបេតុង​ភូមិ​កូនដំរី​បាក់ស្រុត បាន​ត្រឹម​ឆ្លើយ​ដាក់គ្នា​

, , Leave a comment

​ខេត្តបន្ទាយមានជ័យ ៖ ស្ពានបេតុង​មួយកន្លែង​ស្ថិត​ក្នុងភូមិ​កូនដំរី សង្កាត់​និមិត ក្រុង​ប៉ោយប៉ែត ខេត្ត​បន្ទា​យា​មានជ័យ ដែល​ចាប់ផ្តើម​កសាង​សង់​កាល​ពីថ្ងៃ​ទី ២៤ ខែ ឧសភា ឆ្នាំ​២០១៣ក្រោម​អធិបតីភាព​លោកឧបនាយករដ្ឋមន្ត្រី យឹម ឆៃលី បាន​បាក់ស្រុត​កាល​ថ្ងៃទី ០១​ខែកញ្ញា ឆ្នាំ​២០១៣ ខណៈពេល​សង់​បាន​ជិត ៣០​ភាគរយ​តែប៉ុណ្ណោះ​ស្របពេល​ទឹកជំនន់​បុក​មកពី​ប្រទេស​ថៃ​នោះ​។​

13-11-2013  

​មូលហេតុ​ដែល​នាំ​ឲ្យ​ស្ពាន​ខាងលើនេះ​បាក់ស្រុត​ត្រង់​ពាក់កណ្តាល​នោះ​គឺ​ដោយសារតែ​អ្នកម៉ៅការ​សាងសង់​ខ្វះ​ប​ចេ្ច​ក​ទេស ក្នុងការ​ស្ថាបនា​ទើប​បណ្តាល​ឲ្យ​បាក់ស្រុត​បែបនេះ ។ នេះ​បើតាម​ការណ៍​ឲ្យ​ដឹង​ពី​លោក ប៉ាល់ សេដ្ឋា ចៅសង្កាត់​និមិត្ត ។ ស្ពាន​នេះ​កសាង​ក្នុង​គោលបំណង​ត​ភ្ជាប់​ប្រជាពលរដ្ឋ​ពី​ភូមិ​កូនដំរី ទៅ​ស្រុក​ម៉ាឡៃ​មាន​ប្រវែង ៤៥ ម៉ែត្រ និង​ទទឹង​៨​ម៉ែត្រ​ជា​ប្រភេទ​ស្ពានបេតុង សាងសង់​ដោយ​មន្ទីរ​សាធារណៈការ និង​ដឹកជញ្ជូន​ខេត្តបន្ទាយមានជ័យ ។​

ចំណែក​លោក ង៉ោ​ម៉េង​ជ្រូ​ន អភិបាលក្រុង​ប៉ោយប៉ែត បាន​ឲ្យ​ដឹង​នៅ​ថ្ងៃ​១២​វិច្ឆិកា​ឆ្នាំ​២០១៣​ថា ស្ពានបេតុង​ប្រវែង ៤៥ ម៉ែត្រ​និង​ទទឹង​៨​ម៉ែត្រ​នៅ​ចំណុច​ភូមិ​កូនដំរី​នោះ ឥឡូវនេះ​បាន​ស្រុត​បាក់​ពាក់កណ្តាល​ហើយ ស្ពាន​នេះ​ម៉ៅការ​សាងសង់​ដោយ​ប្រធាន​មន្ទីរ​សាធារណៈការ​ខេត្តបន្ទាយមានជ័យ ពេល​បាក់​ដូច្នេះ​គឺ​ត្រូវតែ​ធើ្វ​ថ្មី​ឡើងវិញ ដើម្បី​ឲ្យ​ប្រជាពលរដ្ឋ​បាន​ធើ្វ​ដំណើរ​ឆ្លងកាត់ ប៉ុន្តែ​ពេលនេះ គឺ​មិនអាច​ធើ្វ​ដំណើរ​ឆ្លងកាត់​បាន​នៅឡើយ​ទេ ព្រោះ​វា​បាន​បាក់​អស់​ទៅហើយ ។​

13-11-2013 (1)

​ដោយឡែក លោក គឹម សុវណ្ណ ប្រធាន​មន្ទីរ​សាធារណការ និង​ដឹកជញ្ជូន​ខេត្តបន្ទាយមានជ័យ​ដែល​ទទួល​ការសាងសង់​ស្ពាន​បាន​ឲ្យ​ដឹងថា មូលហេតុ​ដែល​នាំ​ឲ្យ​ស្ពាន​នេះ​បាក់ស្រុត​នោះ គឺ​ដោយសារតែ​ស្ថានភាព​ទឹក បុក​មកពី​ប្រទេស​ថៃ​ខ្លាំងពេក ទើប​បណ្តាល​ឲ្យ​គ្រឹះ​ស្ពាន​បាក់​ស្រុតចុះ​ដូច្នេះ​។ លោក​បន្ថែមទៀតថា នៅ​ខែ​ខាងមុខនេះ​លោក​នឹង​បន្ត​ការស្ថាបនា​ឡើងវិញ ដោយ​ខួង​ផ្នែក​ណាមួយ​នៃ​ស្ពាន​នោះ ដើម្បី​ចាក់​បេតុង ត​ភ្ជាប់​ត្រង់ចំណុច​ដែល​បាន​បាក់ ។ លោក​ប្រធាន​មន្ទីរ​និយាយ​ហាក់ដូចជា​អស់សង្ឃឹម​ក្នុង​ចិត្ត​ដោយ​ប្រាប់ថា លោក​មិន​ចង់​ឲ្យ​សាច់រឿង​នេះ​ឭ​ទៅដល់​ថ្នាក់លើ​ឡើយ​ព្រោះ​វា​ជា​រឿង​គ្រោះធម្មជាតិ​ទឹកជំនន់​បុក​បាក់ ។​

13-11-2013 (2)

​ទោះជា​យ៉ាងណា​ប្រជាពលរដ្ឋ​នៅ សង្កាត់​និមិត្ត និង​ស្រុក​ម៉ាឡៃ បាន​សម្តែង​នូវ​ការពិបាក​ក្នុងការ​ធើ្វ​ដំណើរ ព្រោះ​ពេលនេះ​ស្ពាន​កសាង​មិនទាន់រួច​ផង​ក៏​ត្រូវបាន​បាក់ស្រុត​ធ្វើ​ឲ្យ​ពួកគាត់​ពិបាក​ដឹកជញ្ជូន​កសិផល​យកទៅ​លក់​នៅលើ​ទីផ្សារ​៕

 

Leave a Reply

(*) Required, Your email will not be published