មុខងារ​កាឡូរី​ក្នុង​រាងកាយ​

, , Leave a comment

​នៅពេលដែល​គេ​បាន​ស្តាប់ឮ​នូវ​បរិមាណ​កាឡូរី​សុទ្ធតែ​ផ្តោតទៅលើ​កម្រិត​កាឡូរី​កាន់តែ​ទាប​កាន់តែ​ល្អ ពីព្រោះ​មាន​មនុស្ស​ភាគច្រើន​សុទ្ធតែ​ចង់ឱ្យ​រា​ង​កាយ​មាន​រាង​ស្រ​ឡូ​ន ។ ប៉ុន្តែ​មនុស្ស​ខុសគ្នា​ហើយ​តម្រូវការ​នៃ​បរិមាណ​កាឡូរី​ក៏​មិន​ដូចគ្នា​ដែរ ។ ដូច្នេះ​ពុំ​ប្រាកដថា​កាឡូរី​កាន់​តែមាន​កម្រិត​ទាប​កា​ន់​តែ​​ល្អ​នោះឡើយ ។​

Galory (1) 

​តើ​កាឡូរី​ជា​សារធាតុ​អ្វី ? តើ​យើង​គួរ​គប្បី​ស្រូបយក​នូវ​បរិមាណ​កាឡូរី​ប៉ុន្មាន​ទើប​អាចឈាន​ទៅដល់​កម្រិត​ដែល​មនុស្ស​ម្នាក់ៗ​ត្រូវការ ?

 

កាឡូរី​បង្កើត​សីតុណ្ហភាព​ទឹក​១​អង្សា​
​ចំពោះ​បរិមាណ​កម្តៅ​១​កាឡូរី គឺអាច​បង្កើន​សីតុណ្ហភាព​ទឹក​មួយ​ក្រាម​កើនឡើង​ដល់​១​អង្សា ។ ប៉ុន្តែ​បរិមាណ​កម្តៅ​នៅក្នុង​១​កាឡូរី​ក្នុង​អាហារ​ដែល​ផ្ត​ល់​​ដល់​រាងកាយ​នោះ​ជា​បរិមាណ​តិចតួច​បំផុត ។ ដូច្នេះ​បច្ចុប្បន្ននេះ​ផ្នែក​ជីវជាតិ​វិទ្យា​ជាទូទៅ​ច្រើន​ប្រើ​ជា​ឯក​តា Kcal (1.000 Cal) ។​

 

​វត្ថុ​ធាតុ​៣​ប្រភេទ​កំណត់​តម្រូវការ​នៃ​បរិមាណ​កម្តៅ​
​មនុស្ស​ម្នាក់ៗ​ជា​រៀងរាល់ថ្ងៃ​ត្រូវការ​បរិមាណ​កម្តៅ​គឺ​ផ្តើមចេញពី​វត្ថុ​ធាតុ​៣​ប្រភេទ​នៅក្នុង​រាងកាយ ។ ទី​១ (Metabolism) ការដុត​រំលាយ​អាហារ​នៅក្នុង​រាងកាយ ។ ទី​២​ថាមពល​កីឡា និង​ទី​៣ ប្រតិកម្ម​នៃ​ថាមពល​ដែល​កើតចេញពី​ការរំលាយ​អាហារ (Thermal effect of food) ។​

 

​ចំពោះ​ការដុត​រំលាយ​អាហារ​នៅក្នុង​រាងកាយ​គឺ​សំដៅ​ទៅលើ​តម្រូវការ​នូវ​បរិមាណ​នៃ​ថាមពល​ចង្វាក់បេះដូង​លោត ការដកដង្ហើម និង​ចលនា​នៃ​សរីរាង្គ ផ្សេងៗ​ទៀត ។ ដូច្នេះ​ក្នុង​មួយថ្ងៃ​យើង​ត្រូវការ​នូវ​បរិមាណ​កម្តៅ​ប្រហែលជា​ពី ៦០ ទៅ ៧០ ភាគរយ ។ ចំពោះ​ថាមពល​កីឡា​មាន​កម្រិត​កាន់តែ​ខ្ពស់​គឺ​ការដុត​បរិមាណ​កម្តៅ​ក៏​កាន់តែច្រើន​ដែរ ។ ដូច្នេះ​តម្រូវការ​នៃ​បរិមាណ​កម្តៅ​ក៏មាន​កម្រិត​ខ្ពស់ជាង​អ្នកដទៃ​ដែរ ។ ម្យ៉ាងទៀត​ចំពោះ​អ្នក​ដែលមាន​ថា​ម​ពល​កីឡា​កម្រិត​ខ្ពស់​ដោយសារតែ​ថាមពល​សាច់ដុំ​កើនឡើង អាចជួយ​លើកតម្កើង​នូវ​អត្រា​នៃ​ការដុត​រំលាយ​អាហារ​នៅក្នុង​រាងកាយ ។ រីឯ​ក្រោយពី​កា​រលេង​កីឡា​ចប់​ក្នុង​រយៈពេល ២ ម៉ោង​រួច មក គឺ​រាងកាយ​នៅតែ​ដុត​បរិមាណ​កម្តៅ​ដដែល ។​

 

​រីឯ​ប្រតិកម្ម​នៃ​ថាមពល​ដែល​កើតចេញពី​ការរំលាយ​អាហារ​គឺ​សំដៅ​ទៅលើ​ការប្រើប្រាស់​នូវ​បរិមាណ​កម្តៅ​ក្នុងពេល​បរិភោគ​និង​ការរំលាយ​អាហារ ។ ដូ​ច្នេះ​​អាហារ​ដែល​ផ្តល់នូវ​បរិមាណ​កម្តៅ​ប្រហែលជា ១០​ភាគរយ​ប៉ុន្តែ​ក៏មាន​អាហារ​ខ្លះ​ដែល​បានផ្តល់​នូវ​កាឡូរី​ក្នុង​បរិមាណ​តិចតួច​ប៉ុណ្ណោះ ។ ចំពោះ​កា​ររំលាយ​អាហារ​នៅក្នុង​រាងកាយ​ក្នុង​មួយពេល គឺ​ត្រូវការ​ប្រហែលជា ១០០ កាឡូរី ។ ដូច្នេះ​ប្រសិនបើជា​អាហារ​មួយពេល​នេះ​ផ្តល់នូវ​បរិមាណ​កម្តៅ​ទា​ប ជាង​១០០ កាឡូរី នោះ​ពិត​ជាមាន​កង្វះខាត​កាឡូរី តែ​វា​ផ្តល់​ផលប្រយោជន៍​សម្រាប់​អ្នក​ដែលមាន​បំណង​បញ្ចុះទម្ងន់ ។​

 

បរិមាណ​កម្តៅ​ច្រើន​ជ្រុល​ចៀស​មិន​ផុតពី​ធាត់​
​តាម​ធម្មតា​ចំពោះ​បុរស​ក្នុង​មួយថ្ងៃ​ត្រូវការ​កាឡូរី​ប្រហែលជា ២.០០០ ទៅ ២.៥០០ កាឡូរី ។ រីឯ​ស្ត្រីភេទ​ត្រូវការ​នូវ​កាឡូរី​ពី ១.៥០០ ទៅ ១.៨០០ ហើ​យ​​អស់ទាំងនោះ​ក៏​អាស្រ័យ​ទៅតាម​ថាមពល​កីឡា និង​អត្រា​នៃ​ការដុត​រំលាយ​អាហារ​នៅក្នុង​រាងកាយ​ជាក់ស្តែង​របស់​មនុស្សម្នា​ក់ៗ ដែល​មិន​ដូចគ្នា ។ ប៉ុន្តែ​អ្វីដែល​យើង​ត្រូវ​យកចិត្តទុកដាក់​នោះ​ប្រសិនបើ​ទទួលយក​ច្រើនជាង​ការ​បញ្ចោ​ញ​ដូច្នេះ​បរិមាណ កម្តៅ​ដែល​បញ្ចោ​ញ​មិន​អស់​នៅ​សេសសល់​ក្នុង​រាងកាយ​ហើយ​ពេល​កកស្ទះ​ច្រើន​ទៅ​ក៏បាន​ក្លាយទៅជា​ជាតិ​ខ្លាញ់ ។ ម្យ៉ាងទៀត​ប្រសិនបើ​រាងកាយ​ស្រូបយក​លើសពី ៣.៥០០ កាឡូរី គឺអាច​សំចៃ​ទុក​នូវ​ជាតិ​ខ្លាញ់ ១ ផោន (០,៤៥៤ គីឡូក្រាម​) ។​

 

​ចំពោះ​ការ​ស្រូបយក​កាឡូរី​ដ៏​ច្រើន គឺអាច​ផ្តើមចេញពី​ការ​បូ​អ៊ី​ដ្រា​ត​ប្រូតេអ៊ីន និង​ជាតិ​ខ្លាញ់ ។ នៅក្នុង​ប្រូតេអ៊ីន​និង​ការ​បូ​អ៊ី​ដ្រា​ត ១ ក្រាម គឺអាច​ផ្តល់ ៤ កាឡូរី ។ ចំពោះ​ជាតិ​ខ្លាញ់​ក្នុង ១ ក្រាម អាច​ផ្តល់ ៩ កាឡូរី ។​

Galory (2)

​ទោះ​ជាមាន​ប្រភព​ចេញពី​ប្រភេទ​ណាក៏ដោយ​កាលបើ​ស្រូបយក​ច្រើន​ពិតជា​ឡើង​ទម្ងន់ ។ ចំពោះ​ផ្នែក​ជីវភាព​គឺ​ការ​បូ​អ៊ី​ដ្រា​ត និង ប្រូតេអ៊ីន​ជា​ប្រភព​នៃ​បរិមាណ​កម្តៅ​សម្រាប់​សុខភាព ។ រីឯ​ជាតិ​ខ្លាញ់​ច្រើន​បំផុត​ត្រឹមតែ ៣០ ភាគរយ​នៃ​បរិមាណ​កម្តៅ​ជាការ​គ្រប់គ្រាន់ ។ ចំពោះ​បរិមាណ​ជាតិ​ខ្លាញ់​ច្រើន​ក្នុងពេល​យូរអង្វែង​គឺអាច​ជះឥទ្ធិពល​អាក្រក់​ដល់​ជាតិ​អ័រម៉ូន​នៅក្នុង​រាងកាយ​និង​បណ្តាល ឱ្យមាន​ជំងឺ​ឈឺ​ថ្កាត់​ជាច្រើន​ប្រភេទ​ទៀតផង ៕

 

Leave a Reply

(*) Required, Your email will not be published