អតីត​នាយករដ្ឋមន្ត្រី​ថៃ​លើកទឹកចិត្ត​ដល់​លោកស្រី យី​ង​ឡាក់ ទោះបីជា​បាតុកម្ម​ប្រឆាំងនឹង​រាជរដ្ឋាភិបាល​កំពុង​រីក​រាលដាល​យ៉ាងណាក៏ដោយ​

, , Leave a comment

​ប្រទេស​ថៃ ៖ អតីត​នាយករដ្ឋមន្ត្រី​ថៃ​លោក​ថាក់ស៊ីន ស៊ីន​ណា​វ៉ា​ត់​ត្រា បានបង្ហាញ​ពី​ការជំរុញ​ទឹកចិត្ត​ដល់​ពួក​គណបក្សកាន់អំណាច ភឿ​ថៃ ដែល​ស្ថិ​ត​ក្រោ​ម​ការដឹកនាំ​រប​ស់លោក​ស្រី​នាយករដ្ឋមន្ត្រី​ថៃ យី​ង​ឡាក់ ស៊ីន​ណា​វ៉ា​ត់​ត្រា​នោះ បើទោះបីជា​ពួក​គណបក្ស​ប្រជាធិបតេយ្យ​នៅតែ​ពង្រឹង​ការដឹកនាំ​មហា​បាតុកម្ម ទូទាំងប្រទេស ប្រឆាំងនឹង​រាជរដ្ឋាភិបាល​យ៉ាងណាក៏ដោយ​។ នេះ​យោងតាម​ការចុះផ្សាយ​រប​ស់​សារព័ត៌មាន bangkokpost.com ដែល​ដកស្រង់​សម្តី​របស់​ប្រភពពី​គណបក្ស​ភឿ​ថៃ​។

thai (1)   

​យោងតាម​ប្រភព​ដដែល លោក​ថាក់ស៊ីន កាលពី​ម្សិលមិញ បាន​ណែនាំ​ឲ្យ​គណបក្ស​ភឿ​ថៃ​ប្រឹងប្រែង​ក្តោប​ក្តាប់​អំណាច​ឲ្យ​ជាប់ ហើយ​ត្រូវ​សង្ឃឹមថា ម​ហា​​បាតុកម្ម​នៅ​ទូទាំងប្រទេស​ដែល​ដឹកនាំ​ពួក​គណបក្សប្រឆាំង ដែល​ប្រឆាំង​ទៅនឹង​សេចក្តីព្រៀងច្បាប់​លើកលែងទោស​ទូទៅ​នោះ នឹង​រលាយ​សា​ប​សូ​ន្យ​ក្នុងពេល​ឆាប់ៗ​ខាងមុខ​។​

thai (2)

​ប្រភព​បាន​បន្ថែមទៀត​ថា លោក​ថាក់ស៊ីន ដែល​គេ​ជឿថា​ជា​អ្នក​នៅ​ពីក្រោយ​គណបក្សកាន់អំណាច​រូបនេះ​បានបង្ហាញ​ពី ការមិនគាំទ្រ​ដល់​គំនិត​ដែល​ចង់​ឲ្យ​លោកស្រី យី​ង​ឡាក់ រំលាយ​សភា និង​គំនិត​ដែលមាន​បំណង​ឲ្យ​លោកស្រី យី​ង​ឡាក់ លាឈប់​ពី​តំណែង​ជា​នាយករដ្ឋមន្ត្រី​ជាដាច់ខាត​។ លោក​បា​ន​បញ្ជាក់ថា បាតុកម្ម​នឹងត្រូវ​បញ្ចប់​ក្នុងពេល​ឆាប់ៗ​ក្រោយ​ពេលដែល​លែងមាន​មូលនិធិ និង​បន្ទាប់ពី​ព្រឹទ្ធសភា​ថៃ​ច្រានចោល​សេចក្តីព្រៀងច្បាប់​លើ​ក​លែងទោស​ទូទៅ កាលពី​ល្ងាចម្សិលមិញ​។ លោក​ថាក់ស៊ីន​បាន​ជំរុញ​ទឹកចិត្ត​ឲ្យ​ពួក​សមាជិកសភា​ខាង​គណបក្ស​ភឿ​ថៃ​ជួយ ដល់​រាជរដ្ឋាភិបាល ក្នុងការ​រក្សា​អំណាច​។​

thai (5)

​ផ្អែក​តាម​ប្រភព​ដដែល ថ្មីៗ​កន្លងទៅ ពួក​អ្នកនយោបាយ​ខាង​គណបក្សកាន់អំណាច​បានលើកឡើង​នូវ​ដំណោះស្រាយ​មួយចំនួន​ដែល ពួកគេ​គិតថា អាចទៅរួច​ក្នុងការ​បញ្ឈប់​មហា​បាតុកម្ម ក្នុងនោះ​រួមមាន​ទាំង​ការរំលាយ​សភា និង​ការចុះ​ចេញពី​តំណែង​របស់​នាយករដ្ឋមន្ត្រី​ផងដែរ​។ យ៉ា​ង​ណា​ក៏​ដោ​យ លោក​ថាក់ស៊ីន​បាន​ប្រឆាំង​ដាច់ខាត​នឹង​សំណើរ​ទាំងពីរ​នេះ​។​

thai (4)

​ក្នុង​បំណង​ដាក់​សំពាធ​បន្ថែមទៀត​ដល់​រាជរដ្ឋាភិបាល​នោះ ពួក​សមាជិកសភា​ខាង​គណបក្ស​ប្រជាធិបតេយ្យ​ដែលជា​បក្សប្រឆាំង​ដ៏​ធំ ក្នុងប្រទេស​ថៃ ចំ​នួ​ន​ ៩ ​រូប​បានប្រកាស​លាឈប់​ពី​តំណែង​ជា​សមាជិក​រដ្ឋសភា នៅ​ចំពោះមុខ​ពួក​បាតុករ​ប្រមាណ​ជាង​២​ម៉ឺន​នាក់ នៅឯ​វិមាន​ប្រជាធិបតេយ្យ កាលពី​ម្សិ​ល​មិញ​ហើយ​សមាជិក​ទាំង​៩​នាក់​នោះ​រួមមាន​ទាំង​លោក ស៊ូ​ថេប ធឿ​ក​ស៊ូ​បាន ដែលជា​ជំនិត​របស់លោក​អាប់​ភី​ស៊ីត វ៉េ​ចា​ជីវ៉ា មេដឹកនាំ​គណបក្ស​ប្រ​ជា​ធិបតេយ្យ​ទៀតផង​។​

 

​ប្រភពពី​គណបក្ស​ប្រជាធិបតេយ្យ​បាន​ឲ្យ​ដឹងថា លោក​ស៊ូ​ថេប​លាប់​ឈប់​ពី​តំណែង​ជា​សមាជិក​រដ្ឋសភា ដើម្បី​ងាយស្រួល​ដល់​រូបលោក​ក្នុងការ​ដឹកនាំ​មហា​បាតុកម្ម ដោយ​គ្មាន​ការ​ខ្វល់ខ្វាយ​អ្វី​ទាំងអស់​។​

 

​យ៉ាងណាក៏ដោយ ប្រភព​ដដែល​បាន​បន្តទៀតថា នឹងមាន​សមាជិក​រដ្ឋ​សភា​នៃ​គណបក្ស​ប្រជាធិបតេយ្យ​ជាច្រើន​នាក់​ទៀត​លាឈប់​ពី តំណែង ប្រ​សិ​ន​បើ​រាជរដ្ឋាភិបាល​ថៃ នៅតែ​រឹង​ចចេស ខណៈដែល​មានការ​ព្រួយបារម្ភ​អំពី​ការបោះឆ្នោត​ដែល​ខិតចូល​មកដល់​នាពេលខាងមុខ គឺ​នៅសល់តែ​៤៥​ថ្ងៃ​ទៀ​ត​​ប៉ុណ្ណោះ​។​

thai (3)

​គួរ​បញ្ជាក់ថា ដំបូង​ឡើយ ពួក​បាតុករ​គ្រាន់តែ​ចង់​ឲ្យ​រំលាយ​សេចក្តីព្រៀងច្បាប់​លើកលែងទោស​ទូទៅ ប៉ុណ្ណោះ ខណៈដែល​ពួកគេ​គិតថា ផែនការ​លើ​ក​ឡើង​ដោយ​ពួក​គណបក្សកាន់អំណាច​មួយ​នេះ​នឹង​ជួយ​ឲ្យ​លោក ថាក់ស៊ីន រួច​ទោស​ហើយ​អាច​វិញ​ត្រលប់​ចូល​ប្រទេស ពោលគឺ​ក្រោយ​ពេលដែល​ទណ្ឌិត​ដែល​កំពុង​និរទេស​ខ្លួន​នៅក្រៅ​ប្រទេស​រូបនេះ ត្រូវបាន​តុលាការ​កាត់ទោស​កំបាំង​មុខ​ឲ្យ​ជាប់គុក​២​ឆ្នាំ​ពីបទ ប្រើប្រាស់​អំណាច​បំពាន​ច្បាប់​។ យ៉ាងណាក៏ដោយ បាតុកម្ម​ដែល​ដឹកនាំ​ដោយ​ពួក​គណបក្សប្រឆាំង​នាពេលនេះ គឺ​ថែមទាំង​ចង់​ឲ្យ​លោកស្រី​នាយករដ្ឋមន្ត្រី​ថៃ យី​ង​ឡាក់ ស៊ីន​ណា​វ៉ា់​ត់​ត្រា លាឈប់​ពី​តំណែង​ទៀតផង​៕

 

Leave a Reply

(*) Required, Your email will not be published