រថយន្ត​កុងតឺន័រ​របស់​ក្រុមហ៊ុន​អេ​ស៊ាន​ដេវីដ​បើក​បុក អ្នកជិះ​ម៉ូតូ​របួសធ្ងន់​

, , Leave a comment

​រាជធានី​ភ្នំពេញ ៖ ហេតុការណ៍​គ្រោះថ្នាក់​ចរាចរណ៍​មួយ​នៅលើ​កំណាត់​ផ្លូវជាតិ​លេខ ៤ បានធ្វើ​ឲ្យ​យុវជន​ម្នាក់​បាន​រងរបួស​ធ្ងន់​ត្រូវគេ​បញ្ជូនទៅ​មន្ទីរពេទ្យ​ដើម្បី សង្គ្រោះបន្ទាន់ ខណៈ​ត្រូវ​រថយន្ត​កុងតឺន័រ​របស់​ក្រុមហ៊ុន​អេ​ស៊ាន​ដេវីដ​បើក​បុក និង​កិន ពេល​កំពុងធ្វើដំណើរ​ស្រប​ទិស​គ្នា ។ ហេតុការណ៍​គ្រោះថ្នាក់​ចរាច​ណ៍​មួយ​នេះ​កើតឡើង​កាលពី​វេលា​ម៉ោង​៧​ព្រឹក ថ្ងៃទី​១២ វិច្ឆិកា ២០១៣ នៅលើ​កំណាត់​ផ្លូវជាតិ​លេខ​៤​ត្រង់ចំណុច​ជិត​ផ្លូវ​រថភ្លើង​ឆ្លងកាត់ ស្ថិតក្នុង​ភូមិ​អូរ​ដឹ​ម សង្កាត់​ចោមចៅ ខណ្ឌ​ពោធិ៍​សែន​ជ័យ ។​

 

​ជនរងគ្រោះ​ត្រូវគេ​ស្គាល់ឈ្មោះ​អុំ នី ភេទ​ប្រុស អាយុ​២១​ឆ្នាំ ជាជាង​ក្រឡឹង មាន​ទីលំនៅ​ភូមិ​ព្រៃ​ព្រីង សង្កាត់​ចោមចៅ ខណ្ឌ​ពោធិ៍​សែន​ជ័យ ។​

 

​ប្រភពពី​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ​ជនរងគ្រោះ​បាន​ជិះ​ម៉ូតូ​ម៉ាក​ហុងដា​គុប​ជ្រុង​សេ ៧០ ពណ៌​ទឹកប៊ិច ពាក់​ស្លាក​លេខ​ភ្នំពេញ​1BD-7233 តាម​បណ្តោយ​ផ្លូវជាតិ​លេខ​៤ លុះ​មកដល់​កន្លែងកើតហេតុ​ក៏ត្រូវ​រថយន្ត​កុងតឺន័រ​របស់​ក្រុមហ៊ុន​អេ​ស៊ាន​ដេវីដ ម៉ាក​ហ៊ី​ណូ ពណ៌​ខៀវ ពាក់​ស្លាក​លេខ​3C-0350 បើកបរ​ដោយ​បុរស​ម្នាក់​ឈ្មោះ​ដា អាយុ​ប្រហែល ៣០ ឆ្នាំ ស្នាក់​នៅក្នុង​ក្រុមហ៊ុន​ខាងលើ​។​ ​ពេល​ឃើញ​ហេតុការណ៍​ដូចនេះ​ជនបង្ក​បាន​បើកទ្វារ​រថយន្ត រត់គេចខ្លួន​បាត់ស្រមោល បន្សល់ទុក​រថយន្ត​បង​នៅ​កន្លែងកើតហេតុ ។​

12-11-2013

​ក្រោយ​កើតហេតុ​ជនរងគ្រោះ​ត្រូវបាន​ដឹក​ទៅ សង្គ្រោះ​នៅ​មន្ទីរពេទ្យ ។ ចំណែក​រថយន្ត​បង្ក និង​ម៉ូតូ​ជនរងគ្រោះ ត្រូវ​ប៉ូលិស​នាំយកទៅ​រក្សាទុក​នៅ​អធិការដ្ឋាន​រង់ចាំ​ធ្វើការ​ដោះស្រាយ​៕

 

Leave a Reply

(*) Required, Your email will not be published