ចោរ​គ្មាន​ជំនាញ ត្រូវ​ប្រជាពលរដ្ឋ​ចោមរោម​វាយ​ឡើង​ទ្រោម ពេល​កំពុង​បំពេញភារកិច្ច​

, , Leave a comment

​រាជធានី​ភ្នំពេញ ៖ ចោរ​គ្មាន​ជំនាញ​ម្នាក់ ក្នុងចំណោម​បក្ខពួក ៣ នាក់​ទៀត ត្រូវបាន​ប្រជាពលរដ្ឋ​ចោមរោម​វាយ ទើប​ប្រគល់​ឲ្យ​សមត្ថកិច្ច ខណៈ​ពួកគេ​កំពុង​ធ្វើ​សកម្មភាព​លួច​កាច់​កញ្ចក់​រថយន្ត​របស់គេ ។ ហេតុការណ៍​នេះ​បានកើត​ឡើង កាលពី​វេលា​ម៉ោង ៧ និង ១៥ នាទី​យប់ ថ្ងៃទី​១០ ខែវិច្ឆិកា ឆ្នាំ​២០១៣ ស្ថិតនៅ​ផ្ទះ​លេខ​៤៦ ផ្លូវ​លេខ​១៩០ សង្កាត់​បឹង​ព្រលឹត ខណ្ឌ​៧​មករា ។​

 

​ជនសង្ស័យ​រូបនេះ​ត្រូវគេ​ស្គាល់ឈ្មោះ​តូច រតនា ភេទ​ប្រុស អាយុ​១៩​ឆ្នាំ ជា​កម្មករសំណង់ ស្នាក់នៅ​ផ្ទះជួល​ភូមិ​ចំការឪឡឹក សង្កាត់​ចោមចៅ ខណ្ឌ​ពោធិ៍​សែន​ជ័យ​។​

 

​ប្រភពពី​សមត្ថកិច្ច​មូល​ដ្ឋា​ន​បាន​ឲ្យ​ដឹងថា នៅវេលា​ម៉ោង​៧ និង​១៥​នាទី លោក​លី ឈាង​ម៉េង អាយុ​៤៤​ឆ្នាំ ជា​អង្គរក្ស ស្នាក់​នៅផ្ទះ​លេខ​៤៦ ផ្លូវ​លេខ​១៩០ សង្កាត់​បឹង​ព្រលឹត បាន​ជិះ​រថយន្ត​១​គ្រឿង​ម៉ាក​ឡិច​ស៊ី​ស​៥៧០ ពណ៌​ខ្មៅ ស៊េរី​២០១២ ទៅ​ឈប់​មុខផ្ទះ​លេខ​៦៥Eo ផ្លូវ​លេខ​១០៥ ស្រាប់​តែមាន​ជនសង្ស័យ​៣​នាក់​ជិះ​ម៉ូតូ​សង់​កូរ៉េ​ពណ៌​ក្រហម​១​គ្រឿង ដោយ​ម្នាក់​ចុះទៅ​ធ្វើ​សកម្មភាព​លួច​កាច់​កញ្ចក់​រថយន្ត​នោះ​ចំហៀង​ខាង ស្តាំ ២​នាក់​នៅលើ​ម៉ូតូ​ចាំ​បិទគូទ​។ ពេល​កំពុង​ធ្វើ​សកម្មភាព​ម្ចាស់​គេ​ទាន់​បាន​ស្រែកថា​ចោរៗ ពេលនោះ​មាន​អ្នករត់ម៉ូតូឌុប និង​ប្រ​ជា​ព​ល​រ​ដ្ឋ​​ធ្វើដំណើរ​លើ​ដងផ្លូវ​ជួយ​ដេញចាប់បាន​ម្នាក់ និង​វាយ​ទ្រមខ្លួន ។​

11-11-2013

​ក្រោយ​កើតហេតុ​សមត្ថកិច្ច​បាន​នាំ​ជនសង្ស័យ​ចេញពី​ក្រោម​កណ្តាប់ដៃ និង​ទម្ងន់​ជើង​របស់​ប្រជាពលរដ្ឋ មក​ឃុំខ្លួន​បណ្តោះអាសន្ន​នៅ​អធិការដ្ឋាន ដើម្បី​សាកសួរ​ចម្លើយ នឹង​ឈានទៅ​ចាប់​បក្ខពួក​៕

 

Leave a Reply

(*) Required, Your email will not be published