មនុស្សម្នា​ក់បាន​ស្លាប់ និង ១១ នាក់​រងរបួស​ធ្ងន់ ដោយសារ​មន្ត្រី​ប៉េអឹម​ខេត្តស្វាយរៀង​បើក​បុក ក្នុងស្ថានភាព​ស្រវឹង​ជោក​

, , Leave a comment

​ខេត្តស្វាយរៀង ៖ សោកនាដកម្ម​មួយ​បណ្តាលមកពី​បុរស​ស្រវឹងស្រា​ម្នាក់ ដែលជា​មន្ត្រី​ប៉េអឹម​ខេត្ត បានធ្វើ​ឲ្យ​មនុស្សម្នា​ក់បាន​ស្លាប់​យ៉ាង​អាណោចអាធ័ម នៅនឹងកន្លែង​កើតហេតុ និង ១១នាក់​ផ្សេងទៀត​បាន​រងរបួស​ធ្ងន់ ។ ហេតុការណ៍​គ្រោះថ្នាក់​ដ៏​រន្ធត់​មួយ​នេះ​បាន​កើតឡើង​កាលពី​វេលា​ម៉ោង ៩ និង ២០ នាទី​យប់​ថ្ងៃទី​១០ ខែវិច្ឆិកា ឆ្នាំ ២០១៣ នៅតាម​បណ្តោយ​ផ្លូវជាតិ​លេខ​១ មុខ​សាកលវិទ្យាល័យ​ស្វាយរៀង ស្ថិតក្នុង​ភូមិ​ចំបក់ សង្កាត់​ចេក ក្រុង​ស្វាយរៀង ។​

 

​បុរស​ដែល​បង្ក​នោះ​មានឈ្មោះ ស៊ុ​ង ថា​នី ជា​ប៉េអឹម​ខេត្ត ដោយ​ធ្វើដំណើរ​ចេញពី​ហូប​ការ ហើយ​បើកបរ​ក្នុងស្ថានភាព​ស្រវឹង​ជោក​។​

 

​ប្រភពពី​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ​រថយន្ត​ទួរីស​ដឹក​អ្នកដំណើរ បាន​ផ្ទុក​ដោយ​មនុស្ស​ពេញ ដោយ​បើកបរ​ក្នុងទិសដៅ​ពី​លិចទៅ​កើត លុះ​មកដល់​កន្លែង​កើត រថយន្ត​ម៉ាក​កាមរី​ដែលជា​រថយន្ត​បង្ក​បាន​បើកបរ​ក្នុងទិសដៅ​ស្របគ្នា ក្នុង​ល្បឿន​យ៉ាង​លឿន ក៏​ជ្រុល​ចង្កូត​ទៅ​គូទ​រថយន្ត​ទួរីស​ដឹក​អ្នកដំណើរ​ពីក្រោយ​ពេញ​ទឹ​ហឹ​ង បណ្តាល​ឲ្យ​កៀប​ជាប់​នឹង​រថយន្ត​ស្លាប់​ភ្លាមៗ​។​

11-11-2013

​ក្រោយ​កើតហេតុ​សមត្ថកិច្ច​ចុះ​ទៅដល់​កន្លែងកើតហេតុ នឹង​ហៅ​រថយន្ត​សង្គ្រោះ​ដឹក​ជនរងគ្រោះ ទៅ​សង្គ្រោះ​នៅ​មន្ទីរពេទ្យ និង​គ្លីនិក​នៅក្បែរនោះ ចំណែក​សព​ជនរងគ្រោះ​ត្រូវបាន​ទាក់ទង​សាច់ញាតិ​មក​ទទួលយក​ទៅធ្វើ​បុណ្យ​តាម​ប្រពៃណី ។ រីឯ​រថយន្ត​ទាំងពី​ត្រូវ​សមត្ថកិច្ច​យកទៅ​រក្សា​នៅ​អធិការ​រដ្ឋា​ន​រង់​ភាគី​ទាំងពីរ​ចូលមក​ដោះស្រាយ​ជា​ក្រោយ​៕

 

Leave a Reply

(*) Required, Your email will not be published