រងរបួស​ធ្ងន់​ពីរ​នាក់ ក្នុង​ហេតុការណ៍​គ្រោះថ្នាក់​ចរាចរណ៍​រវាង​កង់ និង​រថយន្ត​ដឹក​កម្មករ​

, , Leave a comment

​រាជធានី​ភ្នំពេញ ៖ ក្មេងប្រុស​ពីរ​នាក់​បាន​រងរបួស​ធ្ងន់ ដោយ​ម្នាក់​ត្រូវ​បាក់ជើង និង​ម្នាក់ទៀត​ដួល​បោល​ក្បាល​នឹង​ង​ថ្នល់​សន្លប់​ស្តូកស្តឹង ក្នុង​ហេតុការន៍​គ្រោះថ្នាក់​ចរាច​ណ៍​មួយ​ដែល​ប​ណ្តា​ល​ម​ក​ពី​​រថយន្ត​ដឹក​កម្មករ​មួយគ្រឿង បាន​បើកបរ​ក្នុង​ល្បឿន តាម​បណ្តោយ​ផ្លូវ​ប៉េ​តុង ហើយ​រេ​ចង្កូត​បុក​ក្មេង ប្រុស​ទាំងពីរ ។ ហេតុការណ៍​គ្រោះថ្នាក់​ចរាចរណ៍​នេះ បាន​កើតឡើង​កាលពី​វេលា​ម៉ោង ៥ និង ៣០ នាទី​រសៀល ថ្ងៃទី​៩ ខែវិច្ឆិកា ឆ្នាំ​២០១៣ ស្ថិតនៅតាម​បណ្តោយ​ផ្លូវ​ប៉េ​តុង ជិត​វត្ត​ធម្ម​ត្រៃ សង្កាត់​ព្រៃ​ស ខណ្ឌដង្កោ ។​

 

​យោងតាម​ប្រភពព័ត៌មាន​ពី​កន្លែងកើតហេតុ​ការ​បាន​ឲ្យ​ដឹងថា មុនពេល​កើតហេតុ​គេ​សង្កេតឃើញ​ក្មេងប្រុស​រងគ្រោះ​ទាំងពីរ​នាក់ ជិះ​កង់​មួយគ្រឿង​ធ្វើដំណើរ តាម​បណ្តោយ​ផ្លូវ​ប៉េ​តុង ក្នុ​ង​ទិ​ស​ដៅ​​ពី​ត្បូង​ទៅ​ជើង ដោយបាន​ជិះ ខាងស្តាំ​ដៃ​របស់​ពួកគេ ខណៈដែល​មក​ជិត​ដល់​វត្ត​ធម្ម​ត្រៃ ដែលជា​កន្លែងកើតហេតុ​នោះ ស្រាប់​តែមាន​រថយន្ត​កូរ៉េ​ដឹក​កម្ម​ករពេញ​មួយគ្រឿង បើកបរ​ក្នុង​ល្បឿន​ក្នុងទិសដៅ​ពី​ជើង​ទៅ​ត្បូង គឺ​ទិសដៅ​បញ្ច្រាសទិស​គ្នា ជាមួយនឹង​កង់ ក្មេងប្រុស​ទាំងពីរ​នាក់ ដោយសារតែ​រថយន្ត​បើក​ក្នុង​ល្បឿន ក៏​រេ​ចង្កូត​មក​ខាងឆ្វេង​ដៃ​និង​បុក​រះ​កង់ និង​អូស​កង់​របស់​ក្មេងប្រុស​នោះ​ជាង​៥០​ម៉ែត្រ ចំណែកឯ​ក្មេងប្រុស​ទាំងពីរ​នាក់​ម្នា​ក់ បាក់ជើង និង​ម្នាក់ទៀត​សន្លប់​ស្តូកស្តឹង​នៅនឹងកន្លែង​កើតហេតុ រងរបួស​ធ្ងន់ធ្ងរ​ទាំ​ង​ពីរ ។​

10-11-2013

​ក្រោយពី​កើតហេតុ​សមត្ថកិច្ច​នគ​របាល​ចរាចរណ៍​ខណ្ឌដង្កោ បាន​ចុះទៅ​អន្តរាគមន៍​ដល់​កន្លែងកើតហេតុ និង​ធ្វើការ​វាស់វែង អូស​យក​រថយន្ត​បង្ករ​ហេតុ និង​កង់​របស់​ក្មេងប្រុស​ទាំងពីរ​នាក់ ទៅ​រក្សាទុក​នៅ​អធិការដ្ឋាន​ខណ្ឌដង្កោ  រង់ចាំ​ដោះស្រាយ​ទៅតាម​នីតិ វិធី​ច្បាប់ ៕

 

Leave a Reply

(*) Required, Your email will not be published