​ប្រ​​ជា​ព​ល​រដ្ឋ​​ទៅ​​​ជួ​ប​​តំ​ណា​ង​រា​ស្ត្រ រឿង​​ឃុប​ឃិ​ត​​​រវា​ង​​ថៅ​កែ​​ដា​យ និ​ង​​​លោក​​​មេ​​ខ​ណ្ឌ​​ជល​ផល​​ខេ​ត្ត​សៀម​រាប ត្រ​ឡ​ប់​ម​ក​វិ​ញ​​ទាំ​ង​អស់​សង្ឃឹម​​

, , Leave a comment

​ខេត្តសៀមរាប ៖ ប្រជាពលរដ្ឋ​ចំនួន​២​ឃុំ ដែល​រស់នៅ​ស្រុក​២​ផ្សេងគ្នា​កំពុង​ប្រតិកម្ម​​បាន​ផ្ដិតមេដៃ និង​ឡើង​រថយន្ត​ទៅប្ដឹង​លោក សៀង ណាំ តំណាងរាស្ត្រ​ឲ្យ​ជួយ​ដោះស្រាយ បន្ទាប់ពី​មានការ​បែកធ្លាយ​ភាពមិនប្រក្រតី​នៃ​បទល្មើស​នេសាទ​រវាង​ប្រជាពលរដ្ឋ និង​លោក​មេ​ខណ្ឌ​ជលផល​ខេត្តសៀមរាប ដែល​ឃុបឃិត​ជាមួយ​ថៅកែ​ដាយ ។ ករណី​ឃុបឃិត​នេះ​ដោយសារ​ថៅកែ​ដាយ​យក​កញ្ចប់​លុយ​៣​ម៉ឺន​ដុល្លារ​សហរដ្ឋអាមេរិក​ឲ្យ​លោក​មេ​ខណ្ឌ​នោះ​។ តែ​ពេលនេះ​ប្រជាពលរដ្ឋ​ចំនួន​២​ឃុំ ដែល​រស់នៅ​ស្រុក​២​ផ្សេងគ្នា​កំពុង​ប្រតិកម្ម​ផ្ដិតមេដៃ​និង​ឡើង​រថយន្ត​ទៅ ប្ដឹង​លោក​សៀង ណាំ​ឲ្យ​ជួយ​លើ​ករណីនេះ​។​

10-11-2013 (1)

​បើតាម​ការរៀបរាប់​ប្រជាពលរដ្ឋ​នៅ​ឃុំ​កំពង់​ឃ្លាំង ស្រុក​សូទ្រនិគម ខេត្តសៀមរាប ដែល​រស់​នៅលើ​ផ្ទៃ​ទឹកបាន​ដឹងថា ជីវភាព​របស់​ពួកគាត់​មានការ​លំបាក​ណាស់ មិន​ហ៊ាន​ប្រព្រឹត្តិ​បទល្មើស​នេសាទ​នោះ ក៏បាន​ទៅ​ជួប​លោកនាយ​ខណ្ឌ​ខេត្ត​សៀ​រាម​ដើម្បី​ចរចា​សុំ​បើកភ្លើង​ខៀវ​ក្នុងការ​ប្រព្រឹត្តិ​បទល្មើស​នេសាទ​ជា​ប្រភេទ​ឧបករណ៍ប្រើប្រាស់​ចាប់​ត្រី ឈ្មោះថា ឈ្នក់ ដែល​ភាសា​សាមញ្ញ​របស់​អ្នកនេសាទ​ហៅ​ឆ្នុក ដែល​ជលផល​ងាយ​យកលុយ​ស្របច្បាប់​ព្រោះ​មាន​ទំហំ​តូច ហើយ​មិន​ប្រើ​អំពូល​ឬ​បោះ​ចំណី​ហៅ​ត្រី​ឲ្យ​ចូល​ដើម្បី​ចាប់​ទេ នេះ​បើ​និយាយ​ពី​ច្បាប់​ជលផល ។ ប៉ុន្តែ​ពេល​លោកនាយ​ខណ្ឌ​ជាមួយ​ប្រជាពលរដ្ឋ​ចរចា​គ្នា​ត្រូវ​ក៏បាន​នាំគ្នា ដាក់​ឈ្នក់​ហៅ​ឆ្នុក​នោះ​មាន​ទំហំ​ធំ​ក្រឡា​ញឹក​ហើយ​ប្រើ​អំពូល​ភ្លើង និង​បោះ​ចំណី​ឲ្យ​ត្រី​ចូល​ដើម្បី​ចាប់បាន​ច្រើនៗ​តែម្ដង​។​

 

​ដោយឡែក​មួយទៀត​ចេញពី​ប្រជាពលរដ្ឋ​ក្នុង​ឃុំ​អន្លង់​សំណ ស្រុក​ជីក្រែង ខេត្តសៀមរាប​បាន​និយាយថា ការបើក​ភ្លើង​ខៀវ​ឲ្យ​ធ្វើ​បទល្មើស​ដែល​ប្រើ​ឧបករណ៍​ឆ្នុក​នោះ គឺ​ពេល​នាយ​ខណ្ឌ​បាន​យកលុយ​ក្នុង​មួយ​ឆ្នុក​តម្លៃ​៣​លាន​រៀល​គឺ​គេ​ប៉ាវ ដាច់​ដើម្បី​ចែកចាយ​ជំនាញ​ផ្សេងៗ​ឲ្យ​ពួកគាត់​ចំនួន​២​ឃុំ​ធ្វើ ដែល​ពួកគាត់​ដាក់​នៅ​ឃុំ​កំពង់​ឃ្លាំង និង​ឃុំ​អន្លង់​សំណ​នោះ​សរុប​ទាំងអស់​ប្រមាណ​ជា​៣០០​ឆ្នុក​។ លុះ​ពេល​ដាក់​បាន​ទើបតែ​មួយខែ​មិនទាន់​ចប់​រដូវ​ដាក់​តាម​កិច្ចចរចា ដែល​បាន​យកលុយ​អស់​ទៅហើយនោះ លោកនាយ​ខណ្ឌ​ជលផល​ឈ្មោះ​ព្រិ​ន សា​វិ​ន ខេត្តសៀមរាប ក៏បាន​ចាប់ផ្ដើម​ធ្វើការ​បង្ក្រាប​ពួកគាត់​យ៉ាង​ពេញទំហឹង​ទាំង​២​ឃុំ​ធ្វើ ឲ្យ​ពួកគាត់​កាន់តែ​ក្រីក្រ​បន្ថែមទៀត​ដោយសារតែ​ខ្ចីលុយ​រដ្ឋ​បង់លុយ​ឲ្យ លោកនាយ​ខណ្ឌ​នេះ​ផង និង​ធ្វើ​ឆ្នុក​នោះ​ផង​។ ពួកគាត់​បន្តថា លោកនាយ​ខណ្ឌ​ឈ្មោះ​ព្រិ​ន សា​វិ​ន​នេះ​ទំនងជា​ចាយលុយ​អស់ហើយ ត្រូវ​ខាង​ក្រុម​ថៅកែ​ដាយ​នៅ​ខាង​រាជធានី​ភ្នំពេញ ដែល​ពួកគាត់​ទទួល​ព័ត៌មាន​បាន​ច្បាស់​នោះ បាន​វេច​លុយ​៣​ម៉ឺន​ដុល្លារ​អាមេរិក​ឲ្យ​លោកនាយ​ខណ្ឌ​ដើម្បី​បង្ក្រាប បទល្មើស​ឆ្នុក​នោះ​អស់​ឲ្យ​ត្រី​ចូល​ដាយ​របស់គេ នៅពេល​ទឹកទន្លេ​សម្រក​ខាងមុខនេះ ត្រូវ​ត្រី​ច្រើន​ដើម្បី​បាន​ផលចំណេញ និង​មាន​ផល​បន្ថែម​ចូល​លោកនាយ​ខណ្ឌ​ទើប​មានរឿង​បែបនេះ​តែម្ដង​។​

 

​ប្រជាពលរដ្ឋ ទាំង​២​ឃុំ​ខាងលើ​បាន​លើកឡើងថា បញ្ហា​ខាងលើនេះ លោកនាយ​ខណ្ឌ ឈ្មោះ ព្រិ​ន សា​វិ​ន បាន​និយាយថា លោក​មិន​ខ្លាច​ឡើយ​ចំពោះ​ការចុះផ្សាយ​តាម​ប្រព័ន្ធ​ផ្សព្វផ្សាយ ឬ​ចំណាត់ការ​ផ្សេងទៀត ព្រោះ​រូបលោក​មាន​មិត្តភក្ដិ​ស្និទ្ធស្នាល​ជា​រដ្ឋលេខាធិការ​ក្រសួង កសិកម្ម​។ ពួកគាត់​ទាំង​២​ឃុំ​មានប្រតិកម្ម​យ៉ាងខ្លាំង​នូវ​ទង្វើ​លោកនាយ​ខណ្ឌ​ឈ្មោះ ព្រិ​ន សា​វិ​ន​នេះ ហើយ​បាននាំគ្នា​ផ្ដិតមេដៃ និង​នាំគ្នា​ឡើង​រថយន្ត​ឆ្ពោះទៅ​ប្ដឹង​លោក សៀង ណាំ តំណាងរាស្ត្រ​ឲ្យ​ជួយ​។ ប៉ុន្តែ​ដោយ​អ្នកតំណាងរាស្ត្រ​រូបនោះ​រវល់​មិនអាច​មកជួប​ប្រជាពលរដ្ឋ​បាន ទើប​ប្រជាពលរដ្ឋ​ត្រឡប់មកផ្ទះ​វិញ ហើយ​គ្រោង​នឹង​ឡើង​រថយន្ត​ទៅប្ដឹង​ជា​លើក​ទី​២​ទៀត​ដើម្បី​ឲ្យ​ជួយ​រក យុត្តិធម៌​។

 10-11-2013

​ទាក់ទិន នឹង​រឿងនេះ​នៅ​មិនទាន់បាន​ការបំភ្លឺ​ពី​នាយ​ខណ្ឌ​បានទេ ដោយ​ទូរស័ព្ទ​របស់លោក​នៅក្រៅ​តំបន់​សេវា​។ តែ​ទោះជា​យ៉ាងណាក្ដី​យើង​នៅតែ​រង់ចាំ​ការ​ស្រាយ​បំភ្លឺ​របស់លោក​នៅពេល​ក្រោយ​ទៀត​៕

 

Leave a Reply

(*) Required, Your email will not be published