បញ្ជូន​ជនសង្ស័យ​ទាំង ៣ ទៅ​តុលាការ ពាក់ព័ន្ធ​ករណី​គ្រឿងញៀន​

, , Leave a comment

​ខេត្ដ​បាត់ដំបង ៖ ជនសង្ស័យ ៣ នាក់​ត្រូវបាន​សមត្ថកិច្ច​ធ្វើការ​ឃាត់ខ្លួន និង​បញ្ជូនទៅ​តុលាការ ពាក់ព័ន្ធ​នឹង​ករណី​ជួញដូរ និង​ប្រើប្រាស់​គ្រឿងញៀន កាលពី​រសៀល​ថ្ងៃទី​៨ ខែវិច្ឆិកា ឆ្នាំ​២០១៣ ដើម្បី​ចាត់ការ​តាម​នីតិវិធី ។​ ​ជនសង្ស័យ​ទាំង​៣​នាក់​នោះ​មាន ១-​ឈ្មោះ ហែម ផល្លា ហៅ ស្រស់ ភេទ ស្រី អាយុ​៣៣​ឆ្នាំ ២-​ឈ្មោះ ហួរ ប៊ុនហេង ភេទ​ប្រុស អាយុ​២១​ឆ្នាំ អ្នក​ទាំង​២​នាក់ នេះ​រស់នៅ​ភូមិ​សូ​ភី​១ សង្កាត់​រតនៈ ក្រុង​បាត់ដំបង ខេត្ដ​បាត់ដំបង និង​ទី​៣-​ឈ្មោះ សិទ្ធ សំរេច ហៅ ញ៉ាច់ ភេទ​ប្រុស អាយុ​៣០​ឆ្នាំ រស់នៅ​ភូមិ​រំចេក​១ សង្កាត់​រតនៈ ក្រុង​បាត់ដំបង ។ វត្ថុតាង ដែល​ដកហូត​បាន​មាន​ថ្នាំញៀន​ម៉ា​ទឹក កក​៨​កញ្ចប់​រួមទាំង​សម្ភារ​វេច​ខ្ចប់​និង សម្ភារ​សម្រាប់​សេព ទូរស័ព្ទ​៣​គ្រឿង កាបូប​លុយ​២ ម៉ូតូ​ម៉ាក​ឃ្លី​ក​១​គ្រឿង ។​

 

​គួរ​រ​ម្លឹកថា មនុស្ស​ប្រុស​ស្រី ៣ នាក់​និង​ថ្នាំញៀន​ម៉ា​ទឹកកក ៨ កញ្ចប់ រួមទាំង​សម្ភារ​វេច​ខ្ចប់​និង​ឧបករណ៍ សម្រាប់​សេព​ត្រូវបាន​កម្លាំង​កងរាជអាវុធហត្ថ​ក្រុង​បាត់ដំបង​កសាង​សំណុំរឿង​ពីបទ​ជួញដូរ​ដោយ​ខុសច្បាប់​នូវ សារធាតុ​ញៀន​បញ្ជូនទៅ​តុលាការ​នា ជនសង្ស័យ​ទាំង ៣ នាក់​ត្រូវ​កម្លាំង​ក​ង​រាជ​អា​វុ​ធ​ហត្ថ​ក្រុង​បាត់ដំបង​ចាប់បាន នៅវេលា​ម៉ោង ១៥ និង ៣០ នាទី​ថ្ងៃទី​៦ ខែវិច្ឆិកា​នៅ​ចំណុច​ផ្ទះជួល​ក្នុងភូមិ​សូ​ភី​១ សង្កាត់​រតនៈ និង​នៅ​ម៉ោង​១៣ ថ្ងៃទី​៧ ខែវិច្ឆិកា នៅ​បន្ទប់​២០៥ ផ្ទះសំណាក់ ស្ទឹង​ខៀវ​ក្នុងភូមិ​រំចេក​១ សង្កាត់​រតនៈ ក្រុង​បាត់ដំបង ។​

 

​តាម​ចម្លើយសារភាពរ​បស់ជនស​ង្ស័​យ​ឈ្មោះ ហែម ផល្លា ហៅ ស្រស់ បាន​ប្រាប់​សមត្ថកិច្ច​ថា ខ្លួន​ទិញ​ថ្នាំញៀន​ម៉ា​ទឹកកក​ពី​ឈ្មោះ សិទ្ធ សំរេច ហៅ ញ៉ាច់ ។ ចំណែក​ជនសង្ស័យ​ឈ្មោះ សិទ្ធ សំរេច ហៅ ញ៉ាច់ បាន​ប្រាប់ សមត្ថកិច្ច​ថា ខ្លួន​ធ្លាប់​ទិញ​ថ្នាំញៀន ពី​ឈ្មោះ ហ្វី​ន និង​ឈ្មោះ សាវ ឌី អាយុ ជាង​២០​ឆ្នាំ នៅ​ខេត្ដ​បន្ទាយមានជ័យ យកមក​រំលែក​ជា​ថង់​តូចៗ​លក់​បន្ដ ហើយ​នៅ​ម៉ោង​១​រសៀល ថ្ងៃទី​៧ ខែ វិច្ឆិកា ឆ្នាំ​២០១៣ ខ្លួន​បាន​យក​ថ្នាំញៀន ទៅ​លក់​នៅ​បន្ទប់​២០៥ ផ្ទះសំណាក់ ស្ទឹង​ខៀវ ក្នុងភូមិ​រំចេក​១ សង្កាត់​រតនៈ ក្រុង​បាត់ដំបង ក៏ត្រូវ​សមត្ថកិច្ច​ឃាត់ ខ្លួន​តែម្ដង ។​

09-11-2013

​ជនសង្ស័យ​ទាំង​៣​នាក់​និង វត្ថុតាង​ថ្នាំញៀន​៨​កញ្ចប់​រួមទាំង​សម្ភារ​សម្រាប់​វេច​ខ្ចប់​និង​សេព ត្រូវ​កសាង សំណុំរឿង​ពីបទ​ជួញដូរ​ដោយ​ខុសច្បាប់ នូវ​សារធាតុ​ញៀន​បញ្ជូនទៅ​តុលាការ​នា​រសៀល​ថ្ងៃទី​៨ ខែវិច្ឆិកា ឆ្នាំ​២០១៣ ដើម្បី​ចាត់ការ​តាម​នីតិវិធី ៕

 

Leave a Reply

(*) Required, Your email will not be published