ក្មួយ​ចិត្ត​តិរច្ឆាន ពេល​ឪពុកមា ឲ្យ​ត្រី​ឃើញ​តិច ដោយ​ចិត្ត​លោភ ទាញ​ដំបង​វាយ​សម្លាប់​

, , Leave a comment

​ខេត្តកំពង់ឆ្នាំង ៖ បុរស​ម្នាក់​ត្រូវបាន​ស្លាប់​ក្រោយពេល​បញ្ជូនទៅ​សង្គ្រោះ​នៅ​មន្ទីរពេទ្យ ខណៈដែល​ត្រូវបាន​ក្មួយ​ចិត្ត​តិរច្ឆាន​យក​ដំបង​វាយ​ក្បាល ។ ហេ​តុ​កា​រណ៍​កាលពី​វេលា​ម៉ោង ៧ និង១៥ នាទី​យប់​ថ្ងៃទី​០៧ ខែវិច្ឆិកា ឆ្នាំ​២០១៣ នៅ​ភូមិ​ក្នុង ឃុំ​ស្វាយ​រំពារ ស្រុក​កំពង់លែង ខេត្តកំពង់ឆ្នាំង​។​

 

​បុរសរងគ្រោះ​ឈ្មោះ ភី​ន ភាព អាយុ​២៨​ឆ្នាំ មាន​ប្រព​ន្ឋ​ឈ្មោះ ពុំ អិត អាយុ ២៥ ឆ្នាំ មានកូន​០៣​នាក់ ។ ជនដៃដល់​ឈ្មោះ ពឿ​ន ខ្នា អាយុ​២២​ឆ្នាំ ។ អ្នក​ទាំងអស់គ្នា​រស់នៅ​ក្នុងភូមិ​ឃុំ​កើតហេតុ​ខាងលើ ។

 

​ប្រភពពី​សមត្ថកិច្ច​មូល​ដ្ឋា​ន​បាន​ឲ្យ​ដឹងថា មុនពេល​កើតហេតុ​ជនរងគ្រោះ​ត្រឡប់​ពី​រកត្រី​ចូលមកក្នុង​ដី​ភូមិ ហើយក៏​យក​ត្រី​ដែល​ខ្លួន​រកបាន​ចែករំលែក ឱ្យ​ក្មួយ​ដែលជា​ជនរងគ្រោះ​ដែល​នៅ​ផឹកស៊ី​ក្បែរ​ទីនោះ​។ បន្ទាប់ពី​ពេល​ជនរងគ្រោះ​រើស​ត្រី​ចែក​ឱ្យ​ក្មួយ​នោះ ពេល​ឃើញ​ត្រី​តូច ក៏​ស្រាប់តែ​ជនដៃដល់​បាន​ស្ទុះ​យក​ដំបង​ឈើ​ជ្រុង​ធំ​ប្រវែង ៦ តឹក លប​វាយ​ឪពុកមា ពីក្រោយ​ចំក្បាល​ផ្នែក​ខាងឆ្វេង បណ្តាលឱ្យ​រងរបួស​ធ្ងន់​ដួលសន្លប់​នៅនឹងកន្លែង​។​

08-11-2013

​ក្រោយពេល​កើតហេតុ​ជនរងគ្រោះ​ត្រូវ​ក្រុមគ្រួសារ​បញ្ជូនទៅ​សង្គ្រោះ​នៅ​មន្ទីរពេទ្យ​ខេត្ត ទោះបី​មាន​កិច្ចខិតខំ​ប្រឹងប្រែង​រប​ស់​ក្រុម​គ្រូ ពេទ្យ​យ៉ាងណា ក៏​ជនរងគ្រោះ​បាន​ស្លាប់​នៅវេលា​ម៉ោង ៩ ព្រឹក​ថ្ងៃទី​០៨ វិច្ឆិកា គឺ​ក្រោយ​ការវាយប្រហារ​តែ​១៤​ម៉ោង​ប៉ុណ្ណោះ ៕

 

Leave a Reply

(*) Required, Your email will not be published