ដើរ​ពេលយប់ ជាន់​ចំ​ដាន​ចោរ ត្រូវ​ប្រជាពលរដ្ឋ​ដេញ​វាយ និង​កាប់​ប៊ិះ​នឹង​ស្លាប់​

, , Leave a comment

​ខេត្ត​បន្តា​យ​មានជ័យ ៖ បុរស​ម្នាក់​ត្រូវបាន​ប្រជាពលរដ្ឋ​ដេញ​វាយ និង​ផ្តល់​មួយ​ដៃ មួយ​ជើង​ជា​ជំនូន​ពេល​រាត្រី ខណៈដែល​ត្រូវ​អ្នកភូមិ​ស្រែកថា​ចោរ ។ ហេតុការណ៍​នេះ​កើតឡើង​កាលពី​វេលា​ម៉ោងជាង​៣​ទៀបភ្លឺ​ថ្ងៃទី​០៨ ខែវិច្ឆិកា ឆ្នាំ ២០១៣ នៅ​ភូមិ​ក្បាលស្ពាន​០១ សង្កាត់ និង​ក្រុង​ប៉ោយប៉ែត ខេត្តបន្ទាយមានជ័យ ។​

08-11-2013 (2) 

​ជ​នស​សង្ស័យ​ខាងលើ​ត្រូវបាន​គេ​ស្គាល់ឈ្មោះ ដែង សារី ភេទ​ប្រុស អាយុ ៣១​ឆ្នាំ ជា​កម្មករ​លើកដាក់​ផ្លែឈើ នៅ​ផ្សារ​រុង​ក្លឿ ស្រុក​អារញ្ញ ប្រទេស​ថៃ ស្នាក់នៅ​បន្ទប់​ជួល​ក្នុងភូមិ​កើតហេតុ ត្រូវបាន​អ្នកភូមិ​ដេញ​វាយ និង​កាប់​សល់​តែ​ដង្ហើមចង្រិត បន្ទាប់ពី​ជាប់​ចោទថា​ចោរ បណ្តាលឱ្យ​របួស​ត្រង់​ថ្គាម​ខាងឆ្វេង​០១​កាំបិតប៉័ងតោ ចង្កេះ​មួយ​ពូថៅ និង​វាយ​ទ្រមខ្លួន​ដេក​ដួល​ក្នុង​ភក់​។​

 

​បើតាម​ស្ត្រី​ម្នាក់​ឈ្មោះ ឈុំ វឿន អាយុ​២៩​ឆ្នាំ ជា​ម្ចាស់​បន្ទប់​ជួល​ចំណុចកើតហេតុ បាន​ប្រាប់​សមត្ថកិច្ច​ឱ្យដឹងថា ប៉ុន្មាន​ថ្ងៃ​ជាប់​គ្នា​នេះ អ្នករស់នៅ​ម្តុំ​ផ្ទះ​របស់គាត់ បាន​បាត់​របស់របរ ជា​បន្តបន្ទាប់ ហើយ​អំពូល​ភ្លើង​មុខផ្ទះ​គាត់​ក៏មាន​គេ​លួច​បិទ​២​យប់​ជាប់​គ្នា​ផងដែរ ។ ស្ត្រី​បន្តថា លុះ​វេលា​ទៀបភ្លឺ​នេះ ក៏មាន​អ្នកស្រុក​ស្រែកថា ចោរៗ​ក៏មាន​ការភ្ញាក់ផ្អើល ឆោឡោ​ពីមុខ​ផ្ទះ​របស់គាត់ ហើយ​អ្នកស្រុក​ក៏​នាំគ្នា​ដេញ​វាយ​ជនសង្ស័យ ខណៈ​គាត់​មិនដឹង​រឿង​អី​នោះទេ គឺ​កំពុង​ដេក​លង់លក់ ។​

08-11-2013 (1)

​ក្រោយពេល​កើតហេតុ សមត្ថកិច្ច​អន្តរាគមន៍​ហៅ​រថយន្ត​សង្គ្រោះ​របស់​មន្ទីរពេទ្យបង្អែក​ក្រុង​ប៉ោយប៉ែត ដឹក​ទៅ​ព្យាបាល ។ នៅក្នុង​មន្ទីរពេទ្យ ជនសង្ស័យ​អះអាងថា ខ្លួន​មិនបាន​ដឹង​រឿង​អ្វី​នោះទេ ខណៈ​កំពុង​ដើរ​ទៅរក​មិត្តភក្តិ​ម្នាក់​ឈ្មោះ បួ​ក ភេទ​ប្រុស អាយុ​២៩​ឆ្នាំ ស្នាក់នៅ​បន្ទប់​ជួល​កន្លែងកើតហេតុ ក៏ត្រូវ​អ្នកស្រុក​ស្រែកថា​ចោរ ចោរ ហើយ​ដេញ​វាយ​និង​កាប់​មក​ខ្លួន​តែម្តង ៕

 

Leave a Reply

(*) Required, Your email will not be published