បំផ្ទុះ​គ្រាប់បែក សម្លាប់​មនុស្ស​ជាង ៤០ នាក់ និង​របួស​ជាច្រើន​នៅ​កន្លែង​ផ្សេងគ្នា នៅ​ប្រទេស​ស៊ី​រី ក្រោយពី​កិច្ចចរចា​សន្តិភាព​ពុំ​ទទួលលទ្ធផល​

, , Leave a comment

​ក្រុង​ដា​ម៉ាស ៖ នៅ​រុស្ស៊ី​អនុរដ្ឋមន្ត្រី​ការបរទេស​លោក មី​ខា​អ៊ី​ល បក់​ដា​ណូ​វ បាន​ថ្លែងថា ក្រុង​ម៉ូស្គូ​ត្រៀមខ្លួន​ជាស្រេច​ដើម្បី​រៀបចំ​ធ្វើ​កិច្ចពិភាក្សា​ក្រៅផ្លូវការ​រវាង​របប​របស់លោក​ប្រធានា ធិបតី​ស៊ី​រី បា​សារ អាល់​អាសាដ និង​ក្រុមប្រឆាំង ។ ការវាយប្រហារ​គ្រាប់បែក​នៅក្នុង​ក្រុង​ដា​ម៉ាស និង​នៅ​ភាគខាងត្បូង​ស៊ី​រី បានសម្លាប់​មនុស្ស​យ៉ាងតិច ១៦ នាក់ កាលពី​ថ្ងៃ​ពុធ​មួយថ្ងៃ​បន្ទាប់ពី​ក្រុម​ម៉ូស្គូ និង​ក្រុង​វ៉ាស៊ីនតោន បាន​បរាជ័យ​មិនបាន​ប្រកាស​កាលបរិច្ឆេទ​មួយ សម្រាប់​កិច្ចពិភាក្សា​សន្តិភាព​ដែល បានស្នើ​សុំ​។​

08-11-2013 (2)

​ទីភ្នាក់ងារ​ព័ត៌មាន​រដ្ឋ​សា​ណា​បាន​រាយការណ៍​ថា នៅក្នុង​ប្រទេស​ស៊ី​រី មនុស្ស​យ៉ាងតិច ៨ នាក់ ត្រូវបាន​សម្លាប់​និង ៥០ នាក់​ទៀត​បាន​រងរបួស​ក្នុង​ក្រុង​ដា​ម៉ាស ដោយសារ​ការផ្ទុះ​គ្រាប់បែក​មួយ​នៅក្នុង​កណ្ដាល​ទីលាន​ហ៊ី​ចាស​។​ក្រុមមន្ត្រី​រុស្ស៊ី និង​អាមេរិក​កាលពី​ថ្ងៃ​អង្គារ​បាន​បរាជ័យ​មិន​យល់ព្រម​គ្នា​លើ​កាលបរិច្ឆេទ​សម្រាប់​សន្និសីទ​សន្តិភាព​តាម​សំណើ​នៅ​ក្រុង​ហ្សឺ​ណែវ​ដែល​ត្រូវបាន​ពន្យារពេល​ជាច្រើន​ដង​មកហើយ​។​

08-11-2013 (3)

​ទីភ្នាក់ងារ​នោះបាន​និយាយថា មនុស្ស​៨​នាក់​ក្នុងនោះ​មាន​ទាំង​ស្ត្រី​ពីរ​នាក់​ផងដែរ ត្រូវបាន​សម្លាប់​ក្នុងការ​ផ្ទុះ​មួយ​ដែល​បង្កដោយ​គ្រាប់​​បែក​មួយ​គ្រាប់​ដែល​ក្រុម​ភេរ​វករ បានដាក់​បង្កៃ​នៅឯ​ច្រក​ចូលទៅ​ក្រុមហ៊ុន​ផ្លូវដែក​ហ៊ី​ចាស ។ ក្រុម​ឃ្លាំមើល​សិទ្ធិមនុស្ស​ស៊ី​រី​បាន​និយាយថា នៅ​ទីក្រុង​ស្វែ​ដា ភាគខាងត្បូង មន្ត្រី​ចារកម្ម​៨​នាក់​ត្រូវបាន​សម្លាប់ នៅពេល​ជន​គ្រាប់បែក​អត្តឃាត​ម្នាក់​បាន​បំផ្ទុះ​រថយន្ត​មួយគ្រឿង​នៅក្រៅ​មូលដ្ឋាន​របស់​ពួកគេ​។​

08-11-2013 (4)

​ក្រុង​នេះ​គឺជា​មូលដ្ឋាន​របស់​ជនជាតិ​ភាគតិច​ទ្រូ​ហ្សេ និង​នៅក្រោម​ការគ្រប់គ្រង​រប​ស់រប​បលោក​អាសាដ​។ ទីភ្នាក់ងារ​សា​ណា​ក៏បាន​រាយការណ៍​ពី​ការវាយប្រហារ​នោះដែរ ដោយ​ស្រង់​ប្រភព​ប៉ូលិស​មួយ​ដែល​បាន​និយាយថា​មនុស្ស​៨​នាក់ ត្រូវបាន​សម្លាប់​និង​៤១​នាក់​ទៀត បាន​រងរបួស​។ នៅ​ខេត្ត​ហូ​ម​ភាគ​កណ្ដាល ក្រុម​ឃ្លាំមើល​នេះ​បាន​រាយការណ៍​ថា ក្រុម​ឧទ្ទាម​បាន​កាន់កាប់​ឃ្លាំង​អាវុធ​សំខាន់​មួយកន្លែង​បន្ទាប់ពី​មានការ​វាយប្រហារ​ពីរ​សប្ដាហ៍។​

08-11-2013 (5)

​ក្រុម​នេះ​បាន​និយាយថា ក្រុម​ឧទ្ទាម​បាន​រឹបអូស​អាវុធ​មួយចំនួនធំ​ពី​ឃ្លាំង​អាវុធ​ដ៏​ធំ នៅក្រៅ​ទីប្រជុំជន ម៉ា​ហ៊ី​ន​នោះ​។ ប៉ុន្តែ​មន្ត្រី​សន្តិសុខ​របប​នេះ​ម្នាក់​បាន​បដិសេធ​របាយ​ការណ៍​នោះ​ដោយ​និយាយថា ការប្រយុទ្ធ​គ្នា​នេះ​កំពុងតែបន្ត​។ ក្រុម​ភេរ​វករ​មិនបាន​យក​អាវុធ​ណា​នោះទេ និង​មានការ​បាត់បង់​ជាច្រើន​ក្នុង​ជួរ​ទ័ព​របស់​ពួកគេ​។​

08-11-2013 (6)

​ក្រុម​ឃ្លាំមើល​នេះ​បាន​រាយការណ៍​ថា​ក្រុម​ឧទ្ទាម​ជាង​៥០​នាក់ និង​ក្រុម​អ្នក​ស្មោះត្រង់​នឹង​រដ្ឋាភិបាល​២០​នាក់​ត្រូវបាន​សម្លាប់​នៅក្នុង​ការប្រយុទ្ធ​គ្នា​ដើម្បី​មូលដ្ឋាន​នោះ​កាលពី​ថ្ងៃ​អង្គារ​តែមួយគត់​។ នៅ​ភាគ​ខាងជើង​ឯណោះ​វិញ កងទ័ព​រដ្ឋាភិបាល​បាន​ដណ្ដើម​កាន់កាប់​ភាគច្រើនបំផុត នៃ​ទីប្រជុំជន​ជា​យុទ្ធសាស្ត្រ​តា​ល់​អា​រ៉ា​ន​នៅ​ខាងត្បូង​ក្រុង​អា​ឡិ​ប​ប៉ូ​ជាការ​លើកស្ទួយ​យ​កិច្ចប្រឹងប្រែង​មួយទៀត​ដើម្បី​ពង្រឹង​ផ្លូវ​ផ្គត់ផ្គង់​ទៅកាន់​ក្រុង​អា​ឡិ​ប​ប៉ូ​៕

     08-11-2013 (7)

 

Leave a Reply

(*) Required, Your email will not be published