ជម្លោះ​ក្មេងស្ទាវ អ្នកចាញ់​ដេកពេទ្យ អ្នកឈ្នះ​ដេក​គុក​

, , Leave a comment

​ខេត្ដ​បាត់ដំបង ៖ ជនដៃដល់​ពីរ​នាក់​ត្រូវបាន​សមត្ថកិច្ច​ធ្វើការ​ឃាត់ខ្លួន ក្រោយពី​ពួកគេ​បានធ្វើ​សកម្មភាព​យក​ដប​ស្រា​បៀរ​វាយ​បែកក្បាល​ជនរងគ្រោះ​កាលពី​ម៉ោង​៨​យប់​ថ្ងៃទី​៤​ខែវិច្ឆិកា ឆ្នាំ​២​០​១​៣​ ​ចំណុច​កន្លែង​លក់​បុកល្ហុង​(​ផ្ទះ លក់​ចាប់ហួយ​)​ស្ថិតក្នុង​ភូមិ​ដង្កោ ឃុំ​ល្វា  ស្រុក​ប​វេ​ល ខេត្ដ​បាត់ដំបង​។​។ ការចាប់​ឃាត់ខ្លួន​ជនដៃដល់​នេះ​ធ្វើឡើង​កាលពី​ម៉ោង ៨ ព្រឹក​ថ្ងៃទី​៥ ខែវិច្ឆិកា ឆ្នាំ ២០១៣ នៅ​ភូមិ​រាម សេនា​ឃុំ​ល្វា ស្រុក​ប​វេ​ល ខេត្តបាត់ដំបង។

 

​យុវជន​រងគ្រោះ​មានឈ្មោះ សៀង វ៉ាន់​ណៃ អាយុ​១៩​ឆ្នាំ និង​ឈ្មោះ អំ លៀង​អាយុ​២១​ឆ្នាំ អ្នក​ទាំងពីរ​ជាជាង​ឈើ​មាន​ទីលំនៅ​ភូមិ​ក្ដុល សង្កាត់​ក្ដុល​ដូនទាវ ក្រុង​បាត់ដំបង ខេត្ដ​បាត់ដំបង រងរបួស​ត្រង់​ក្បាល​។ ចំណែក​បុរស​សង្ស័យ​ដែល​ឃាត់ខ្លួន​មានឈ្មោះ លន់ ណាន់​អាយុ ២១ ឆ្នាំ និង​ឈ្មោះ ផ្លៃ ខេមរិន្ទ អាយុ​២៣​ឆ្នាំ​អ្នក​ទាំង​២​នាក់ មាន​ទីលំនៅ​ភូមិ​រាម​សេនា ឃុំ​ល្វា ។​

 

​យោងតាម​សាក្សី សមត្ថកិច្ច​ថា នៅ​មុនពេល​កើតហេតុ យុវជន​រងគ្រោះ​ទាំងពីរ​នាក់​បាន​អង្គុយ​ហូប បុកល្ហុង​ពេលនោះ ក៏មាន​បុរស​២​នាក់ ស្រវឹង​ពី​ចម្ងាយ​មក​ចូល​អង្គុយ​ផឹកស៊ី នៅ​កន្លែង​បុកល្ហុង​បន្ថែមទៀត​។​មួយសន្ទុះ ក្រោយមក​ក៏មាន​ភ្ញៀវ​ម្នាក់​ជា​គ្រូបង្រៀន បាន​ផឹក​ស្រវឹង​រួច​ក្អួតចង្អោរ​ហើយ​ជនរងគ្រោះ​និយាយថា នរណា​ក្អួត​បើ​ចង់​ក្អួត​ចាំ ក្អួត​នៅ​ថ្ងៃស្អែក​ទៅ​។​ពេលនោះ​ជនរ​រង គ្រោះ​ដើរចេញ​បាន​ប្រហែល​៤​ជំហាន  ក៏ត្រូវ​ជនសង្ស័យ​២​នាក់​ម្នាក់​កាន់​កែវ ម្នាក់​កាន់​ដប​ស្រា​បៀរ​ស្ទុះ​មកវា​យក​ក្បាល ពីក្រោយ​បណ្ដាលឱ្យ​របួស​តែម្ដង​។ បុរស សង្ស័យ​បាន​សារភាពថា គេ​ពិតជា​បាន យក​ដប​ស្រា​បៀរ​និង​កែវ​វាយ​ទៅលើ​យុវ ជន​២​នាក់​នោះ​មែន​។​

06112013 

​បច្ចុប្បន្ន​បុរស​សង្ស័យ​ទាំង ២​នាក់​សមត្ថកិច្ច​កសាង​សំណុំរឿង​បញ្ជូនទៅ​ស្នងការដ្ឋាន​នគរបាល​ខេត្ដ ដើម្បី​ចាត់ការ​បន្ត​៕

 

Leave a Reply

(*) Required, Your email will not be published