បុគ្គលិក​សណ្ឋាគារ​លំដាប់​ផ្កាយ ៥ ឡឺ​ម៉េ​រី​ឌា​ន​អង្គរ ធ្វើបាតុកម្ម​តវ៉ា​ទាមទា​ល័ក្ខខ័ណ្ឌ ៣ ចំណុច

, , Leave a comment

​ខេត្តសៀមរាប ៖ បុគ្គលិក​បម្រើ​ការងារ​នៅក្នុង​សណ្ឋាគារ​ឡឺ​ម៉េ​រី​ឌា​ន​អង្គរ ប្រមាណ​ជិត ១០០ នាក់​បានធ្វើ​បាតុកម្ម​ត​វ៉ា​ទាមទា​ឲ្យ​ដក​ប្រធាន​ផ្នែក​វិសកម្ម​ឈ្មោះ ស្រូ​យ សុខុម ចេញពី​ការងារនិង​ទាមទារ​នូវ​ល័ក្ខខ័ណ្ឌ​២​ចំណុច​ទៀត​ដែលមាន​វិវាទ​នៅក្នុង​នោះ​។ ការតវ៉ា​របស់​បុគ្គលិក​សណ្ឋាគារ​នេះ​បានចាប់ផ្ដើម​ពី​ម៉ោង ៩ និង ៣០ នាទី​ព្រឹក​ថ្ងៃទី​៦ ខែវិច្ឆិកា ឆ្នាំ​២០១៣ នៅក្នុង​បរិវេណ​សណ្ឋាគារ​លំដាប់​ផ្កាយ​៥ ស្ថិតនៅ​បណ្ដោយ​ផ្លូវ​ទៅ​ប្រាសាទអង្គរវត្ត ជាប់​មន្ទីរពេទ្យ​គន្ធបុប្ផា​អង្គរ តែ​បាន​រំសាយ​ទៅវិញ​នៅវេលា​ម៉ោង ១១ និង ៣០ នាទី​ក្នុង​ថ្ងៃ​ដដែល​បន្ទាប់ពី​តំណាង​អ្នក​តវ៉ា​បាន​ជួប​ជាមួយ​តំណាង​ភាគី​សណ្ឋាគារ​រួចមកហើយ​គេ​សង្កេតឃើញ​ក្រុម​សមត្ថកិច្ច​ជាច្រើន​នាក់​បានដាក់​ពង្រាយ​ផងដែ​។​

 06-11-2013 

​ក្រុមអ្នកតវ៉ា​បម្រើការ​ងារ​នៅក្នុង​សណ្ឋាគារ​ឡឺ​ម៉េ​រី​ឌា​ន​អង្គរ បាន​ឲ្យ​ដឹងថា ការធ្វើ​បាតុកម្ម​តវ៉ា​នេះ គឺមាន ៣ ចំណុច​ដែល​ត្រូវ​ទាមទារ​ទី​១-​សូម​ឲ្យ​ខាង​សណ្ឋាគារ​បន្ត​កុងត្រា​ដល់​ឈ្មោះ លី លីន​ដា ចូល​បម្រើ​ការងារ​ជាធម្មតា​វិញ​បន្ទាប់ពី​ភាគី​សណ្ឋាគារ​បានចេញ​សេចក្ដីជូនដំណឹង​បញ្ឈប់​ប្រធាន​រូបនេះ​កាលពី​ថ្ងៃទី​១ ខែវិច្ឆិកា ឆ្នាំ​២០១៣ កន្លងទៅ​ថ្មីៗ​នេះ ទី​២-​សូម​ឲ្យ​ឈ្មោះ យិ​ញ ប៉េង ចូលធ្វើការ​វិញ​និង​គិត​ប្រាក់ខែ​ឲ្យ​ចាប់ពី​បាន​បញ្ឈប់​កាល​កន្លងមក និង​ទី​៣-​សូម​ឲ្យ​ខាង​ស​ណ្ឋ​គា​រដក​ឈ្មោះ ស្រូ​យ សុខុម ចេញពី​ការងារ​។​

06-11-2013 (1)

​បន្ទាប់ពី​តំណាង​អ្នក​តវ៉ា​បាន​ជួប​ច​ចា​ជាមួយ​តំណាង​សណ្ឋាគារ​អស់​រយៈពេល​ជិត ២ ម៉ោង​រូ​ចមក​ភាគី​ទាំងសងខាង​បាន​ឯកភាពគ្នារ​ឲ្យ​រំសាយ​ក្រុមអ្នកតវ៉ា និង​បុគ្គលិក​ណា​ត្រូវ​ម៉ោង​ធ្វើការ​ចូលធ្វើការ​រៀងៗ​ខ្លួន​វិញ​ក្រោយពី​កិច្ចចរចា​បាន​ព្រមព្រៀងគ្នារ​ទុកពេល​ឲ្យ​សណ្ឋាគារ​រក​ដំណោះស្រាយ​មាន​រយៈពេល​៥​ថ្ងៃ​ខាងមុខ​។​

 

​នៅក្នុងពេល​បុគ្គ​លឹក​សណ្ឋាគារ​ឡឺ​ម៉េ​រី​ឌា​ន​អង្គរ មាន​ជ​ន្លោះ​ដែល​នាំ​ឲ្យ​ទៅដល់​ផ្ទុះ​ការតវ៉ា​នោះ​ក៏មាន​លោក កែវ រក្សា ប្រធានការិយាល័យ​សណ្ដា​ប់​ធ្នាប់​ខេត្តសៀមរាប និង​អនុប្រធាន​មន្ទីរ​ការងារ​ខេត្ត​ផងដែរ បាន​ចុះទៅ​កន្លែងកើតហេតុ​នោះ​។ តំណាង​ភាគី​ខាង​សណ្ឋាគារ​មិនបាន​បង្ហាញ​បញ្ជាក់​បំភ្លឺ​ដល់​អ្នកយកព័ត៌មាន​ជុំវិញ​បាតុភាព​នេះ​ទេ ដោយនៅ​ខណៈពេល​ច​ចា​មិន​ឲ្យ​អ្នកកាសែត​ចូលរួម​ស្ដាប់​។​

06-11-2013 (2)

​ប៉ុន្តែ​បើទោះបីជា​យ៉ាងនេះ​ក្ដី​អនុប្រធាន​មន្ទីរ​ការងារ​ខេត្តសៀមរាប លោក អ៊ឹម ចំរើន បានផ្ដល់​បទសម្ភាសន៍​ដល់​ក្រុមអ្នកកាសែត​ក្រោយ​ចរចា​ចប់​ថា ខាង​សណ្ឋាគារ​បាន​សំណូមពរ​ពន្យា​ពេល​រយៈ​៥​ថ្ងៃ​ដើម្បី​រក​គន្លឹះ​ដោះ​ស្រ​យ​ដោយ​ស្រម​ស្រប​ដែល​ទទួលយកបាន​៕

 

Leave a Reply

(*) Required, Your email will not be published