បើ​គ្មាន​បង សុខចិត្ត​ស្លាប់ ក្លាយជា​ប្រយោគ​សម្រាប់​ស្ដ្រី​លក់​ស្រា​បៀរ​ដែល​ត្រូវ​សង្សា​បោះបង់​

, , Leave a comment

​ខេត្ដ​កំពត ៖ ការសម្លាប់​ខ្លួន​បាន​ក្លាយទៅជា​មធ្យោបាយ​ចម្បង​មួយ មិន​ថា យុវវ័យ ឬ មជ្ឈិមវ័យ​តែងតែ​ជ្រើសរើស​វិធី​នេះ​មក​ដោះស្រាយ ។ ដំណោះស្រាយ​នេះ​ក៏ត្រូវ​បាន​នារី​ម្នាក់​រើស​យកមកប្រើ គ្រាន់តែ​ខឹង​នឹង​សង្សា សុំ​ចែកផ្លូវ​គ្នា ។ ហេតុ​ការភ្ញាក់ផ្អើល​មួយ​នេះ​បាន​កើតឡើង​នៅវេលា​ម៉ោង ១២ ថ្ងៃត្រង់ ថ្ងៃទី​៥ ខែវិច្ឆិកា ឆ្នាំ ២០១៣ នៅ​ព្រែក​កំពង់បាយ ទល់មុខ​ម​ន្ទី​រ​ពេទ្យបង្អែក​ខេត្ត​។​

 

​នារី​ដែល​គិត​ខ្លី​សម្លាប់ខ្លួន​មានឈ្មោះ ស្រី​ម៉ៅ អាយុ​២៥​ឆ្នាំ នាង​ជា​ស្ដ្រី​លក់​ស្រា​បៀរ​ក្នុង​ហាង​ខារ៉ាអូខេ​ក្នុង​ក្រុង​កំពត ស្នាក់នៅ​ផ្ទះជួល​មួយកន្លែង ក្នុងភូមិ​កំពង់បាយ​ខាងជើង សង្កាត់​កំ​ព​ង់​បាយ ក្រុង​កំពត​ ខេត្ត​កំពត​។​

 

​ប្រភពព័ត៌មាន​ពី​មិត្តភក្តិ​នារី​គិត​ខ្លី​នេះ​បាន​ឲ្យ​ដឹងថា ស្ដ្រី​ម្នាក់​បាន​លេបថ្នាំ​ប៉ុនប៉ង​ធ្វើ​អត្ដ​ឃាត​ដោយសារ​ខឹង​នឹង​ប្រុស​ស្នេហ៍​សុំ​ចែកផ្លូវ​គ្នា ក្រោយពី​ប្រុស​ស្នេហ៍​នោះ​ដឹងថា​នាង​ធ្លាប់មាន​ប្រុស​ស្នេហ៍​មុន​ម្ដង រួចហើយ តែ​ត្រូវ​បែក​គ្នា និង​ទើប​មកជួប​ខ្លួន​ជា​ប្រុស​ស្នេហ៍​ទី​២ ។ នៅពេល​ប្រុស​ស្នេហ៍​ទី​២​សុំ​ចែកផ្លូវ​គ្នា​នោះ នាង​តូច​ចិ​ត្ដ​ក៏​លេបថ្នាំ​ប៉ុនប៉ង​សម្លាប់ខ្លួន​តែ​ពុំមាន​អ្នកណា​ដឹង ថា ជា​ថ្នាំ​អ្វី​ទេ ។​

 

ក្រោយពី​ឃើញ​នាង​ក្អួត អ្នកជិតខាង​ក៏​ដឹក​ទៅ​សង្គ្រោះ​នៅ​មន្ទីរពេទ្យ​ខេត្ដ​នៅវេលា​ម៉ោង​១១​និង ១៥​នាទី​ព្រឹក​ថ្ងៃទី​៥ វិច្ឆិកា លុះ​មកដល់​មន្ទីរពេទ្យ ក្រុមគ្រូពេទ្យ​ក៏​ជួយសង្គ្រោះ​រួចផុត​ពី​គ្រោះ​ថ្នា​ក់​​ដល់​អាយុជីវិត ។ ប៉ុន្ដែ​នៅវេលា​ម៉ោង​១២​ថ្ងៃត្រង់​ថ្ងៃ​ដដែល​នោះ​នាង​ក៏បាន​ផ្ដាច់ សេរ៉ូម​ចេញរួច​រត់​មក​លោតទឹក​ព្រែក​កំពង់បាយ ទល់មុខ​មន្ទីរពេទ្យ​ទៀត ហើយ​ត្រូវបាន​មិ​ត្ដ​ភក្ដិ​២​នាក់​ជា​ស្ដ្រី​ដូចគ្នា និង​ប្អូនស្រី​ម្នាក់​ដឹង​ទាន់​ចុះទៅ​ស្រង់​ពី​ក្នុង​ទឹក​រួច​ផុតពី គ្រោះថ្នាក់​ដល់​អាយុជីវិត ។  ស្ដ្រី​រូបនេះ កន្លងមក​ធ្លាប់មាន​គូស្នេហ៍​រស់នៅ​ជាមួយគ្នា​ដូច​ប្ដី​ប្រពន្ធ​អស់​មួយ រយៈ​មកហើយ ដែល​គូ​ស្នេ​ហ៍​នោះ​ជា​មន្ដ្រីប៉ូលិស ។ ក្រោយមក​បាន​បែក​គ្នា​ពី​គូស្នេហ៍​នោះ ហើយក៏​ទៅ​ជួប​ជាមួយ​បុរស​ចំណាស់​ម្នាក់​ជា​គូស្នេហ៍​បន្ទាប់ ។​

06-11-2013

​ប្រភព​ដដែល​ឱ្យដឹងទៀតថា គូស្នេហ៍​បន្ទាប់​នេះ ក្រោយពី​ដឹងថា ស្រី​ស្នេហ៍​របស់ខ្លួន​ធ្លាប់មាន​ប្រុស​ស្នេហ៍​មុន​ជា​មន្ដ្រីប៉ូលិស ប្រហែលជា​ខ្លាច​មាន​បញ្ហា​ទៅ​ថ្ងៃមុខ រូបគេ​ក៏​សុំ​ចែកផ្លូវ ទោះបី​ស្ដ្រី​រូបនេះ​អង្វរ​ថា​គ្មាន​បញ្ហា ក៏​គូស្នេហ៍​ចំណាស់​រូបនោះ​មិន​ហ៊ាន​តស៊ូ​ដែរ ទើប​ស្ដ្រី​រូបនេះ​តូច​ចិ​ត្ដ​ប៉ង​ធ្វើ​អត្ដ​ឃាត​ជា​បន្តបន្ទាប់ ៕

 

Leave a Reply

(*) Required, Your email will not be published