លោកស្រី​នាយករដ្ឋមន្ត្រី​ថៃ យី​ង​ឡាក់ ស៊ីន​ណា​វ៉ា​ត់​ត្រា អង្វរករ​ទាំង​ទឹកភ្នែក ឲ្យ​មានការ​បង្រួបបង្រួម​

, , Leave a comment

​ប្រទេស​ថៃ ៖ លោកស្រី​នាយករដ្ឋមន្ត្រី​ថៃ យី​ង​ឡាក់ ស៊ីន​ណា​វ៉ា​ត់​ត្រា នៅ​ថ្ងៃ​ចន្ទ បាន​ស្រក់​ទឹកភ្នែក​បណ្តើរ​អំពាវនាវ​ឲ្យ​គ្រប់ភាគី​មាន​ជម្លោះ​រឿង​នយោបាយ​រួបរួមគ្នា​បណ្តើរ​។ លោកស្រី​បានធ្វើ​បែបនេះ​ខណៈ​បាន​ជួប​សមាជិក​ក្រុមគ្រួសារ​របស់​ជនរងគ្រោះ ដែល​ត្រូវបាន​សម្លាប់​ក្នុងពេល​បង្ក្រាប​ពួក​បាតុករ​អាវ​ក្រហម កាលពី​ឆ្នាំ​២០១០ នៅឯ​វិមាន​នាយករដ្ឋមន្ត្រី ។ នេះ​បើ​យោងតាម​ការចុះផ្សាយ​រប​ស់​សារព័ត៌មាន The  Nation ។

thai (1) 

​ការអំពាវនាវ​ទាំង​ទឹកភ្នែក​របស់លោក​ស្រី យី​ង​ឡាក់ បាន​កើតមាន​ចំពេល​ដែល​ពួក​គណបក្សប្រឆាំង​បាន​ដឹកនាំ​សកម្មជន​ប្រមាណ​២​ម៉ឺន​នាក់ ធ្វើបាតុកម្ម នៅ​ទូទាំង​ក្រុង​បាងកក ដើម្បី​ប្រឆាំងនឹង​សេចក្តីព្រៀងច្បាប់​លើកលែងទោស​ទូទៅ ។ លោកស្រី​បាន​ប្រាប់​ប្រជាពលរដ្ឋ​ដែល​គាំទ្រ​ដល់​សេចក្តីព្រៀងច្បាប់ លើកលែងទោស​ទូទៅ​ទាំងនោះ​ថា មានតែ​ច្បាប់​លើកលែងទោស​នេះ​ទេ​ដែល​ធ្វើ​ឲ្យ​ប្រទេសជាតិ​រីកចម្រើន​ទៅមុខ និង​បញ្ចៀស​ការបង្ហូរ​ឈាម​ដូចពេលមុន ។​

 

​យ៉ាងណាក៏ដោយ លោកស្រី​បាន​បន្ថែមទៀតថា លោកស្រី​បាន​បញ្ជា​ឲ្យ​នគរបាល​ទាំងអស់​មាន​ភាព​អត់ធ្មត់​ចំពោះ​ពួក​បាតុករ​។ ពួក​បាតុករ​ដែល​ដឹកនាំ​ដោយ​សមាជិកសភា​ខាង​គណបក្សប្រឆាំង​គឺ​លោក ស៊ូ​ថេប ធឿ​ក​ស៊ូ​បាន បានទាមទារ​ឲ្យ​លុបចោល​ផែនការ​លើកលែងទោស ហើយ​ពួកគេ​អះអាងថា​នឹងធ្វើ​បាតុកម្ម​ដ​លើ​ទីបំផុត ប្រសិនបើ​មិន​ធ្វើតាម​បំណង​របស់​ពួកគេ​។​

thai (2)

ប្រសិនបើ​ច្បាប់​នេះ​ត្រូវអនុម័ត​ជា​ផ្លូវ​ការណ៍​នោះ ទណ្ឌិត​ទាំងអស់​ដែល​ពាក់ព័ន្ធ​នឹង​ជម្លោះ​នយោបាយ​តាំងពី​ពេលធ្វើ​រដ្ឋប្រហារ កាលពី​ឆ្នាំ​២០០៦ នឹងត្រូវ​លើកលែងទោស​។ ពួក​ប្រឆាំង​គិតថា​ច្បាប់​នេះ​នឹង​ជួយ​ឲ្យ​លោក​ថាក់ស៊ីន​ទទួល​ការលើកលែងទោស​។ សភា​ប្រទេស​ថៃ​ទើបតែ​បាន​បោះឆ្នោត​គាំទ្រ​សេចក្តីព្រៀងច្បាប់​នេះ ក្នុងនោះ មាន​សំឡេងគាំទ្រ​លើសលុប​៕

 

Leave a Reply

(*) Required, Your email will not be published