រឿង​ប្រាសាទព្រះវិហារ ពួក​ជាតិនិយម​នៅ​ថៃ នៅតែ​ប្រកាន់​គោលជំហរ​ដដែល ដោយ​ប្រកាស​ប្រឆាំង​សាលក្រម​តុលាការ​អន្តជាតិ​ក្រុងឡាអេ

, , Leave a comment

​ប្រទេស​ថៃ ៖ យោងតាម​ការចុះផ្សាយរ​បស់​សារព័ត៌មាន The Nation កាលពី​ថ្ងៃ​អង្គារ​បង្ហាញ​ពី​គោលជំហរ​របស់​មេដឹកនាំ​ក្រុម​ជាតិនិយម​ក្នុងប្រទេស​ថៃ ដោយ​អះអាងថា ក្រុម​របស់​ពួកគេ​ប្រកាន់​ជំហរ​ប្រឆាំងនឹង​សាលក្រម​របស់​តុលាការ​យុត្តិធម៌ អន្តរជាតិ​ក្រុងឡាអេ ពាក់ព័ន្ធ​នឹង​ប្រាសាទព្រះវិហារ​របស់​ក​ម្ពុ​ជា​។

​យោងតាម​ប្រភព​ដដែល ពួកគេ​គ្រោង​នឹង​ប្រឆាំងនឹង​សាលក្រម​អន្តរជាតិ ព្រោះតែ​ពួកគេ​មិន​ទុកចិត្ត​ដល់​គណបក្ស​ភឿ​ថៃ ដែល​ដឹកនាំ​រាជរដ្ឋាភិបាល​ថៃ នាពេល​បច្ចុប្បន្ន ដោយ​ពួកគេ​គិតថា រាជរដ្ឋាភិបាល​ថៃ​គឺ​ត្រៀមខ្លួន​កាត់​ទឹកដី​ឲ្យ​កម្ពុជា​។​

thai poe (1) 

​តុលាការ​យុត្តិធម៌​អន្តរជាតិ ហៅ​កាត់​ជា​ភាសា​អង់គ្លេស ICJ គ្រោង​នឹង​ចេញ​សេចក្តីសម្រេច​លើ​ករណី​ប្រាសាទព្រះវិហារ​នេះ នៅ​ចន្ទ ថ្ងៃ​១១ វិច្ឆិកា ឆ្នាំ​២០១៣ ពោលគឺ​បន្ទាប់ពី​កម្ពុជា ស្នើ​តាំងពី​ខែមេសា ឆ្នាំ​២០១១ ឲ្យ​តុលាការអន្តរជាតិ​មួយ​នេះ​បកស្រាយ​សាលក្រម​របស់ខ្លួន នា​ឆ្នាំ​១៩៦២ ដើម្បី​បញ្ជាក់ថា តើ​តំបន់​ជុំវិញ​ប្រាសាទបុរាណ​មួយ​នេះ ស្ថិតក្រោម​អធិបតេយ្យភាព​ប្រទេស​កម្ពុជា ឬ​ប្រទេស​ថៃ​។​

thai poe (2)

​ការប្រកាស​ប្រឆាំងនឹង​សាលក្រម​ពី​ពួក​ជាតិនិយម​ថៃ​នេះ​បានកើត​មាន បន្ទាប់ពី​រយៈពេល​ប៉ុន្មាន​ថ្ងៃ​មុននេះ ដែល​អគ្គ​មេ​បញ្ជា​កងទ័ព​ថៃ​បានចេញ​បំរាម​មិន​ឲ្យ​មាន​សកម្មភាព​បាតុកម្ម​នៅ ទីតាំង​យុទ្ធសាស្ត្រ​នានា ដែល​ស្ថិត​ក្បែរ​តំបន់​ព្រំដែន​រវាង​ប្រទេស​ទាំងពីរ​ឡើយ​៕

 

 

Leave a Reply

(*) Required, Your email will not be published